បុរសម្នាក់​រៀប​ចំ​គម្រោងសម្លាប់​ប្រពន្ធដើម្បី​ទទួល​បាន​ប្រាក់​ធានារ៉ាប់រង

នៅឆ្នាំ ១៩៨៦ នៅអូគីណាវ៉ាប្រទេសជប៉ុន។

ស្រ្តី​ម្នាក់​អាយុ ៣៣ ឆ្នាំពេល​កំ​ពុង​ធ្វើ​ដំ​ណើរ​លើកោះអូគីណាវ៉ាស្រាប់​តែ​តឹងទ្រូង​ពិបាកដកដង្ហើម។ នាងត្រូវបានគេបញ្ជូនទៅមន្ទីរពេទ្យយ៉ាងលឿន ប៉ុន្តែនៅតែមិនអាច​សង្គ្រោះជីវិត។

វេជ្ជបណ្ឌិតធ្វើការវិនិច្ឆ័យរកមូលហេតុនៃការស្លាប់បណ្តាល​មក​ពីគាំងបេះដូងធ្វើអោយ​គាត់​ស្លាប់​ភ្លាមៗមិននឹកស្មានដល់។ មនុស្សស្លាប់ដោយសារគាំងបេះដូងជាង ៤ ម៉ឺននាក់នៅក្នុងប្រទេសជប៉ុនដូច្នេះនេះជារឿងធម្មតា។ ទោះយ៉ាងណាវេជ្ជបណ្ឌិតវ័យក្មេងម្នាក់ឈ្មោះ Ohno សង្ស័យទើបយកឈាមពីស្ត្រីដែល​បាន​ស្លាប់ទៅធ្វើតេស្ត។

រឿង​រ៉ាវ​កាន់​តែ​ស្មុគ​ស្មាញនៅពេលបុរសម្នាក់ឈ្មោះ Kamiya ប្តីរបស់ជនរងគ្រោះបានមកការិយាល័យ​ក្រុមហ៊ុនធានារ៉ាប់រង។ បុគ្គលនេះទទួលបាន​ប្រាក់ចំនួន ២ លានដុល្លារដោយសារមរណភាពប្រពន្ធរបស់​គាត់។ គាត់បានទិញកញ្ចប់ធានារ៉ាប់រង premium ២,០០០ ដុល្លាជារៀងរាល់​ខែ​សម្រាប់​ប្រពន្ធ ចំនួន​ទឹកប្រាក់ដូចជា​មិន​សម​ហេតុផលចំពោះ​អ្នក​ដែល​ធ្វើ​ការ​មាន​ប្រាក់​ខែធម្មតាដូចគាត់។

ប៉ូលីសយល់​ថាមិនប្រក្រតីទើបធ្វើការស៊ើបអង្កេត បន្ទាប់​មក​រកឃើញព័ត៌មាន​គួរអោយ​សង្ស័យ​ជាច្រើន។ Kamiya និងភរិយារៀបការក្រោយ​ពេល​ជួប​គ្នារយៈពេល ១ ខែ។ ពីមុន Kamiya ធ្លាប់មានប្រពន្ធពីរនាក់ទៀត អ្នកទាំងពីរស្លាប់ដោយសារមូលហេតុស្រដៀងគ្នា។ ព្រោះតែ​ការ​ស្លាប់​របស់​ប្រពន្ធ Kamiya ទទួល​បាន​ប្រាក់ធានារ៉ាប់រងយ៉ាង​ច្រើន។

វេជ្ជបណ្ឌិត Ohno ​បាន​ត្រួតពិនិត្យផ្នែក​វិទ្យា​សាស្រ្ត។ គាត់បានស៊ើបអង្កេតថាតើជាតិពុលអ្វីអាចបណ្តាលអោយគាំងបេះដូង។ មានសារធាតុចំនួន ៣ ដែលត្រូវបានគេលើកឡើងគឺ Caffeine, amphetamines និង aconitine -ល-។ សារធាតុ aconitine ត្រូវបានគេរកឃើញនៅក្នុងផ្កាមានជាតិពុលច្រើនជាង ១០ ដងបើប្រៀបនឹង kali xyanua។ សារធាតុនេះរំញោចសាច់ដុំ និងកោសិកាបណ្តាអោយស្លាប់។

