ឈ្មោះមុខម្ហូប​ និង​អាហារសម្រន់ពិសេសឆ្ងាញ់ទាំង ៥ របស់​ជប៉ុន

តើ​អ្នក​ចូលចិត្ត​ម្ហូប​ជប៉ុន​ដែរទេ? ប្រសិន​បើ​ចូលចិត្តអ្នក​ប្រាកដជា​ធ្លាប់​ស្គាល់​ម្ហូប​ដូចជា​ Okonomiyaki, Oyako-don -ល-។ ​

ដើម្បី​​យល់​ពី​មុខ​ម្ហូបមិន​មែន​គ្រាន់​តែ​បរិភោគអោយ​ឆ្ងាញ់ ឆ្អែតប៉ុណ្ណោះទេ ប៉ុន្តែ​អ្នក​ត្រូវ​យល់​អោយ​សុី​ជម្រៅអំពីអាហារដូចជាគ្រឿងផ្សំ ប្រភពដើម ហើយវា​មាន​ទំនាក់​ទំនង​យ៉ាងណាចំពោះ​វប្បធម៌។

ស្គាល់​ឈ្មោះ​មុខ​ម្ហូប​ជួយ​អោយ​អ្នក​យល់ពី​ចំ​នុច​ដែល​គួរអោយ​ចាប់​អារម្មណ៍​ជាមួយ​នឹង​រសជាតិ​នៃ​មុខ​ម្ហូប។ ឧទាហរណ៍​ឈ្មោះ​មុខ​ម្ហូប​បាន​មក​ពី​ប្រវត្តិ​ធ្វើ​មុខ​ម្ហូប​។

ការ​ដាក់​ឈ្មោះ​មុខ​ម្ហូបដូចជាការ​ដាក់​ឈ្មោះ​កូន​គ្មានគោលការណ៍​អ្វី​ច្បាស់​លាស់​ឡើយ។ មនុស្ស​ខ្លះ​ចូល​ចិត្ត​ដាក់​​ឈ្មោះ​វែងអន្លាយ ខ្លះ​ទៀត​ដាក់​ឈ្មោះ​សាមញ្ញ។ ចំ​ណែកម្ហូប​ជប៉ុនក៏​មាន​រឿង​រ៉ាវ​គួរអោយ​ចាប់​អារម្មណ៍ផងដែរ។ ថ្ងៃ​នេះ​ខ្ញុំ​នឹង​ណែនាំ​មុខ​ម្ហូប​ជប៉ុន​មាន​ដូចជា៖

១. 親子丼 Oyako-don

រូបភាព https://tabelog.com/tw/tokyo/A1307/A130701/13098270/

親子丼(Oyako don) ជាម្ហូប​ដែល​ពេញ​និយម​នៅ​ជប៉ុន​ គ្រឿង​ផ្សំ​សាមញ្ញដូចជា​ពងមាន់ និងសាច់មាន់គ្រប​ពី​លើបាយ ជាមួយនឹងទឹកជ្រលក់ Terayaki មានអារម្មណ៍ថាឆ្ងាញ់។ ប៉ុន្តែតើអ្នកអាចពន្យល់ពីអត្ថន័យឈ្មោះម្ហូប Oyako-don បាន​ទេ?

  • 親 (oya) នៅក្នុងភាសាជប៉ុនគឺឪពុកម្តាយ (កន្លែង​នេះ​និយាយ​ពី​មាន់​) និង 子 (ko) គឺជាកូន (កន្លែង​នេះ​និយាយ​ពី​ស៊ុត)
  • 丼 (don) គឺជាឈ្មោះចានបាយបែបជប៉ុន។

ដូច្នេះ​អាច​ពន្យល់​ពាក្យ Oyako-don គឺជាឪពុកម្តាយ និងកូន (មាន់​ និង​ស៊ុត) ក្នុង​ចាន។ 

២. 踊り丼 Odori-don

រូបភាព http://r.gnavi.co.jp/g-interview/entry/another/2559

ម្ហូបនេះមិនត្រឹមតែមានឈ្មោះចម្លែកប៉ុណ្ណោះទេថែមទាំងមើល​ទៅ​ប្លែក​ផង​ដែរ។

踊り(odori) ភាសាជប៉ុនមានន័យថារាំ ដូច្នេះ​តើ​វា​មាន​ន័យ​យ៉ាង​ណា?

