ទំព័រដើម
Japo- ថ្ងៃនេះ
កន្លែងទាំង ៥ ដែលទៅមើលផ្កាសាគូរ៉ាពណ៌សរីកស្អាតបំផុតនៅទីក្រុងតូក្យូ

កន្លែងទាំង ៥ ដែលទៅមើលផ្កាសាគូរ៉ាពណ៌សរីកស្អាតបំផុតនៅទីក្រុងតូក្យូ

ថ្ងៃសៅរ៍ 04/01/2020 | 11:45 ព្រឹក

តើអ្នកធ្លាប់ធ្វើដំណើរទៅប្រទេសជប៉ុនទេ? ប្រសិនបើអ្នកមានគម្រោងធ្វើដំណើរកំសាន្តទៅប្រទេសជប៉ុន អ្នកអាចមកលេងនៅទីក្រុងតូក្យូជាកន្លែងទាក់ទាញភ្ញៀវទេសចរណ៍ដ៏ល្បីនៃនិទាឃរដូវ។ ទេសភាពផ្កាសាគូរ៉ាពណ៌សរាប់ពាន់ដើម ហ្វូងមនុស្ស និងហាងលក់អាហារជាច្រើនបង្កើតជាបរិយាកាសនៃពិធីបុណ្យផ្កាសាគូរ៉ាពណ៌សដែលមិនអាចបំភ្លេចបាន។ ភាគច្រើនកន្លែងដែលគេប្រមូលផ្តុំទៅមើលផ្កាសាគូរ៉ារីកគឺនៅតាមឧទ្យានឬផ្លូវដែលល្បីៗ។

តោះមកមើលកន្លែងទាំង ៥ ដែលផ្កាសាគូរ៉ាពណ៌សរីកស្អាតបំផុតនៅទីក្រុងតូក្យូមានកន្លែងណាខ្លះ៖

១. Ueno Onshi Park

ឧទ្យាន Ueno ឬ Ueno Onshi Park (上野恩賜公園) គឺជាកន្លែងស្អាតបំផុតសម្រាប់ទៅមើលសាគូរ៉ាពណ៌សរីកនៅទីក្រុងតូក្យូ។ ឧទ្យាននេះសម្បូរទៅដោយធម្មជាតិ ហើយមានដើមឈើប្រមាណ ១០០០ ដើមតាមបណ្តោយឧទ្យានដែលលេចធ្លោជាងគេ។ ឧទ្យាន Ueno ជាកន្លែងគួរអោយចាប់អារម្មណ៍បំផុតព្រោះក្រៅពីសាគូរ៉ាពណ៌ស នៅមានសារមន្ទីរជាតិទីក្រុងតូក្យូ សារមន្ទីរសិល្បៈ សារមន្ទីរសិល្បៈប្រទេសលោកខាងលិច និងសួនសត្វដំបូងរបស់ជប៉ុនក៏នៅទីនេះផងដែរ។

រូបភាព World Friend Tours

២. Shinjuku Gyoen

នៅសម័យអេដូឧទ្យាន Shinjuku Gyoen គឺជាវិមានរបស់ស្តេចក្រាញ់ក្រោយមកត្រូវបានធ្វើឡើងវិញជាសួនច្បាររបស់អធិរាជជប៉ុន។ សព្វថ្ងៃ Shinjuku Gyoen ត្រូវបានច្របាច់បញ្ចូលគ្នារវាងរចនាបថបែបប្រពៃណីជប៉ុន និងភាពទំនើបនៃប្រទេសភាគខាងលិច។ ជាមួយនឹងទីតាំងដ៏ស្រស់ស្អាតនៅជុំវិញឧទ្យាន Shinjuku Gyoen បានក្លាយជាកន្លែងប្រវត្តិសាស្រ្ត និងកន្លែងរៀបចំព្រឹត្តិការណ៍ Hanami ជារៀងរាល់ឆ្នាំ។

