ហេតុអ្វីបានជាជនជាតិជប៉ុនបរិភោគសាច់មាន់ KFC ក្នុងឳកាសបុណ្យណូអែល?

ថ្ងៃសុក្រ 20/12/2019 | 9:53 ព្រឹក

ជារៀងរាល់ឆ្នាំហាងមាន់បំពង Kentucky (KFC) នៅប្រទេសជប៉ុនទទួលបានប្រាក់រាប់លានដុល្លារក្នុងរដូវបុណ្យណូអែលដោយសារតែទម្លាប់ចាប់ផ្តើមពីឆ្នាំ ១៩៧០ ។

រូបភាព https://michill.jp/author/column/5004

ប្រទេសជប៉ុនមានប្រជាជនតែ ២% ប៉ុណ្ណោះដែលកាន់សាសនាគ្រឹស្ត ប៉ុន្តែវានៅតែជាពិធីបុណ្យដ៏រីករាយ។ បរិយាកាសពិធីបុណ្យណូអែលពេញនៅតាមដងផ្លូវ មជ្ឈមណ្ឌលពាណិជ្ជកម្ម ការិយាល័យ និងផ្ទះក៏តុបតែងដើមឈើណូអែលដែរ។ បុណ្យណូអែលក៏ជាឱកាសដ៏ល្អសម្រាប់ហាងលក់សម្លៀកបំពាក់ និងម្ហូបអាហារផងដែរ។

រូបភាព https://michill.jp/author/column/5004

មនុស្សជាច្រើនឆ្ងល់មិនដឹងហេតុអ្វីបុណ្យណូអែលបែរជាពេញនិយមសម្រាប់ប្រជាជនជប៉ុនខណៈដែលប្រទេសជប៉ុនជាកន្លែងដែលមានគ្រីស្ទបរិស័ទតិច។ ប្រសិនបើលក្ខណៈពិសេសនៃបុណ្យណូអែលនៅអឺរ៉ុប និងអាមេរិកត្រូវមាន “គ្រួសារ និងមាន់” នោះបុណ្យណូអែលនៅប្រទេសជប៉ុនគឺផ្តោតសំខាន់ទៅលើ “សង្សារ និងមាន់បំពង KFC”។

នៅថ្ងៃណូអែលមិត្តប្រុសនឹងជូនអំណោយទៅអោយមិត្តស្រីឬផ្ទុយមកវិញ។ ចុះហេតុអ្វីត្រូវមានមាន់បំពងក្នុងថ្ងៃណូអែល?

ពេលនិយាយដល់បុណ្យណូអែលនៅប្រទេសជប៉ុនប្រជាជននឹងគិតពីមាន់បំពង KFC ចំណែកនៅអឺរ៉ុបអាហារសំខាន់សម្រាប់ថ្ងៃនេះគឺមាន់ Turkey។ ដូច្នេះហេតុអ្វីបានជាវប្បធម៌ញ៉ាំមាន់បំពង KFC បែរជាពេញនិយមនៅជប៉ុន?

KFC ចូលមកប្រទេសជប៉ុនដំបូងនៅឆ្នាំ ១៩៧០។ ដោយសារតែប្រជាជនជប៉ុនច្រើនតែមិនបរិភោគឆ្អឹង ដូច្នេះមាន់បំពង KFC ដែលគ្មានឆ្អឹងនាំចូលពីបរទេសត្រូវបានជនជាតិជប៉ុនចូលចិត្ត។ ថ្ងៃមួយជនបរទេសម្នាក់ដែលរស់នៅក្នុងប្រទេសជប៉ុនបាននិយាយថា៖

“នៅប្រទេសជប៉ុនខ្ញុំមិនអាចរកទិញមាន់ Turkey បានទេ ដូច្នេះខ្ញុំនឹងញ៉ាំមាន់បំពង KFC នៅថ្ងៃណូអែល”។

បុគ្គលិក KFC នៅជប៉ុនបានបង្កើតគំនិតមួយហើយផ្សាយពាណិជ្ជកម្មថាម្ហូបបែបបស្ចិមប្រទេសគឺមាន់បំពងក្នុងរដូវបុណ្យណូអែល។ ដូច្នេះនៅថ្ងៃទី ២៤ ខែធ្នូជារៀងរាល់ឆ្នាំប្រជាជនជប៉ុនបរិភោគមាន់បំពង ត្រឹមតែ KFC ប៉ុណ្ណោះទេ ហាងនៅតាមផ្សារទំនើបក៏ចាប់លក់ផងដែរ។ យូរៗទៅបានក្លាយទៅជាវប្បធម៌នៃថ្ងៃបុណ្យណូអែលនៅប្រទេសជប៉ុន។

រូបភាព https://michill.jp/author/column/5004

មិនត្រឹមតែមាន់បំពងទេសូម្បីតែសាច់មាន់អាំង សាច់មាន់ដុត អោយតែសាច់មាន់ត្រូវបានគេចាត់ទុកថាជាម្ហូបណូអែលនៅប្រទេសជប៉ុន។

ចំនុចដែលគួរអោយចាប់អារម្មណ៍ផ្សេងទៀតគឺថាតាមវប្បធម៌ប្រទេសលោកខាងលិចនៅថ្ងៃណូអែលសាន់តាក្លូសចូលតាមបំពង់ផ្សែងយកអំណោយចែកអោយក្មេងៗ នេះជាអ្វីដែលខ្ញុំធ្លាប់ស្តាប់ពេលនៅក្មេង។ ប៉ុន្តែការរចនាផ្ទះរបស់ជនជាតិជប៉ុនបែរជាគ្មានបំពង់ផ្សែងទេ។ ដូច្នេះប្រសិនបើសាន់តាក្លូសដើរជុំវិញទីក្រុងតូក្យូពេលយប់គាត់អាចនឹងត្រូវប៉ូលីសសាកសួរ។

រដូវបុណ្យណូអែលជិតមកដល់ហើយ តើអ្នកមានគម្រោងនឹងជប់លៀងជាមួយអ្នកណាដែរឬទេ?

Kengo Abe