ហេតុអ្វីបានជាយុវជនជប៉ុនមិនចង់មានស្នេហា?

ថ្ងៃព្រហស្បតិ៍ 05/12/2019 | 15:07 ល្ងាច

មិនមែនយុវជនជប៉ុនសម័យនេះគ្មាននរណាស្រលាញ់នោះទេ ប៉ុន្តែពួកគេមិនចង់មានទំនាក់ទំនងស្នេហា។ តើហេតុផលមកពីធុញទ្រាន់ ឬមានមូលហេតុផ្សេងទៀត?

បញ្ហាអត្រារៀបការរបស់ជនជាតិជប៉ុនកំពុងក្លាយជាក្តីបារម្ភយ៉ាងខ្លាំង។ បុរសអាយុពី ២០ ទៅ ២៤ ឆ្នាំមានអត្រាមិនទាន់រៀបការជាង ៩០% ហើយអាយុពី ២៥ ទៅ ២៩ ឆ្នាំជាង ៧០% ។ សូម្បីតែអាយុពី ៣០ ទៅ ៣៤ ឆ្នាំក៏អត្រានេះរហូតដល់ ៥០% កំពុងតែនៅលីវដែរ។ តើដោយសារតែយល់ថាស្នេហាគួរឲ្យរំខានឬ?

យើងអាចមើលឃើញថា បញ្ហាមិនមែនដោយសារអាពាហ៍ពិពាហ៍ប៉ុណ្ណោះទេ ប៉ុន្តែស្នេហាកំពុងក្លាយទៅជាបញ្ហា។ ដូច្នេះតើមូលហេតុអ្វី?

រូបភាព https://w.grapps.me/love/20180227-5/

អាចពន្យល់បញ្ហាដោយផ្អែកលើកំណើនសេដ្ឋកិច្ច។ នៅក្នុងយុគសម័យ Showa មនុស្សដែលកើតក្រោយសង្គ្រាមពេញទៅដោយភាពស្វាហាប់។

ប្រាក់ឈ្នួលកើនឡើង ភាពក្រីក្រកាត់បន្ថយ ជីវភាពរស់នៅកាន់តែប្រសើរឡើង។ ចិត្តលោភលន់របស់មនុស្សក៏កាន់តែច្រើនឡើងៗដែរ។

រូបភាព https://www.pinterest.com.mx/pin/760334349563514475/

ប៉ុន្តែដោយសារតែគិតថា ទោះបីចាយអស់ប្រាក់ក៏អាចរកមកវិញ ធ្វើឲ្យយុគសម័យ Showa ក្លាយទៅជាយុគសម័យខ្ជះខ្ជាយទ្រព្យសម្បត្តិ។ ទាំងនេះធ្វើឲ្យមានវិបត្តិសេដ្ឋកិច្ចអស់រយៈពេលជាង ៣០ ឆ្នាំនៃប្រទេសជប៉ុនសម័យទំនើប។

នៅក្នុងសម័យមានវិបត្តិសេដ្ឋកិច្ច ទោះបីអ្នកខំប្រឹងធ្វើការក៏មិនបានដំឡើងប្រាក់ខែដែរ។ យុវជនមិនចាប់អារម្មណ៍ទៅលើកំណែទម្រង់អប់រំ មនុស្សធ្វើការគ្មានការលើកទឹកចិត្ត។

មិនត្រឹមតែនៅក្នុងការងារមានបញ្ហាប៉ុណ្ណោះទេ នៅក្នុងជីវិតឯកជនក៏ដូច្នេះដែរ។ ចំពោះទំនាក់ទំនងស្នេហាពួកគេមិនចាប់អារម្មណ៍។

បច្ចុប្បន្នប្រទេសជប៉ុនកំពុងតែរង់ចាំការប្រកួតកីឡាអូឡាំពិកឆ្នាំ ២០២០ ប្រារព្ធធ្វើឡើងនៅទីក្រុងតូក្យូ សេដ្ឋកិច្ចហាក់ដូចជាកំពុងរីកចម្រើន។ ទោះជាយ៉ាងណា ខ្ញុំគិតថាវាគ្រាន់តែជាព្រឹត្តិការណ៍បណ្តោះអាសន្នប៉ុណ្ណោះ។

រហូតមកដល់ពេលនេះ សេវាកម្ម ទំនិញ និងហាងជាច្រើនឆ្ពោះទៅរកអ្នកដែលនៅលីវកាន់តែច្រើនឡើង។ ដោយសារតែការគិតបែបនេះសេ្នហាចំពោះពួកគេគឺមិនចាំបាច់ទេ។

Kengo Abe