រូបភាព World Friend Tours

៣. Sumida Park

ឧទ្យាន Sumida មានទីតាំងស្ថិតនៅតាមបណ្តោយដងទន្លេ Sumida ជាប់នឹងសង្កាត់ Asakusa មានសភាពអ៊ូអរ។ ឧទ្យាននៅតាមមាត់ទន្លេជួយអោយអ្នកអាចមើលឃើញ Tokyo Skytree ដែលជាកន្លែងបាញ់កាំជ្រួចជារៀងរាល់ឆ្នាំ និងជាកន្លែងមើលផ្កាសាគូរ៉ាពណ៌សដ៏ល្បី។ ស្ថិតក្នុងចំណាត់ថ្នាក់ ១០០ កន្លែងដែលមើលផ្កាសាគូរ៉ាពណ៌សនៅឧទ្យាន Sumida ពិសេសគ្រប់រដូវផ្ការីក។ ដើមផ្កាប្រមាណ ៧០០ ដើមត្រូវបានគេដាំតាមច្រាំងទន្លេធ្វើអោយទេសភាពរ៉ូមែនទិកទាក់ទាញភ្ញៀវទេសចរណ៍ និងអ្នកស្រុកជប៉ុន។ ដើរនៅតាមម្លប់ផ្កាឬជិះទូកតាមដងទន្លេរីករាយក្នុងរដូវផ្ការីក។

៤. Koganei Park

ឧទ្យាន Koganei ត្រូវបានគេចាត់ទុកជាឧទ្យានទីក្រុងធំនៅតូក្យូ សម្រាប់ក្រុមគ្រួសាររីករាយទស្សនាផ្កាសាគូរ៉ាពណ៌ស។ ទាំងអ្នកស្រុក និងភ្ញៀវទេសចរណ៍សុទ្ធតែចូលចិត្តអង្គុយជជែកគ្នាក្រោមម្លប់ផ្កាសាគូរ៉ាពណ៌ស។ ក្រៅពីនេះឧទ្យានមានរៀបចំផ្សាររាត្រីចុងសប្តាហ៍ ទីធ្លាស្មៅសិប្បនិម្មិត សួនសម្រាប់កុមារ និងអគារប្រវត្តិសាស្ត្រ ដូច្នេះអ្នកអាចទស្សនាបានគ្រប់ពេល។

រូបភាព World Friend Tours

៥. Inokashira Park

បើកទទួលភ្ញៀវទេសចរណ៍មកទស្សនាតាំងពីឆ្នាំ ១៩១៧ ឧទ្យាន Inokashira មានប្រវត្ដិសាស្រ្ដជាង ១០០ ឆ្នាំមកហើយ ឧទ្យាន Inokashira ផ្តល់នូវទីធ្លាបៃតងខៀវស្រងាត់រួមជាមួយកន្លែងកំសាន្ត ប្រាសាទ និងបឹងធំៗជាច្រើនដែលភ្ញៀវទេសចរណ៍អាចរីករាយជិះទូក។ ដើមផ្កាសាគូរ៉ាពណ៌សប្រមាណ ៥០០ ដើមត្រូវបានដាំពេញបរិវេណឧទ្យាន Inokashira។

រូបភាព World Friend Tours

បន្ទាបពីទៅមើលផ្កាសាគូរ៉ាពណ៌សរីកនៅឧទ្យាន Ueno ដ៏ល្បីបំផុត និងឧទ្យានដែលល្បីជាច្រើននៅទីក្រុងតូក្យូ។ អ្នកអាចទៅទស្សនាព្រះវិហារ Asakusa ជាវិហារចំណាស់ជាងគេនៅទីក្រុងតូក្យូ។

ព្រះវិហារ Asakusa

Asakusa (浅草) គឺជាឈ្មោះនៃស្រុក Taito ទីក្រុងតូក្យូ។ កន្លែងនេះដើមឡើយជាតំបន់កំសាន្តដ៏សំខាន់នៃតូក្យូនៅដើមសតវត្សរ៍ទី ២០ រហូតដល់ត្រូវបំផ្លាញយ៉ាងធ្ងន់ក្នុងកំឡុងសង្គ្រាមលោកលើកទី ២។ បន្ទាប់ពីត្រូវបានស្តារឡើងវិញក្រោយសង្រ្គាមវាលែងជាកន្លែងកំសាន្តសំខាន់ដូចពីមុនហើយ ប៉ុន្តែបានក្លាយទៅជាវត្ត Senso-ji ព្រះពុទ្ធសាសនាដ៏ល្បីឈ្មោះ។

