រដូវរងារនៅក្នុងផ្ទះព្រិល Kamakura របស់ជប៉ុនពិតជាកក់ក្តៅណាស់!

ថ្ងៃពុធ 25/12/2019 | 16:34 ល្ងាច

រដូវរងារនៅប្រទេសជប៉ុនជាទូទៅចាប់ផ្តើមពីខែធ្នូរហូតដល់ចុងខែកុម្ភៈឆ្នាំក្រោយ អាកាសធាតុត្រជាក់ខ្លាំងជាពិសេសនៅកោះហុកកៃដូព្រិលធ្លាក់ច្រើន។ នៅតំបន់ធ្លាក់ព្រិលខ្លាំងជីវិតរស់នៅប្រចាំថ្ងៃកាន់តែពិបាក។ ប៉ុន្តែអ្នកនៅតែអាចរីករាយនឹងព្រិលក្នុងរដូវរងារ។ Kamakura គឺជាផ្ទះដែលគេធ្វើពីព្រិលពិតជាកក់ក្តៅណាស់។

នៅពេលអ្នកឃើញព្រិលលើកដំបូងប្រាកដជាសប្បាយចិត្ត ប៉ុន្តែប្រសិនបើអ្នកត្រូវរស់នៅជាមួយព្រិលអ្នកអាចនឹងគិតឡើងវិញ។ ក្នុងរដូវរងារអាកាសធាតុប្រែជាត្រជាក់ និងរអិល។

មានវិធីជាច្រើនដែលអ្នកអាចកំសាន្តសប្បាយនឹងព្រិល ក្នុងចំណោមនោះអ្នកអាចមើលរូបភាពខាងក្រោម៖

រូបភាព https://www.jalan.net/news/article/130411/

មិនមែនកន្លែងទាំងអស់នៅជប៉ុនសុទ្ធតែមានព្រិលធ្លាក់ទេ។ ព្រិលជាទូទៅមានតែនៅភាគខាងជើង និងភាគខាងលិចប្រទេសជប៉ុនប៉ុណ្ណោះ។ ប្រសិនបើអ្នកចូលចិត្តព្រិលអ្នកមិនគួររំលងតំបន់ព្រិល Yukiguni (ជាតំបន់ភាគខាងជើងនៃប្រទេសជប៉ុន) ទេមានដូចជា Hokkaido, ខេត្ត Aomori, Miaygi, Iwate, Fukushima, Akita, Yamagata ចំណែកភាគខាងកើតជប៉ុនមានដូចជាខេត្ត Niigata, Nagano, Ishikawa, Fukui -ល-។

ជាពិសេសផ្ទះព្រិលគឺជាទិដ្ឋភាពដែលឃើញច្រើននៅខេត្ត Akita និងខេត្ត Nigata ជាតំបន់ដែលមានព្រិលក្រាស់។ គ្រាន់តែមើលព្រិលធ្លាក់ខ្លាំងក៏មានអារម្មណ៍ថាត្រជាក់ខ្លាំងដែរ។ ប៉ុន្តែជនជាតិជប៉ុនបែរជាចូលចិត្តនៅក្នុងផ្ទះបែបនេះ។

អ្នកប្រហែលជាគិតថាពួកគេឆ្កួត ប៉ុន្តែតាមពិតនៅក្នុងផ្ទះព្រិលបែរជាកក់ក្តៅទៅវិញ។ អ្វីដែលពិបាកបំផុតក្នុងរដូវរងារមិនមែនជាព្រិលទេតែជាខ្យល់។ ខ្យល់ត្រជាក់ធ្វើអោយសីតុណ្ហភាពរាងកាយរបស់អ្នកធ្លាក់ចុះ។ ដោយសារជញ្ជាំងព័ទ្ធជុំវិញផ្ទះធ្វើអោយខ្យល់ត្រជាក់មិនអាចចូល ហើយអ្នកថែមទាំងអាចដុតភ្លើងកំដៅនៅខាងក្នុងទៀត។

រូបភាព https://www.jalan.net/news/article/130411/

ប្រសិនបើអ្នកគិតថាជញ្ជាំងទឹកកកអាចនឹងរលាយ មិនដូច្នេះទេ។ អាស្រ័យលើចំនួនភ្លើងដែលអ្នកប្រើ ភ្លើងចិតនឹងមិនធ្វើអោយ Kamakura រលាយឡើយ។ ទោះបីជានៅខាងក្នុងកក់ក្តៅ ខ្យល់ត្រជាក់ខាងក្រៅនៅតែអាចជ្រាបតាមជញ្ជាំង ដូច្នេះជញ្ជាំងមិនរលាយទេ។ វាមិនកក់ក្តៅរហូតដល់អាចពាក់អាវស្តើងឡើយ ប៉ុន្តែវាកក់ក្តៅជាងអ្វីដែលអ្នកគិត។

នៅក្នុងផ្ទះ Kamakura មនុស្សគ្រប់គ្នាអង្គុយជិតកំសៀវតូចដើម្បីជជែកគ្នា។

Kamakura គឺជាព្រឹត្តិការណ៍រដូវរងារដែលត្រូវបានគេរំពឹងទុកនៅជប៉ុន។ នៅពេលពិធីបុណ្យ Yunishigawa Kamakura ប្រារព្ធធ្វើឡើងប្រាកដជាមានដំបូលផ្ទះ Kamakura តូចៗរាប់មិនអស់បំភ្លឺឡើងពេញមួយយប់បង្កើតបានជាទិដ្ឋភាពស្រស់ស្អាត។ អង្គុយក្នុងផ្ទះ Kamakura បន្ទាប់មកចេញក្រៅមើលផ្កាយរួចត្រលប់ទៅសណ្ឋាគារដើម្បីងូតទឹកក្តៅ។

តោះយើងនឹងមើលវិធីធ្វើផ្ទះ Kamakura តាមរយៈវីដេអូខាងក្រោម។