គ្រឿងផ្សំមាន​ដូចជា​មឹក​ធំ​ត្រូវ​គេ​យក​ខួរ​ចេញ។ ជាទូទៅសត្វមិនខុសពី Zoombie ទេទោះបីស្លាប់ទៅហើយប៉ុន្តែសាច់ដុំនៅតែមានចលនា។ នៅ​ពេល Natri ក្នុង​ទឹកស៊ីអុីវប៉ះរាងកាយសត្វវា​នឹង​រួញប្រៀបដូចជាខ្សែភាពយន្តរន្ធត់។

នៅពេលដៃឬព្រុយ​សត្វខ្លះធ្វើ​ចលនា​គេ​ប្រៀប​វា​ដូចជា​កំ​ពុង​រាំ ដូច្នេះទើប​គេ​ហៅម្ហូប​នេះ​ថា Odori-don។

៣. きつねうどん Kitsune Udon

រូបភាព https://www.bob-an.com/recipes/detail/15703

អ្នក​ដែល​ធ្លាប់​រៀន​ភាសាជប៉ុន​ប្រាកដជា​ស្គាល់​ពាក្យ きつね (kitsune) មានន័យថាកញ្ជ្រោង។ តើម្ហូបនេះធ្វើពីសាច់កញ្ជ្រោងឬ? តាមពិត Kitsune Udon គឺជា​មីជាមួយ​តៅហ៊ូចៀន។

មានទ្រឹស្តីជាច្រើនជុំវិញឈ្មោះនេះ។ នៅក្នុងរឿងព្រេងនិទានរបស់ជប៉ុននិយាយ​ពីកញ្ជ្រោងចូល​ចិត្តតៅ​ហ៊ូ​ចៀន។ ក្រៅពី​នេះ​មនុស្ស​មួយ​ចំនួន​យល់​ថាតៅហ៊ូចៀនមាន​ពណ៌​ស្រដៀងរោម​របស់កញ្ជ្រោង។

៤​. 玉子ガニ Tamagogani

រូបភាព https://twitter.com/hashtag/%E7%8E%89%E5%AD%90%E3%82%AC%E3%83%8B

នេះគឺជាអាហារសម្រន់ដ៏ពេញនិយមនៅតាមតំបន់ឆ្នេរសមុទ្រ។ ម្ហូប​នេះ​គឺ​ក្តាម​តូចៗចៀន។ ឈ្មោះម្ហូបនេះគឺ​ជា​ការរួមបញ្ចូលគ្នារវាង Tamago (ស៊ុត) និង Kani (ក្តាម)។ ប៉ុន្តែ Tamagogani មិនមានស៊ុត​ទាល់តែសោះ។ តាមពិត Tamago មិនមានន័យថាស៊ុតទេតែជារបស់តូចៗ។

៥. お好み焼き Okonomiyaki

មុខ​ម្ហូប​ពិសេស​នៃ Osaka និង Hiroshima គឺ Okonomiyaki បាញ់​ឆៀវធ្វើពីម្សៅ ស្ពៃក្តោប និង​ប្រភេទ topping ផ្សេងៗទៀត។ ឈ្មោះម្ហូបនេះក៏ជាការលាយបញ្ចូលគ្នាគួរអោយចាប់អារម្មណ៍ដូចជាគ្រឿងផ្សំនៃម្ហូបដែរ។

រូបភាព https://www.hotpepper.jp/mesitsu/entry/yasunario/19-00024

  • Okono (お好) សំដៅទៅលើអ្វីដែលធ្វើអោយនរណាម្នាក់ចូលចិត្ត មានរសជាតិឆ្ងាញ់។ ឧទាហរណ៍ពាក្យ コーヒーのお好みは? ត្រូវ​បក​ថាតើ​កាហ្វេត្រូវនឹង​រសជាតិ​របស់​អ្នក​ទេ?
  • Yaki (焼き) មានន័យថាចៀន ឆា ឬ អាំង។

នៅ​ពេល​រៀប​ពាក្យ​ជាមួយ​គ្នាមានន័យថាចៀនឬឆាម្ហូបដែលអ្នកចូលចិត្ត។ ពិតជា​វិធីគួរអោយ​ចាប់​អារម្មណ៍ពិពណ៌នាម្ហូបនេះ។

អ្វី​ដែល​ពិសេស​ពេល​អ្នក​កត់​សម្គាល់​ម្ហូបនឹង​យល់ពី​ការ​សម្តែង​អារម្មណ៍។ ដូច្នេះពេលបញ្ជាទិញម្ហូបក្នុងភោជនីយដ្ឋានគួរ​តែមើល​រូបភាពជាជាង​មើល​ឈ្មោះម្ហូប។

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: