បទចម្រៀងល្បី Papurika របស់ Kenshi Yonezu ចេញជាភាសាអង់គ្លេសហើយ

ថ្ងៃសុក្រ 06/12/2019 | 21:49 ល្ងាច

នៅឆ្នាំ ២០១៨ Kenshi Yonezu បានដាក់បទចម្រៀង Papurika ហើយទទួលបានការចាប់អារម្មណ៍យ៉ាងខ្លាំងនៅលើទីផ្សារជប៉ុន។ បទនេះត្រូវបានជ្រើសរើសជាបទចម្រៀងតំណាងអោយការប្រកួតកីឡាអូឡាំពិក និង Paralympic ដែលប្រព្រឹត្តទៅនៅឆ្នាំ ២០២០ នៅទីក្រុងតូក្យូ។

បទចម្រៀងនេះត្រូវបានចាក់ផ្សាយជាបន្តបន្ទាប់នៅលើប៉ុស្តិ៍ទូរទស្សន៍ជាតិ NHK។

តោះមកស្តាប់បទចម្រៀងដើមរបស់ជប៉ុនដែលសម្តែងដោយម្ចាស់បទល្បី Lemon, Kenshi Yonezu។

បទចម្រៀងនេះត្រូវបានបកប្រែទៅជាភាសាអង់គ្លេស និងសម្តែងដោយ Foorin Team E រួមមានសំលេងរបស់ Jasmine អាយុ ១០ ឆ្នាំ Corban អាយុ ៨ ឆ្នាំ អ្នករបាំ Evangeline អាយុ ១២ ឆ្នាំ និង Clara អាយុ ៦ ឆ្នាំ។ ទិដ្ឋភាពនេះត្រូវបានថតនៅជើងភ្នំហ្វូជី។ វីដេអូត្រូវបានថតជាប់មិនកាត់តឬប្តូរទេសភាពទេ។

ប្រាក់ចំណេញទាំងអស់ដែលបានមកពីបទចម្រៀងដើម Kenshi Yonezu នឹងបរិច្ចាគទៅអោយមូលនិធិអភិវឌ្ឍកីឡានៃក្រុមប្រឹក្សាកីឡាជប៉ុន។ គោលបំណងបង្កើនកីឡាមួយចំនួនសម្រាប់យុវជនជប៉ុនចូលរួម។

ឆ្នាំថ្មីជិតមកដល់ហើយ តោះរង់ចាំកីឡាអូឡាំពិកនៅទីក្រុងតូក្យូឆ្នាំ ២០២០ ទាំងអស់គ្នា។