ក្រុមហ៊ុន​ជប៉ុនផលិត​បារី​គ្មាន​គ្រោះ​ថ្នាក់​ជំនួយ​ដល់​បុគ្គលិក​ការិយាល័យទទួល​បន្ទុក​ការ​ងារច្រើន

យុវជនជប៉ុន​កំ​ពុង​តែ​ប្តូរ​ទម្លាប់ជក់បារីបន្តិចម្តងៗ កន្លែង​ជក់​បារីនៅតាមទីសាធារណៈក៏កាត់​បន្ថយ​។ ចំពោះបារីអេឡិចត្រូនិចក៏​ដូចគ្នា​ដែរ។ ទោះជាយ៉ាងណាចំពោះអ្នកដែលមានទម្លាប់ជក់បារីវាមិនអាចទៅរួចទេដែលប្រាប់ពួកគេអោយប្តូរទៅផឹកកាហ្វេជំនួសវិញ។

ដូច្នេះក្រុមហ៊ុនជប៉ុន Japan Tabacco បាន​ដាក់​បង្ហាញ​ផលតិផល​ថ្មី។ ប្រហាក់ប្រហែលនឹងបារីអេឡិច​ត្រូនិច អ្វីដែល​អ្នកជក់​ចូល​ក្នុង​ខ្លួនគឺ Cafein និង Gaba (Gamma aminobutyric acid សារធាតុ​បញ្ជូនតាមសរសៃប្រសាទមាន​មុខ​ងាររារាំងប្រព័ន្ធសរសៃប្រសាទ ធានាដំណើរការធម្មតារបស់ខួរក្បាល ជាពិសេស neuron សរសៃប្រសាទ)។ សារធាតុ​ទាំង​នេះសុទ្ធតែ​ត្រូវ​បាន​ប្រើតាម​កម្រិត​កំ​ណត់។

ផលិត​ផល​នេះទទួល​បាន​ការ​គាំទ្រយ៉ាងខ្លាំងពីសាធារណជនពេល​ដែល​ទំនិញលក់អស់នៅថ្ងៃដំបូង។ តើអ្នកចង់សាកទេ?

បច្ចុប្បន្នផលិតផល​នេះលក់ក្នុងតម្លៃ ៦៦០០ យ៉េន (ប្រហែល ៦៣.២១ ដុល្លា)។ មួយ​ប្រអប់តម្រងមាន​ ៣ ដើម​លក់​តម្លៃ ១៩៨០ យ៉េន (ប្រហែល ១៨.០៦ ដុល្លា) មួយ​ដើមអាច​ប្រើ​បាន ២៥០ ដង ដូច្នេះបីដើម​អាច​ប្រើ​បានប្រហែល ១ ខែ។ ផលិតផលមិនប្រើស្លឹកបារីហេតុ​នេះមិន​មានសារធាតុ​ដូចជា Nicotine និ​ង Tar ទេ ប៉ុន្តែ​តើ​វា​ពិតជាគ្មានគ្រោះថ្នាក់ឬ?​

ដោយសារតែធាតុផ្សំគឺជា Cafein ប្រសិនបើអ្នកប្រើជាតិកាហ្វេអុីនច្រើនពេកអ្នកអាចនឹងញៀន។ សម្គាល់ចំពោះ​ស្ត្រី​មាន​ផ្ទៃពោះកម្រិត​ប្រើ​ក្រោម ២០០ មីលីក្រាមក្នុង​ ១ ថ្ងៃ។ ប្រសិនបើប្រើ ២០០ មីលីក្រាមត្រូវ​ប្រើ​រហូត​ដល់ ១០០០ ដង ដូច្នេះបើប្រើធម្មតាវាស្ទើរតែគ្មានលទ្ធភាពញៀនទេ។

ទោះបីជាយ៉ាងណា​ដើម្បី​ធានាសុវត្ថភាពក្រុមហ៊ុន Japan Tabacco លក់​ផលិត​ផល​អោយ​អ្នក​ដែល​មាន​អាយុ ២០ ឆ្នាំ​ឡើង​ទៅប៉ុណ្ណោះ។

ចំពោះជនជាតិ​ជប៉ុន​ដែល​ធ្វើ​ការហួស​កម្រិត​នេះ​ប្រហែល​ជាជំនួយដ៏​ល្អ។ អ្នក​គួរតែ​ជៀសវាង​ការ​ប្រើ​សារធាតុទាំងនេះ ដោយ​ចំ​ណាយ​ពេល​ធ្វើលំ​ហាត់​ប្រាណ ចូល​រួម​កម្មវិធី​ជួយ​បង្កើន​ការយល់​ដឹង ប៉ុន្តែនិយាយ​អោយ​ត្រង់​​ខ្ញុំ​ក៏​ចង់​សាក​ផលិត​ផល​នេះ​ម្តងដែរ។

Kengo Abe