ភ្នំហ្វូជីនិមិត្តរូបនៃវប្បធម៌របស់ប្រទេសជប៉ុន

ថ្ងៃពុធ 04/12/2019 | 12:08 ល្ងាច

ចំពោះជនជាតិជប៉ុនការឡើងភ្នំហ្វូជីគឺជាពិធីផ្នែកព្រលឹងវិញ្ញាណ។ ចំណែកជនបរទេសវិញភ្នំហ្វូជីពិតជាស្អាតដូចនៅលើពពក។

ភ្នំហ្វូជីគឺជានិមិត្តរូបដ៏ពិសិដ្ឋនៃប្រទេសជប៉ុន។ មានកម្ពស់ ៣៧៧៦ ម៉ែត្រគ្របដណ្តប់ទៅដោយព្រិលគ្រប់រដូវ ធ្វើអោយអ្នកដែលមកទីនេះចង់ឃើញសម្រស់ដ៏អស្ចារ្យនៃភ្នំហ្វូជី។ ភ្នំហ្វូជីតាមពិតគឺជាភ្នំភ្លើងដែលមានអាយុកាលច្រើនឆ្នាំ ហើយនៅតែដំណើរការ លើកំពូលភ្នំមានព្រិលសគ្របដណ្តប់ជាហេតុទាក់ទាញភ្ញៀវទេសចរណ៍ឱ្យមកទស្សនា និងកំសាន្ត។ សម្រាប់ប្រជាជនជប៉ុនភ្នំហ្វូជីគឺជាភ្នំដ៏ពិសិដ្ឋដែលតំណាងឱ្យសំណាងល្អ និងភាពល្អ។ នៅថ្ងៃដើមឆ្នាំថ្មីអ្នកដែលសុបិនឃើញភ្នំនេះពិតជាមានសំណាងណាស់។

Fun fact អំពីភ្នំហ្វូជី៖

ប្រជាជនក្នុងតំបន់ដែលគោរពបូជាភ្នំហ្វូជីបានបង្កើតសមាគមន៍សាសនាមួយមានឈ្មោះថាហ្វូជីកូ (Fujiko)
ប្រជាជនជប៉ុនចង់ឡើងភ្នំហ្វូជីម្តងក្នុងជីវិត
នៅខែកក្កដាឆ្នាំ ២០១៥ ភ្នំហ្វូជីមានសេវាអុីនធឺណេតឥតគិតថ្លៃ ដូច្នេះអ្នកអាចចែករំលែកបទពិសោធ រូបថតរបស់អ្នកនៅលើភ្នំជាមួយគ្រួសារ និងមិត្តភក្តិ។

អ្វីដែលទាក់ទាញភ្ញៀវទេសចរណ៍មិនត្រឹមតែភាពដ៏អស្ចារ្យនៃភ្នំហ្វូជីប៉ុណ្ណោះទេ ភ្ញៀវទេសចរណ៍ក៏អាចគយគន់ទេសភាពជម្រាលភ្នំ និងតាមជួរភ្នំផងដែរ។ នៅលើជម្រាលភាគខាងជើងមានបឹងចំនួន ៥ លាតសន្ធឹងពីខាងកើតទៅខាងលិចដូចជាបឹង Kawaguchi បឹង Sai បឹង Shoji បឹង Motosu។ ជាពិសេសបឹង Kawaguchi មានមនុស្សមកទស្សនាច្រើនបំផុតព្រោះផ្ទៃទឹកនៅលើបឹងឆ្លុះបញ្ចាំងពីស្រមោលនៃកំពូលភ្នំហ្វូជីជាពិសេសនៅពេលថ្ងៃរះ និងពេលថ្ងៃលិច។ ទិដ្ឋភាពដូចក្នុងសុបិន្តដែលមិនអាចបំភ្លេចបាន។

រូបភាព https://pixabay.com/

សៀវភៅមួយនិយាយអំពីប្រទេសជប៉ុនថាទោះបីចាប់ពីឆ្នាំ ១៧០៧ គ្មានបន្ទុះភ្នំភ្លើង ប៉ុន្តែភ្នំហ្វូជីនៅតែត្រូវបានគេចាត់ទុកជាភ្នំភ្លើងដែលដំណើរការធម្មតាក្នុងចំណោម ៧៧ ភ្នំភ្លើងដទៃទៀត។ នៅប្រទេសជប៉ុននៅតែមានដាន ២ ដងនៃបន្ទុះភ្នំភ្លើងនេះ។ ពីទីក្រុងតូក្យូពេលមេឃស្រឡះគេអាចមើលឃើញស្នាមក្រហមនៅចំកណ្តាលផ្ទៃមេឃខៀវ។ នេះជានិមិត្តរូបជាតិដ៏ស្រស់ស្អាតដែលប្រជាជនជប៉ុនមានសំណាងណាស់។

Do Manh Tai