ទំព័រដើម
Japo- ថ្ងៃនេះ
ពិសេសណាស់…!!! ដំណើរកំសាន្តរដូវបុណ្យព្រិលនៅសាពូរ៉ូឆ្នាំ ២០២០

ពិសេសណាស់…!!! ដំណើរកំសាន្តរដូវបុណ្យព្រិលនៅសាពូរ៉ូឆ្នាំ ២០២០

ថ្ងៃពុធ 25/12/2019 | 13:27 ល្ងាច

ពិធីបុណ្យព្រិលនៅសាពូរ៉ូ

រដូវបុណ្យព្រិលសាពូរ៉ូគឺជាពិធីបុណ្យដ៏ធំបំផុតនៅក្នុងប្រទេសជប៉ុនដែលត្រូវបានរៀបចំធ្វើឡើងនៅទីក្រុង សាពូរ៉ូកោះហុកកៃដូនៅដើមខែកុម្ភៈរៀងរាល់ឆ្នាំ។

ពិធីបុណ្យព្រិលនេះចាប់ផ្តើមដំបូងក្នុងឆ្នាំ ១៩៥០ ដែលដាក់បង្ហាញរូបចម្លាក់ព្រិល និងទឹកកកជាច្រើន។ ជារៀងរាល់ឆ្នាំទំហំនៃពិធីបុណ្យកាន់តែធំជាមួយនឹងកម្មវិធីជាច្រើន។ ជារៀងរាល់ឆ្នាំពិធីបុណ្យព្រិលទទួលភ្ញៀវទេសចរណ៍ជាង ២ លាននាក់មកទស្សនារូបចម្លាក់ព្រិល។ ប៉ុន្មានឆ្នាំថ្មីៗនេះភ្ញៀវទេសចរណ៍មកពីបណ្តាប្រទេសតំបន់ត្រូពិកកើនឡើងយ៉ាងឆាប់រហ័សដោយសារភាពទាក់ទាញនៃពិធីបុណ្យព្រិល។

ពិធីបុណ្យព្រិលរៀបចំធ្វើឡើងនៅ Sapporo Community Dome ជាកន្លែងដ៏ល្អសម្រាប់លេងកំសាន្តព្រិល។ នៅទីនេះអ្នកអាចធ្វើជម្រាលព្រិល ផ្ទាំងទឹកកក និងធ្វើមនុស្សព្រិលដោយផ្ទាល់ផងដែរ។

រូបភាព World Friend Tours

ជាមួយនឹងដំណើរកំសាន្តក្នុងពិធីបុណ្យព្រិលអ្នកអាចចូលរួមកម្មវិធីជាច្រើនផ្សេងទៀតដូចជា៖

ឡើងចង្កេះភ្នំហ្វូជី

ភ្នំហ្វូជី (Fuji) ត្រូវបានគេចាត់ទុកជាភ្នំខ្ពស់បំផុតនៅក្នុងប្រទេសជប៉ុន ជាកន្លែងប្រវត្តិសាស្ត្រ និងជាតំបន់ដែលមានទេសភាពស្អាតរបស់ជប៉ុន។ ភ្នំហ្វូជីត្រូវបានគេទទួលស្គាល់ជាបេតិកភណ្ឌវប្បធម៌ពិភពលោកនៅថ្ងៃទី ២២ ខែមិថុនាឆ្នាំ ២០១៣ ។ អ្នកអាចឡើងចង្កេះភ្នំហ្វូជីដើម្បីទស្សនាសមុទ្រពពក និងថតរូបទុកជាអនុស្សាវរីយ៍ព្រោះនៅលើភ្នំមាន wifi free ។

រូបភាព World Friend Tours

ទស្សនាឧទ្យាន Shiroi Koibito ទីក្រុងសាពូរ៉ូប្រទេសជប៉ុន

ឧទ្យាន Shiroi Koibito គឺជាឧទ្យានមួយដែលត្រូវបានកសាងឡើងផ្អែកលើគំនិតទាក់ទងទៅនឹងបង្អែមនៃប្រទេសលោកខាងលិចតាំងបុរាណកាលមក។ នៅទីនេះមានរោងចក្រមួយដែលផលិតបង្អែមដ៏ល្បីនៅហុកកៃដូ។

ឧទ្យាន Shiroi Koibito ត្រូវបានបែងចែកជា ២ តំបន់គឺសារមន្ទីរ និងរោងចក្រសូកូឡា Ishiya ដ៏ល្បីល្បាញ។ ប៉មនាឡិកាសាពូរ៉ូឬគេហៅថា Gran Meister ជានិមិត្តរូបនៃឧទ្យាននេះ។ ក្រៅពីនេះឧទ្យានក៏មានរថភ្លើង Shiroi Koibito នាំភ្ញៀវទេសចរណ៍ទៅលេង Guilliver (ផ្ទះតូចៗ) ស្ថិតនៅរាយប៉ាយពេញបរិវេណឧទ្យានផងដែរ។ ឧទ្យាននេះក៏មានសួនផ្កាកុលាបបែបអង់គ្លេស ផ្ទះស្ករគ្រាប់ដូចក្នុងរឿងនិទាន។

រូបភាព World Friend Tours

ទេសភាពភ្នំ Moiwayama

ទៅមើលទេសភាពនាពេលថ្ងៃលិចនៅលើភ្នំ Moiwayama ។ ភ្នំ Moiwayama មានកម្ពស់ ៥៣១ ម៉ែត្រ ហើយនៅលើកំពូលភ្នំមានកន្លែងមើលទេសភាពទីក្រុងសាពូរ៉ូទាំងមូលផងដែរ។ នៅរដូវក្តៅមានមនុស្សជាច្រើនមកទីនេះដើម្បីឡើងភ្នំ ដើរលេង រីឯរដូវរងារមនុស្សនាំគ្នាមកទីនេះជិះស្គី។

នៅឆ្នាំ ២០១៥ ទេសភាពពេលយប់នៃទីក្រុងសាពូរ៉ូត្រូវបានជ្រើសរើសជាទេសភាពពេលរាត្រីដ៏ស្រស់ស្អាតបំផុតក្នុងចំណោមកន្លែងទាំង ៣ នៅប្រទេសជប៉ុន។

រូបភាព World Friend Tours

រដូវស្ត្របឺរីនៅប្រទេសជប៉ុន

ពេលអ្នកមកដល់ចំការស្រ្តបឺរីនៅជប៉ុនអ្នកអាចបេះស្រ្តបឺរី និងពិសារដោយសេរី។ ស្រ្តបឺរីរបស់ជប៉ុនមានរសជាតិជូរអែម អ្នកប្រាកដជាមិនអាចបំភ្លេចរសជាតិនៅចុងអណ្តាតពេលពិសារឡើយ។

រូបភាព World Friend Tours

ទស្សនា Tokyo Sky Tree

Tokyo Sky Tree ត្រូវបានសម្ពោធនៅឆ្នាំ ២០១២ គឺជាប៉មទូរទស្សន៍ដ៏សំខាន់នៃទេសចរណ៍ទីក្រុងតូក្យូប្រទេសជប៉ុន។ ជាមួយនឹងកម្ពស់ ៦៣៤ ម៉ែត្រត្រូវបានគេចាត់ទុកជាអាគារខ្ពស់នៅប្រទេសជប៉ុន។

រូបភាព World Friend Tours

ដើរទិញឥវ៉ាន់នៅ Shinijuku

Shinjuku គឺជាតំបន់មួយក្នុងចំណោមតំបន់ពិសេសទាំង ២៣ តំបន់ ហើយត្រូវបានគេចាត់ទុកជាមជ្ឈមណ្ឌលរដ្ឋបាលនៃទីក្រុងតូក្យូ ពីព្រោះអាគាររដ្ឋាភិបាលទីក្រុងតូក្យូមានទីតាំងនៅទីនេះ។ Shinjuku ក៏ជាតំបន់ពាណិជ្ជកម្មមមាញឹកបំផុតនៅក្នុងទីក្រុងតូក្យូ ជាពិសេសតំបន់ជុំវិញស្ថានីយ៍ Shinjuku។