តើ​​ធ្វើយ៉ាងណា​ដើម្បី​ដឹង​ថាមាន​មនុស្ស​ស្លាប់​នៅ​ក្នុង​តំបន់​ដែលអ្នក​កំ​ពុង​រស់នៅ​?

នៅពេលជួលផ្ទះក្រៅពីទំហំ ហេដ្ឋារចនាសម្ព័ន្ធរបស់​ផ្ទះឬអាផាតមិន ​បរិយាកាសជុំ​វិញពិតជាសំ​ខាន់​​យើង​ត្រូវ​ចាប់​អារម្មណ៍​ផ្នែក​ព្រលឹង​វិញ្ញាណដែរ​។ ជាការពិតណាស់គ្មាននរណាម្នាក់ចង់ទិញឬជួលផ្ទះនៅតំបន់ឬកន្លែងដែលមានមនុស្ស​ស្លាប់នោះទេ ជាពិសេសនៅពេលដែលមូលហេតុនៃការស្លាប់មិនត្រូវបានគេដឹង។

ប៉ុន្តែនៅប្រទេសជប៉ុនអចលនទ្រព្យលក្ខណៈពិសេសបែបនេះមិនមែនជារឿងចម្លែកទេព្រោះតម្លៃរបស់​វា​ថោក​ជាង។ អាស្រ័យ​លើ​ការ​គិត​របស់​អ្នក​ជួល​វាអាចជាការចរចាឬអាចជាបណ្តាសា។

Oshima Teru គឺជាគេហទំព័រដែលត្រូវបានគេ update តាំងពីឆ្នាំ ២០០៥។ នេះគឺជាឧបករណ៍មានប្រយោជន៍ពេល​អ្នក​ចង់​រក​ផ្ទះឬអាផាតមិននៅជប៉ុន ជាពិសេសប្រសិនបើអ្នកចង់ពិនិត្យមើលអ្វីដែលមិនធម្មតាក្នុង​កន្លែង​ដែល​អ្នក​នឹង​ជួល​។

សរុបសេចក្ដីមក Oshima Teru ចង្អុលបង្ហាញទីកន្លែង (ភាគច្រើនស្ថិតនៅក្នុងទីក្រុងធំ) កន្លែង​ដែល​មាន​ហេតុ​ការណ៍​ស្លាប់​មិន​ធម្មតាកើត​ឡើង​។ ពាក្យថា“ មិនធម្មតា” អា​ច​បក​ស្រាយ​ថាមានអំពើឃាតកម្ម ធ្វើអត្តឃាត ឬការស្លាប់​ដែលគ្មាន​អ្នក​ដឹង។ គេហទំព័រចង្អុលបង្ហាញពីផែនទី ប្រសិនបើអ្នកពង្រីកវានឹងបង្ហាញរូបតំណាងភ្លើង។ នៅ​ក្នុង​រូប​តំណាង​មាន​តួ​លេខបង្ហាញពីចំនួនមនុស្សស្លាប់កើតឡើងនៅក្នុងតំបន់នីមួយៗ។ ប្រសិនបើអ្នកបន្តពង្រីកភ្លើងនឹងញែកចេញពី​គ្នា​រហូតដល់កន្លែងកើត​ហេតុ​ត្រូវ​បាន​បង្ហាញ។ នៅពេលអ្នកចុចលើរូបតំណាងនីមួយៗអ្នក​នឹងដឹងច្បាស់ពីអ្វីដែលបានកើតឡើងរួមទាំងពេលវេលាផងដែរ។ ការរៀបរាប់អំពីព្រឹត្តិការណ៍គ្មាន​ភាសាអង់​គ្លេស​ទេ ដូច្នេះប្រសិនបើអ្នកមិនចេះភាសាជប៉ុនអ្នកអាចប្រើកម្មវិធីបកប្រែ Google Translate។

គេហទំព័រនេះកំពុងទទួលបានការចាប់អារម្មណ៍យ៉ាងខ្លាំងនៅក្នុងប្រទេសជប៉ុនជាមួយនឹងការទស្សនាជារៀងរាល់ថ្ងៃពី ៧០០,០០០ ទៅ ៨០០,០០០ នាក់​មើល​ និងមាន​រូបតំណាងជាង ៤៥,០០០ រូបនៅលើផែនទី។

