អនុស្សាវរីយ៍ពេលទៅមើលស្លឹកឈើក្រហមនៅ Nagano

ថ្ងៃពុធ 04/12/2019 | 14:36 ល្ងាច

នៅថ្ងៃទី ៨ ខែវិច្ឆិកាឆ្នាំ ២០១៩ ខ្ញុំមានឱកាសបានទៅលេងទីក្រុង Chino ខេត្ត Nagano។

Nagano គឺជាកន្លែងដែលពោរពេញទៅដោយបិរយាកាសធម្មជាតិ។ ក្នុងព្រៃឈើនៃទីក្រុង Chino ធនធានទេសចរណ៍ដូចជាភ្នំ Yatsugatake បឹង Shirakaba និងខ្ពង់រាប Tateshina មើលទៅពិតជាអស្ចារ្យដែលទាក់ទាញភ្ញៀវទេសចរណ៍រាប់លាននាក់មកទស្សនា។ ទីក្រុងមើលទៅស្អាតបំផុតនៅរដូវស្លឹកឈើជ្រុះ។ ប៉ុន្តែគួរអោយស្តាយរដូវស្លឹកឈើក្រហមមិនមានលក្ខណៈពិសេសដូចរាល់ដងទេ។

រដូវក្តៅបានកន្លងផុតហើយរដូវរងាបានមកដល់ នៅពេលរដូវកាលប្រែប្រួលអ្នកអាចមើលឃើញជួរភ្នំទាំងមូលដូចជាប្តូរពណ៌ថ្មី។ អ្វីដែលគួរអោយចាប់អារម្មណ៍គឺថាជារៀងរាល់ឆ្នាំការផ្លាស់ប្តូរនាំមកនូវភាពស្រស់ស្អាតខុសៗគ្នាមូលហេតុដោយសារតែភាពខុសគ្នារវាងសីតុណ្ហភាព ពន្លឺព្រះអាទិត្យ និងបរិមាណទឹកភ្លៀងជារៀងរាល់ឆ្នាំ។

ភាពខុសគ្នាកាន់តែខ្លាំងរវាងសីតុណ្ហភាពនៅរដូវក្តៅ និងរដូវស្លឹកឈើជ្រុះកាន់តែច្រើននឹងធ្វើអោយស្លឹកឈើមានពណ៌កាន់តែស្អាត។ ឧទាហរណ៍ប្រសិនបើសីតុណ្ហភាពធ្លាក់ចុះក្រោម ៨ អង្សាភ្លាមៗនោះពណ៌បៃតងនៃស្លឹកនឹងប្រែទៅជាពណ៌ក្រហម ពណ៌ទឹកក្រូចឬលឿង។ ក្រៅពីនេះនៅពេលស្លឹកឈើទទួលពន្លឺព្រះអាទិត្យតិចដើមឈើនឹងបំបែកក្លរ៉ូហ្វិល ហើយស្រូបយកសារធាតុចិញ្ចឹមពីស្លឹកបង្កើតជាបាតុភូតប្រែពណ៌។ ចំពោះលក្ខខណ្ឌដែលទាក់ទងនឹងទឹកភ្លៀង។ នៅពេលរបបទឹកភ្លៀងមិនគ្រប់គ្រាន់ធ្វើអោយដើមឈើមិនអាចលូតលាស់។ ផ្ទុយទៅវិញប្រសិនបើភ្លៀងខ្លាំងដូចជាមានព្យុះ និងទឹកជំនន់ដើមឈើងាយនឹងលិច។ បរិមាណទឹកភ្លៀងល្មមផ្តល់ជីវិតដ៏មានតម្លៃសម្រាប់រុក្ខជាតិ។ ការប្រែពណ៌របស់រុក្ខជាតិនៅរដូវស្លឹកឈើជ្រុះមានរយៈពេលខ្លី បន្ទាប់មកស្លឹកនឹងចាប់ផ្តើមជ្រុះពេលអាកាសធាតុប្រែជាត្រជាក់។

ទោះបីជាឆ្នាំនេះខ្ញុំអាចទៅមើលស្លឹកឈើក្រហមនៅក្នុងទីក្រុង Chino ប៉ុន្តែនៅឆ្នាំក្រោយខ្ញុំប្រាកដជាទៅលេងនៅកន្លែងផ្សេងទៀតនៅ Nagano ដើម្បីគយគន់ទេសភាពដ៏អស្ចារ្យទាំងនេះ។ ចំណាយពេលតែ ២ ម៉ោងធ្វើដំណើរចេញពីស្ថានីយ៍ Shinjuku ទីក្រុងតូក្យូអ្នកអាចក្រសោបយកធម្មជាតិទាំងមូល ដូច្នេះកុំខកខានបទពិសោធដ៏អស្ចារ្យនៅ Nagano ណា!

Kengo Abe