តើប្រជាជន​ជប៉ុនស្អប់សម្លេងរំខានដល់កម្រិត​ណា?

មនុស្សជាច្រើន​យល់​ថាជនជាតិ​ជប៉ុនបង្ហាញអារម្មណ៍ហួសហេតុ​ចំពោះសម្លេងរំ​ខាន ប្រហែល​ជាស្អប់​សម្លេងរំខានជាងគេលើពិភពលោក​។

រូបភាព http://chunichieizo-tachi.blog.jp/archives/3663089.html

នៅលើរថភ្លើងគ្មាននរណាម្នាក់បង្ក​សម្លេងរំខានឡើយ មិន​សូវជាមាន​សម្លេងនិយាយ​ទូរស័ព្ទនោះទេ សូម្បី​តែ​អ្នក​អង្គុយ​ក្បែរក៏ពិបាកស្តាប់ឮសម្លេងដែរ។

ក្នុងអាផាតមិនអ្នក​ដែល​នៅជាន់​ខាង​លើ​ព្យាយាម​ដើរថ្នមៗដើម្បីកុំឲ្យ​អ្នក​រស់​នៅជាន់​ក្រោមមាន​អារម្មណ៍​រំខាន។ តើពួកគេជា Ninja ឬ? ​ប្រសិន​បើ​ផ្ទះ​មាន​កូន​ក្មេងពួកគេក្រាលកម្រាលកុំឲ្យ​មាន​សម្លេង។

រូបភាព https://www.renoco.jp/knowledge/213/

ទោះជាយ៉ាងណា នៅតែមានបញ្ហាទាក់ទងនឹងសម្លេងរំខាននៅក្នុងប្រទេសនេះ។

រូបភាព https://www.fnn.jp/posts/00049463HDK/201912181700_FNNjpeditorsroom_HDK

បញ្ហាទាក់​ទងនឹង​សម្លេងជួងរបស់វត្ត។ កាល​ពីមុន​សម្លេងជួងបន្លឺឡើងដើម្បីប្រាប់ពីពេលវេលា។ ប៉ុន្តែសព្វថ្ងៃនេះដោយសារមនុស្សគ្រប់គ្នាពាក់នាឡិការ ដូច្នេះជួងបន្លឺតែឆ្នាំថ្មី ឬឱកាសពិសេសប៉ុណ្ណោះ។

នៅពាក់កណ្តាលអធ្រាត្រថ្ងៃទី ៣១ ខែធ្នូជួង​បន្លឺសម្លេងរាប់ម៉ោងរហូតដល់ព្រឹក។ នេះជាសម្លេងប្រាប់អំពីសញ្ញាឆ្នាំថ្មីបាន​មក​ដល់។ សម្លេងជួង​នេះ​គេហៅថា Joya no kane (ជួងឆ្នាំថ្មី) និងបន្លឺសម្លេងសរុបចំនួន ១០៨ ដង ដើម្បី​លុប​បំបាត់​ភាពសោកសៅរបស់មនុស្សទាំង ១០៨ ប្រភេទ ។

ប៉ុន្តែវត្តមួយ​ស្ថិតនៅ Shizuoka ប្រជាជនដែល​រស់​នៅ​ក្បែរត្អូញត្អែរត្រូវលុបបំ​បាត់​ទំនៀមទម្លាប់នេះ​ក្នុង​ឆ្នាំ ២០០៤ ។ ប៉ុន្តែរហូត​ដល់​ឆ្នាំ ២០១៤ មានមតិខ្លះយល់ថា មិនគួរចោលទម្លាប់ដែល​មាន​តាំងពីយូរ​មកនោះទេ ដូច្នេះ​ពេលវេលាបន្លឺសម្លេងជួងប្តូរទៅថ្ងៃទី ៣១ ខែធ្នូ។

ហេតុអ្វីបានជាមនុស្សជាច្រើនមិន​ចូលចិត្តសម្លេងរំខានដល់​ថ្នាក់​នេះ? កាលពីខ្ញុំនៅក្មេង (ប្រហែលជា ៤០ ឆ្នាំមុន) រឿងនេះមិនតឹងរឹងចឹងឡើយ។ មនុស្សចាស់នៅតែនិយាយសម្លេងឮៗលើរថភ្លើង មនុស្សមួយចំនួន​ដើរផងស្តាប់​វិទ្យុ​ផង។ គ្មាននរណាម្នាក់ត្អូញត្អែរសម្លេងជួង ឬសូម្បីតែ​សម្លេងរំ​ខានរបស់ក្មេងៗនោះទេ។

សម្លេងគឺជារឿងធម្មតា មាន​សម្លេងខ្លះក្នុង​ដែន​កំ​ណត់ត្រូវ​បាន​អនុញ្ញាត ហើយសម្លេងខ្លះ​រំខាន​យើង។ ប៉ុន្តែជន​ជាតិ​ជប៉ុនខ្លះមិន​ចូលចិត្តសូម្បីតែ​សម្លេងធម្មតា ដូច្នេះរឿងដែលពួកគេជំទាស់មិនមែនសម្លេងនោះទេ ប៉ុន្តែជាវត្តមានអ្វីដែលធ្វើឲ្យមានសម្លេង។

ក្រៅពីនេះ តាំងពីក្មេងជនជាតិជប៉ុនត្រូវបានបង្រៀនថា “កុំរំខានអ្នកដទៃ” ។ និយាយសម្លេងខ្លាំងៗលើ​រថ​ភ្លើង​អាចរំ​ខាន​អ្នក​ដទៃ ដូច្នេះ​អ្នក​គួរតែ​និយាយ​ក្នុង​កម្រិតសម្លេងល្មមស្តាប់​ឮដើម្បី​កុំ​អោយ​រំ​ខាន​អ្នក​នៅជុំវិញ។

តើប្រជាជនជប៉ុនសម័យទំនើបបាន​ និង​កំ​ពុងធ្វើ​អោយ​សង្គម​ជប៉ុនកាន់តែពិបាករស់​នៅ?

ទោះជាយ៉ាងណា ប្រសិនបើអ្នកមានគម្រោងធ្វើដំណើរទៅប្រទេសជប៉ុន សូម​ចាប់អារម្មណ៍ចំពោះសម្លេងរំខាន។

Kengo Abe