ពិធីបុណ្យ Chikuraku ២០ ម៉ឺនដើមឫស្សីបញ្ចេញពន្លឺនាពេលរាត្រី

ថ្ងៃអាទិត្យ 29/12/2019 | 16:02 ល្ងាច

នៅពេលថ្ងៃលិចភ្ញៀវទេសចរណ៍ និងអ្នកស្រុកមានវត្តនៅទីក្រុង Taketa ឈរប្រមូលផ្តុំគ្នានៅជុំវិញវិមាន Oka ដើម្បីទស្សនាទេសភាពដ៏អស្ចារ្យ។ ក្នុងស្រមោលរាត្រីងងឹតក្រោមពន្លឺចែងចាំងដូចជាទឹកហូរលាតសន្ធឹងដល់ជើងមេឃ។ ពិធីបុណ្យពន្លឺ Chikuraku នៅទីក្រុង Taketa ។

ពិធីបុណ្យពន្លឺ Chikuraku ត្រូវបានប្រារព្ធធ្វើឡើងជារៀងរាល់ឆ្នាំនៅទីក្រុង Taketa (ខេត្ត Oita) ស្ថិតនៅកណ្តាលកោះ Kyushu ។ ពិធីបុណ្យនេះធ្វើឡើងរយៈពេល ៣ ថ្ងៃ ថ្ងៃសុក្រ ថ្ងៃសៅរ៍ និងថ្ងៃអាទិត្យនៅសប្តាហ៍ទី ៣ នៃខែវិច្ឆិកា។ ក្នុងឳកាសនេះមនុស្សមនាប្រមូលផ្តុំគ្នាពីរបីម៉ោងទៅទស្សនាពន្លឺ។ Chikuraku ត្រូវបានគេចាត់ទុកជាព្រឹត្តិការណ៍ជាជាងពិធីបុណ្យ ព្រោះវាមានប្រវត្តិជាង ២០ ឆ្នាំប៉ុណ្ណោះ ហើយគោលបំណងនៃពិធីបុណ្យនេះផ្តោតលើសេដ្ឋកិច្ចច្រើនជាងវប្បធម៌។ ជិត ៧០% តំបន់ Taketa គឺជាព្រៃ ដូច្នេះភាគច្រើនគេប្រើបំពង់ឫស្សីធ្វើជាឧបករណ៍ឬសម្ភារៈប្រើប្រាស់ក្នុងផ្ទះ។ ទោះយ៉ាងណាក្នុងរយៈពេល ៥០ ឆ្នាំកន្លងមកនេះតម្រូវការឫស្សីមានការថយចុះជំនួសដោយប្លាស្ទិចដែលមានតម្លៃថោកជាង។

ដើម្បីលើកកម្ពស់ការប្រើប្រាស់ឫស្សីរដ្ឋាភិបាលក្រុងបានបង្កើតគំនិតបង្ហាញពីអារម្មណ៍ និងភាពស្រស់ស្អាតរបស់ឫស្សីតាមរយៈពិធីបុណ្យ “ចង្កៀងឫស្សី” ជារៀងរាល់ឆ្នាំ។ ដំបូងប្រជាជនប្រើឫស្សី ៤០០ ដើមតែប៉ុណ្ណោះ ក្រោយមកកើនឡើងរហូតដល់ ២ ម៉ឺនដើម។