រូបភាព World Friend Tours

វីដេអូ SAMURAI

នៅក្នុងតំបន់នេះដែរមានផ្លូវដើរទិញឥវ៉ាន់ Nakamise ក្នុងស្រុក Taito ទីក្រុងតូក្យូប្រទេសជប៉ុន ជាកន្លែងមានសភាពអ៊ូអរនៅសម័យអេដូ។ ច្រើនទសវត្សរ៍បានកន្លងផុតស្រុកនេះនៅតែរក្សាសំណង់ស្ថាបត្យកម្មជាច្រើនក្នុងទសវត្ស ៥០ និង ៦០ ហើយរបៀបរស់នៅរបស់ប្រជាជនមិនមានការផ្លាស់ប្តូរច្រើនទេ។

ក្រៅពីនេះអ្នកអាចទៅលេងនៅ Tokyo Disneyland គឺជាឧទ្យាន Disney ដែលបើកដំណើរការនៅខែមេសាឆ្នាំ ១៩៨៣ នេះជាឧទ្យាន Disney ដំបូងគេដែលបានកសាងនៅក្រៅសហរដ្ឋអាមេរិក។ បច្ចុប្បន្ននេះគឺជាឧទ្យានកំសាន្តធំជាងគេទីបីនៅលើពិភពលោកក្រោយ Disneyland ក្នុងរដ្ឋ California និង Magic Kingdom នៅ Florida ។

Tokyo Disneyland មានភាពទាក់ទាញលើសការរំពឹងទុក និងច្រើនជាងនេះទៅទៀតនោះក៏ព្រោះតែវាធ្វើយកគំរូតាមឧទ្យាន Disney ល្បីៗពីរនៅអាមេរិក។ ឧទ្យាននេះចែកជា ៧ កន្លែង និងមានហ្គេមជាង ៤០ មុខផ្សេងគ្នា។

រូបភាព World Friend Tours

OSHINO HAKKAI – ភូមិបុរាណប្រទេសជប៉ុន

ចម្ងាយប្រហែល ១០០ គីឡូម៉ែត្រពីទីក្រុងតូក្យូភូមិ Oshino Hakkai ស្ថិតនៅជិតភ្នំហ្វូជី។ សព្វថ្ងៃនេះភូមិ Oshino Hakkai បានក្លាយជាកន្លែងកំសាន្តសម្រាប់ភ្ញៀវទេសចរណ៍ដែលមកទស្សនាតំបន់ភ្នំហ្វូជី។

នៅពេលរដូវរងារមកដល់ជាឳកាសដ៏ល្អសម្រាប់អ្នកទៅលេងស្គីទឹកកក។ អ្នកអាចចំណាយពេលលេងកំសាន្តជាមួយសាច់ញាតិ និងមិត្តភក្តិនៅស្គីរីសតព្រិលទឹកកកដោយសេរី។ រួចពិសារអាហារថ្ងៃត្រង់ និងឈប់ថតរូបនៅរូបសំណាកសេរីភាព ស្ពានឥន្ធនូផងដែរ។

ប្រសិនបើធ្វើដំណើរទៅប្រទេសជប៉ុនអ្នកមិនគួរខកខានឱកាសរីករាយនឹងមុខម្ហូបប្លែកៗនៅប្រទេសជប៉ុនឡើយ។ ប៊ុហ្វេក្តាមជើងវែង ពិសារស្រ្តបឺរី និងភ្លក់នូវម្ហូបល្បីៗប្រាកដជាធ្វើអោយអ្នកមិនអាចបំភ្លេចបានទេ។

រូបភាព World Friend Tours

ប្រសិនបើអ្នកចង់ទៅមើលផ្កាសាគូរ៉ាពណ៌ផ្កាឈូករីកជាមួយនឹងកញ្ចប់ដំណើរកំសាន្តធូរថ្លៃជាង អ្នកអាចចូលរួមដំណើរកំសាន្តនៅខែកុម្ភៈគយគន់ទាំងផ្កាសាគូរ៉ាពណ៌ផ្កាឈូក និងលេងព្រិលទឹកកកផងដែរ។ តោះនៅចាំអ្វីទៀតរសរាន់ចុះឈ្មោះឥឡូវនេះដើម្បីទទួលបានព័ត៌មាន និងការបញ្ចុះតម្លៃពិសេស!!!