ស្វែងយល់ពីចរិកលក្ខណៈខែកំណើត​តាមរបៀបគិតរបស់ជនជាតិជប៉ុន

នៅពេលជួបនរណាម្នាក់លើកដំបូងជនជាតិជប៉ុនច្រើនតែមើល​ទៅលើលក្ខណៈពិសេសដូចជាថ្ងៃខែឆ្នាំកំណើត ប្រភេទឈាម ស្ថិតក្នុង​ក្រុមផ្កាយណាដើម្បីស្វែងយល់ពីមនុស្សម្នាក់។ សូម្បីតែនិយោជកជប៉ុនមួយចំនួន​ក៏​វាយ​តម្លៃលើ​លក្ខណៈនេះ​ដែរ។

តោះយើងស្វែងយល់ពីខែកំណើតរបស់អ្នកតាមរបៀបគិតរបស់ជនជាតិជប៉ុនទាំងអស់គ្នា។

ខែមករា៖ 月(tsuki) – ព្រះច័ន្ទ

និស្ស័យ៖ អ្នកដែលកើតក្នុងខែមករាមានចរិកលក្ខណៈកក់ក្តៅ សុភាព និងចេះជួយអ្នក​ដទៃ។ លុយ​កាក់ ថាម​ពល និងមិត្តភក្តិសុទ្ធតែ​គ្មាន​បញ្ហា។

ពូកែរកលុយ មាន​ទំនាក់​ទំនងល្អជាមួយ​អ្នក​ដទៃ ទោះជាមាន​រឿងអ្វីក៏ជៀសវាងការឈ្លោះប្រកែកគ្នាដែរ។ ប្រសិនបើចង់និយាយឬពិភាក្សារឿងអ្វីមួយអ្នក​អាចរក​អ្នក​ដែល​កើតនៅខែមករា។ ទោះយ៉ាងណាមនុស្សដែលកើតក្នុងខែនេះជាមនុស្សបូរាណ មានចិត្តរឹងរូស ចរិក​ដូចក្មេង ហើយងាយ​ទុកចិត្ត​មនុស្ស។ ទឹកមុខដូចជាកំពុង​មាន​រឿង​សោក​សៅអាចនឹងពិបាកចិត្តរឿងអ្នក​ដទៃ។

តំណាង​អោយប្រភេទ​ផ្កា៖ Cymbidium

ប្រភេទថ្ម៖ ថ្ម Garnet 

ពណ៌សំណាង៖ ក្រហម

ខែកុម្ភៈ៖ 愛(Ai) – សេ្នហា

និស្ស័យ៖ មនុស្សកើតខែកុម្ភៈតែងតែគិតវិជ្ជមាន​ចំពោះរឿងគ្រប់យ៉ាង ឆន្ទៈវិនិច្ឆ័យល្អ មាន​គំនិតអភិវឌ្ឍខ្លួន។ ស្អប់ភាព​បរាជ័យ ពេល​កំ​ណត់​គោលដៅនឹង​បំ​ពេញ​ដល់ទីបញ្ចប់។

គុណវិបត្តិ៖ ការប្រាស្រ័យទាក់ទងជាមួយមនុស្សទល់មុខគឺខ្សោយ រឹងរូស ហើយមានជំនឿលើខ្លួនឯងខ្លាំងពេក​ធ្វើ​អោយ​មាន​សត្រូវច្រើន ប៉ុន្តែដោយចរិក​លក្ខណៈទៀងត្រង់នាំអោយមនុស្សជុំវិញ​ចាប់អារម្មណ៍។

តំណាង​អោយប្រភេទ​ផ្កា៖ Orchids South Africa

ប្រភេទថ្ម៖ Amethyst

ពណ៌សំណាង៖ Cyan

ខែមីនា៖ 空 (Sora) – ផ្ទៃមេឃ

និស្ស័យ៖ មនុស្សដែលកើតក្នុងខែនេះទន់ភ្លន់ ពូកែចាប់គូរអោយអ្នក​ដែល​នៅលីវ ហើយជាមនុស្សងាយចុះសម្រុងគ្នាតែងតែសប្បាយរីករាយប៉ុន្តែពេលខ្លះរៀងស្ងប់ស្ងាត់។

ជាមនុស្សរស់​ដើម្បី​ខ្លួន​ឯងច្រើន​ជាង ជួនកាលគ្មានទំនួលខុសត្រូវ ខ្ជិលច្រអូស ហើយងាយស្រួលត្រូវគេបោកបញ្ឆោត។