រូបភាព https://twitter.com/hashtag/aconitine

ប៉ូលីសក៏បានរកឃើញសារធាតុ aconitine ក្នុងអាផាតមេនរបស់ Kamiya ប៉ុន្តែភស្តុតាងមិន​គ្រប់​គ្រង​សម្រាប់​​ចោទ​ប្រកាន់។ មូលហេតុគឺថាពួកគេមិនអាចពន្យល់ពីកត្តាពេលវេលា។

ពេលវេលា​មិន​សុី​គ្នា

Aconitine គឺជាសារធាតុពុលខ្លាំង​ដែលអាចសម្លាប់មនុស្សក្នុងរយៈពេលតែប៉ុន្មាននាទីប៉ុណ្ណោះ។ ប៉ុន្តែលើកចុងក្រោយជនរងគ្រោះលេបថ្នាំគឺជាង ២ ម៉ោងមុនពេលថ្នាំពុលចាប់​ផ្តើមរើឡើង។ ប៉ូលីសព្យាយាមបង្ហាញពីសម្មតិកម្មថាថ្នាំគ្រាប់វែងធ្វើអោយ​កាត់បន្ថយជាតិពុល។ ប៉ុន្តែ​ប្រសិន​បើ​អាច​ពន្យាពេល​វេលាក៏​ត្រឹម​តែ​ប៉ុន្មាន​​នាទី​ប៉ុណ្ណោះ។

ភស្តុតា​មិន​អាច​ចោទ​ប្រកាន់​ Kamiya ទេ។

ចម្លើយគឺយក​ពិសបង្រ្កាបពិស សារធាតុ​ដែល​អាច​ទប់​ស្កាត់ aconitine គឺ tetrodotoxin មាននៅ​ក្នុង​ត្រី Pufferfish។

រូបភាព https://vietnamembassy-japan.org/

បុរស​ម្នាក់​នេះ​បានស្រាវជ្រាវសារធាតុ​ពុលទាំង​ពីរ ខណៈពេលដែល aconitine ធ្វើអោយ​រំ​ញោចសាច់​ដុំ និង​ណឺរ៉ូនសរសៃប្រសាទចំណែក tetrodotoxin រារាំងសកម្មភាពសាច់ដុំទទួល​ពីខួរក្បាល។ ល្បិចស្ថិតលើពេលវេលាប្រតិកម្មនៃសារធាតុទាំងពីរគឺខុសគ្នានាំអោយ​ពេលវេលាស្លាប់របស់ជនរងគ្រោះត្រូវពន្យាពេល។

វេជ្ជបណ្ឌិត Ohno បានរកឃើញសារធាតុ​ពុល និង etrodotoxine នៅ​ក្នុង​ឈាម។ Kamiya ត្រូវបានចាប់ខ្លួន និងផ្តន្ទាទោសឱ្យជាប់ពន្ធនាគារអស់មួយជីវិត។ មុន​ពេលប្រើ​ល្បិតសម្លាប់​មនុស្សគាត់បានព្យាយាមបំពុលសត្វកណ្តុរដើម្បី​ទទួល​បាន​លទ្ធ​ផល។

អ្វី​ដែល​គួរអោយ​សោក​ស្តាយ​គឺគំនិត និង​សមត្ថភាពវិទ្យាសាស្រ្តរបស់​ជនល្មើស​គួរតែ​យក​ទៅ​ប្រើ​ក្នុង​គោលបំ​ណងល្អជាជាង​សម្លាប់​ប្រពន្ធខ្លួន​ដើម្បីទទួល​បាន​ប្រាក់ធានារ៉ាប់រង។

Sacchan