បង្កើនការយល់ដឹងអំពីសុវត្ថិភាពក្នុងការរួមភេទដោយវិធីធ្វើបាយក្នុងស្រោមអនាម័យ

ថ្ងៃសៅរ៍ 07/12/2019 | 11:40 ព្រឹក

ក្នុងរយៈពេលប៉ុន្មានឆ្នាំកន្លងទៅការប្រើប្រាស់ស្រោមអនាម័យរបស់ជនជាតិជប៉ុនបានធ្លាក់ចុះដែលនាំអោយមានការកើនឡើងនៃចំនួនមេរោគអេដស៍ និងជំងឺផ្សេងទៀតឆ្លងតាមការរួមភេទ។ ឆ្នាំ ២០០៨ ការស្ទង់មតិពិភពលោកបានចាត់ចំណាត់ថ្នាក់ប្រទេសជប៉ុនជាប្រទេសទី ៣ រាប់ពីក្រោមឡើងនៃការប្រើស្រោមអនាម័យ។ រឿងពិតដែលគួរអោយចាប់អារម្មណ៍ផ្សេងទៀតគឺថាប្រទេសជប៉ុនជាប្រទេសមួយដែលផលិតស្រោមអនាម័យច្រើននៅលើពិភពលោកផងដែរ។

ដើម្បីលើកកម្ពស់ការយល់ដឹងអំពីសារៈសំខាន់នៃការប្រើប្រាស់ស្រោមអនាម័យ ហើយដើម្បីកាត់បន្ថយគម្លាតរវាងការផ្គត់ផ្គង់ និងតម្រូវការ អ្នកនិពន្ធពីររូបគឺ Kyosuke Kagami និង Opanpon បានសរសេរសៀវភៅណែនាំធ្វើម្ហូបលើប្រធានបទដែលគួរអោយចាប់អារម្មណ៍។

សៀវភៅមានឈ្មោះថា tsukutte agetai condomu gohan (អូនចង់ធ្វើបាយស្រោមអនាម័យសម្រាប់បង)។ ទោះបីជាចំណងជើងសៀវភៅស្តាប់ទៅដូចជាលេងសើច ប៉ុន្តែគំនិតនេះពិតជាសំខាន់ណាស់។ អ្នកនិពន្ធធានារូបមន្តទាំងអស់នៅក្នុងសៀវភៅសុទ្ធតែត្រូវបានពិសោធ។

ជាការពិតស្រោមអនាម័យត្រូវបានប្រើជាឧបករណ៍ធ្វើម្ហូបមិនមែនគ្រឿងផ្សំទេ។ អ្នកនិពន្ធដាក់បញ្ចូលរូបមន្តចំនួន ១១ មុខផ្សេងៗគ្នា ប្រើស្រោមអនាម័យដើម្បីធ្វើមុខម្ហូបដូចជានំ ការី Oshi-zushi -ល-។