តំណាង​អោយប្រភេទ​ផ្កា៖ ផ្កា Tulip

ប្រភេទថ្ម៖ Aquamarine ផ្កាថ្ម

ពណ៌សំណាង៖ ពណ៌ផ្កាឈូកខ្ចី ( Yume yoi Zakura)

ខែមេសា 水 (Mizu) – ទឹក

និស្ស័យ៖ ជាមនុស្សស្វាហាប់ មាន​ថាមពលនាព្រឹកនៃនិទាឃរដូវ គួរអោយទុកចិត្ត មនុស្សបូរាណ ពេល​ខ្លះតឹងរឹងចំ​ពោះខ្លួន​ឯង និងចេះជួយធុរៈ។

ចេះគិតល្អិតល្អន់ និងហ្មត់ចត់ ជាមនុស្ស​គិតអ្វីនិយាយ​នឹងងាយធ្វើ​អោយអ្នកដទៃខឹង អ្នក​គួរតែចាប់អារម្មណ៍​មុន​ពេល​និយាយជាមួយនរណាម្នាក់។

តំណាង​អោយប្រភេទ​ផ្កា៖ ផ្កាសាគូរ៉ា

ប្រភេទថ្ម៖ ពេជ្រ

ពណ៌សំណាង៖ Yellow-brown

ខែឧសភា៖ 花 (Hana) – ផ្កា

អ្នក​ដែល​កើតក្នុង​ខែឧសភាមានសមត្ថភាពដោះស្រាយបញ្ហាលំបាកដោយសារការប្រាស្រ័យ​ទាក់​ទងល្អ មាន​ទំនុក​ចិត្ត​លើ​ខ្លួន និងតែងតែខិត​ខំព្យាយាម​។ ពេលខ្លះ​​គិតតែខ្លួន​​ឯងហើយច្រណែននឹងអ្នកដទៃ។  ចូលចិត្តធ្វើ​ដំ​ណើរកំ​សាន្ត​ ជួនកាលខ្ជិលច្រអូស ជួបឧបសគ្គក្នុងរឿងស្នេហា។

តំណាង​អោយប្រភេទ​ផ្កា៖ ផ្កាអ័រគីដេ

ប្រភេទថ្ម៖ ត្បូង និងថ្មខៀវ

ពណ៌សំណាង៖ ពណ៌ស្វាយចាស់ (hatsukoi Azami)

ខែមិថុនា 宇宙 (Uchu) – សកលលោក

និស្ស័យ៖ ដូចជាភ្លើងនៅរដូវក្តៅតែងតែឆេះឆួល ចូលចិត្តដំ​ណើរកំ​សាន្តកន្លែងដែលពោរពេញដោយការផ្សងព្រេង គ្រោះ​ថ្នាក់ ចូលចិត្តឈ្នះ ចាញ់ដូច្នេះមានទំនោរលេងកីឡា។

មនុស្ស​ដែល​កើត​ក្នុង​ខែ​នេះ​ស្រលាញ់​ស្អប់​ច្បាស់​លាស់ ហើយមិនសូវពូកែលាក់បាំងឬការងារដែល​ត្រូវ​ការភាព​ហ្មត់​ចត់​​ឡើយ តែង​ភ្លេច​សន្យា គិតអីនិយាយ​នឹង​ដូច្នេះ​អាច​បរាជ័យ​ច្រើន​ក្នុង​ការ​ងារ។

តំណាង​អោយប្រភេទ​ផ្កា៖ ផ្កាកូលាប

ប្រភេទថ្ម៖ ថ្មព្រះច័ន្ទ គុជខ្យង

ពណ៌សំណាង៖ ពណ៌ខៀវ (Akogare kazura)

ខែកក្កដា៖ 太陽 (Taiyo) – ព្រះអាទិត្យ

និស្ស័យ៖ ស្រួលបង្កើតមិត្តភក្តិភាព តែធ្វើការហួសកម្លាំង មិន​អាច​ទ្រាំនឹងសម្ពាធ មិនលេចធ្លោដូចអ្នកដទៃ ត្រូវខិតខំ​ព្យាយាម​ទើបការងារទទួលបាន​ជោគជ័យ។

តំណាង​អោយប្រភេទ​ផ្កា៖ ផ្កា Tuberose, lilies

ប្រភេទថ្ម៖ Ruby

ពណ៌សំណាង៖ ពណ៌ស្វាយខ្ចី (sakisome kofuji)