គោលបំណងនៃការប្រើកម្មវិធី Oshima Teru មានដូចជា៖

១. ស្វែង​រក​អចលនទ្រព្យដែល​សាក​សម

ដូចដែលបានរៀបរាប់ខាងលើការប្រើ Oshima Teru អាចជួយអ្នកស្វែងរកអចលនទ្រព្យដែលមានតម្លៃ​ថោក​ឬជៀសពីតំបន់ដែលមានបទល្មើសកើតឡើង។ ចំនុចទីមួយពេលមានអំពើឃាតកម្មកើតឡើងនៅទី​នោះ​អ្នក​នឹងទទួលបានការបញ្ចុះតម្លៃ ២០%។ អាជ្ញាធរគ្រប់​គ្រង​ទីក្រុងអាចផ្តល់ការបញ្ចុះតម្លៃរហូតដល់ ៥០% សម្រាប់អ្នកដែលជួលផ្ទះរយៈពេល ១-២ ឆ្នាំហើយអតីតម្ចាស់ផ្ទះបានស្លាប់នៅផ្ទះនោះ។ ពិតជា​ល្អ​សម្រាប់​អ្នក​ដែល​កំ​ពុង​ស្វែងរក​កន្លែងស្នាក់នៅមានតម្លៃ​សមរម្យនៅក្នុងទីក្រុងធំ។ ក្រៅពី​នេះទោះបីម្ចាស់​ដី​ខ្លះមិន​បាន​ប្រាប់​រឿងដែលកើតឡើង​ក៏អ្នក​​អាច​មើលព័ត៌មាននៅ​លើ Oshima Teru ដើម្បី​ចរចាតម្លៃសមរម្យ។ ហើយប្រសិនបើអ្នកមិនចូល​ចិត្តកន្លែងមាន​មនុស្ស​ស្លាប់​អ្នក​អាច​ប្រើកម្មវិធី Oshima Teru ផង​ដែរ។

២. បំ​ពេញ​ភាព​ចង់ដឹងចង់ឃើញ

ជាការពិត​ទោះបី​អ្នក​មិន​មាន​គម្រោង​ជួល​ផ្ទះ អ្នកនៅតែអាចប្រើគេហទំព័រនេះសម្រាប់គោលបំណងផ្សេងៗជាពិសេសដើម្បីបំពេញចិត្តចង់ដឹងចង់ឃើញ។ ទោះបីជាគ្មាននរណាម្នាក់និយាយចេញមនុស្ស​តែង​តែ​មាន​ចម្ងល់ចំពោះ​អំពើ​ឃាតកម្ម​។ ថ្ងៃមួយ​អ្នក​ឃើញប៉ូលីសបិទតំបន់​ក្បែរកន្លែង​ដែល​អ្នក​រស់​នៅ​តែ​មិន​ដឹង​ថាមាន​​អ្វី​កើត​ឡើង។ ព័ត៌មានមិនងាយបែកធ្លាយទេពីព្រោះប៉ូលីសមិនចង់ធ្វើអោយប្រជាជនភិតភ័យ ប៉ុន្តែប្រសិនបើអ្នកស្វែងរកនៅលើ Oshima Teru អ្នក​នឹងទទួលបានព័ត៌មានមូលដ្ឋានមួយចំនួនអំពីបញ្ហានេះ។

មានមតិរិះ​គន់​ជាច្រើន​ជុំ​វិញ​គេហទំព័រ​អ្នក​ខ្លះ​យល់​ថាទង្វើនេះមិន​គោរព​អ្នក​ដែល​ស្លាប់​គ្រាន់​តែ​ដើម្បី​ភាពចង់ដឹងចង់ឃើញរបស់​ខ្លួន។ ប៉ុន្តែប្រសិនបើពិចារណាលើហេតុផលដំបូង​ គេហទំព័រនេះក៏នាំមកនូវអត្ថប្រយោជន៍មួយ​ចំនួន​ផងដែរ។

តើអ្នកគិតយ៉ាងណាចំពោះគំនិតនេះ?

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: