ទំនៀមទម្លាប់ទិញថង់សំណាង Fukubukuro ក្នុងឱកាសបុណ្យចូលឆ្នាំថ្មីប្រពៃណីជប៉ុន

ថ្ងៃអាទិត្យ 29/12/2019 | 0:01 ព្រឹក

ក្នុងឱកាសបុណ្យចូលឆ្នាំថ្មីប្រពៃណីជារៀងរាល់ឆ្នាំប្រជាជនជប៉ុនរាប់ពាន់នាក់តម្រង់ជួរនៅមុខហាងដើម្បីទិញថង់សំណាង Fukubukuro (福袋)។

គំនិតលក់ថង់សំណាងកើតចេញពីតម្រូវការរបស់ហាងទំនិញ។ ដើម្បីនាំទំនិញថ្មីចូលត្រូវលក់ទំនិញចាស់អោយអស់ ដូច្នេះលក់ផលិតផលដែលនៅសល់គឺជាគោលបំណងចម្បងរបស់ពួកគេ ហើយសកម្មភាពនេះក៏ជួយជំរុញអំណាចទិញរបស់អ្នកប្រើប្រាស់ផងដែរ។ គ្រាន់តែចេញពីគំនិតមួយឥឡូវនេះ Fukubukuro បានក្លាយជាទំនៀមទម្លាប់ដែលមិនអាចខ្វះបានក្នុងឱកាសបុណ្យចូលឆ្នាំថ្មីទូទាំងប្រទេស។

រូបភាព https://www.ac-illust.com/

Fukubukuro គឺជាកាបូបធំដែលផ្ទុកទំនិញខុសៗគ្នាដូចជាសម្លៀកបំពាក់ អាហារអាស្រ័យលើទំនិញដែលហាងចែកចាយ។ ចំនុចពិសេសគឺអ្នកទិញមិនអាចមើលឃើញអ្វីដែលមាននៅក្នុង Fukubukuro។ ពេលខ្លះតម្លៃសរុបនៃរបស់ដែលមើលមិនឃើញទាំងនោះអាចច្រើនជាងអ្វីដែលអតិថិជនចំណាយ ដូច្នេះមនុស្សភាគច្រើននឹងគិតថាពួកគេទទួលបានអត្ថប្រយោជន៍ពីការទិញថង់សំណាង។ ទោះបីជាយ៉ាងណាវាភ្ជាប់មកជាមួយរបស់របរដែលមិនចាំបាច់ឬមិនសាកសមនឹងអ្នក។ ដូច្នេះទិញ Fukubukuro ស្រដៀងទៅនឹងវិធីផ្សងសំណាងរបស់ជនជាតិជប៉ុនក្នុងឆ្នាំថ្មី។