ខែសីហា៖ 星 (Hoshi) – ផ្កាយ

និស្ស័យ៖ ជាមនុស្សតែងតែយកចិត្តទុកដាក់ចំពោះគ្រួសារ ពូកែខាងទំនាក់ទំនងសង្គម តែងទទួលបាន​ជោគជ័យចំពោះការងារដែលមានសម្ពាធ និងបញ្ហាប្រឈមច្រើន ប៉ុន្តែរៀងគិតច្រើនមិនងាយទុកចិត្តមនុស្ស។

តំណាង​អោយប្រភេទ​ផ្កា៖ ផ្កាឈូករ័ត្ន

ប្រភេទថ្ម៖ Peridot

ពណ៌សំណាង៖ ក្រហមស្វាយខ្ចី

ខែកញ្ញា 森 (Mori) – ព្រៃ

និស្ស័យ៖ មនុស្ស​ដែល​កើតក្នុង​ខែកញ្ញាជាមនុស្ស​មាន​មនោសញ្ចេតនាច្រើន រឹងរូស បូរាណដូច្នេះអាច​នឹង​ធ្វើ​អោយ​អ្នក​ដទៃអន់​ចិត្ត។ ខ្វះការគិតពិចារណាប៉ុន្តែ​គិត​គូហ្មត់​ចត់ ដូច្នេះ​សកម្ម​ភាព​របស់​គួកគេ​ទាំង​អស់​មិន​លើសហើយក៏​មិន​ខ្វះ​ដែរ។

តំណាង​អោយប្រភេទ​ផ្កា៖ ផ្កា Peony

ប្រភេទថ្ម៖  Sapheir

ពណ៌សំណាង ៖ ខៀវចាស់ (Koijizayoi)

ខែតុលា៖ 風船 (fusen) – ប៉េងប៉ោង

និស្ស័យ៖ ជាមនុស្សចូលចិត្តធ្វើ​ការ មានទំនួលខុសត្រូវ ចូលចិត្តផ្លាស់​ប្តូរទីកន្លែង តែង​កំ​ណត់​គោល​ដៅ​ផ្ទាល់​ខ្លួន ហើយ​ព្យាយាម​សម្រេចគោលដៅ។ ជាមនុស្ស​បូរាណ ពេល​ខឹង​គួរអោយ​ខ្លាចណាស់។

តំណាង​អោយប្រភេទ​ផ្កា៖ ផ្កា Gerbera

ប្រភេទថ្ម៖ Opal tourmaline

ពណ៌សំណាង៖ ពណ៌ស្វាយ (Omoware shion)

ខែវិច្ឆិកា៖ 天 (Ten) – មេឃ

និស្ស័យ៖ រឿងដែលមិនសប្បាយចិត្តស្រួលបំភ្លេច ចូលចិត្តនិយាយពីប្រធានបទស្នេហា ពេលខ្លះត្រួតត្រា។ តែង​កំ​ណត់​គោល​ដៅតែបោះបង់ពាក់កណ្តាលផ្លូវ ឆាប់ជឿមនុស្សអាចត្រូវ​គេបោក។

តំណាង​អោយប្រភេទ​ផ្កា៖ ផ្កា Primulaceae

ប្រភេទថ្ម៖ ត្បូងពណ៌លឿង

ពណ៌សំណាង៖ ពណ៌ក្រហមទឹកក្រូច (Koisome momiji)

ខែធ្នូ៖ 雪 – ព្រិល

និស្ស័យ៖ ដោយសារតែកើតក្នុងរដូវរងារសំបក​ក្រៅមើល​ទៅសោះកក្រោះ មានញ្ញាណទី ៦ មានគំនិតច្នៃប្រឌិត ល្អិតល្អន់ មានភាពទាក់​ទាញតែចូលចិត្តប្រច័ណ្ឌ។

តំណាង​អោយប្រភេទ​ផ្កា៖ ផ្កា Poinsettia

ប្រភេទថ្ម៖ Turquoise

ពណ៌សំណាង៖ ពណ៌ត្នោតលាយប្រផេះ (Wasurena sumire)

អត្ថបទនេះគ្រាន់ជាឯកសារយោងតែប៉ុណ្ណោះ មិន​មែន​ត្រូវ ១០០ % ទៅលើអត្តចរិកមនុស្ស​ម្នាក់​ឡើយ។ អ្នក​គួរតែស្វែងយល់ពីមនុស្សម្នាក់​ដោយនិយាយគ្នាឬជួបផ្ទាល់​ល្អជាង។

DK