ទំនើបណាស់ក្នុងយុគសម័យជិះ​រថយន្តដោយ​ស្វ័យប្រវត្តិ

ការ​ផលិតរថភ្លើងធ្វើ​ដំ​ណើរ​លើ​ផ្លូវ​ដែក​គឺជា​ជំហាន​ដំ​បូង​នៃការ​ផ្លាស់​ប្តូរ​របស់​មនុស្ស​។ បន្ទាប់មកការផលិតរថយន្តទំនើបត្រូវ​បាន​ផ្តួចផ្តើមដោយសារ​តម្រូវ​ការយានយន្តដែល​មិន​ធ្វើ​ដំ​ណើរ​លើ​ផ្លូវ​ដែក។ ហើយ​បន្ទាប់​មក​ទៀតគឺយុគសម័យនៃការ​ផលិតរថយន្តស្ព័រល្បឿនលឿន។ នៅប្រទេសជប៉ុនក្នុងទស្សវត្សឆ្នាំ ១៩៨០ រថយន្តស្ព័រទទួលការគាំទ្រ​យ៉ាងខ្លាំងពីប្រជាជន​ជប៉ុន។

ជនជាតិជប៉ុនផ្តោត​សំ​ខាន់​លើសុវត្ថភាព និងតម្លៃ​នៃ​ការ​ប្រើ​ប្រាស់ ដូច្នេះ​រថយន្ត​ជប៉ុនជាទូទៅប្រតិបតិ្ត​ការ​ខ្ពស់ រូប​រាង​មិន​សូវ​ជាទាក់​ទាញ ប៉ុន្តែម៉ាស៊ីនកម្រនឹងខូចណាស់។ ទោះជាយ៉ាងណាពេលនិយាយពីម៉ាកប្រណីត និងលក្ខណៈពិសេសយើ​ង​ប្រាកដជា​គិតពី​រថយន្ត​ដូចជា Roll-royce, Ferrari, Porsche ឬ Lamborghini។ ដូច្នេះក្រុមហ៊ុនផលិតរថយន្តជប៉ុនតែងមានក្តីស្រមៃប្រៀបជាមួយ​ក្រុមហ៊ុនផលិតរថយន្តល្បីៗដទៃទៀតនៅ​លើ​ពិភពលោក។ រយៈពេល​កន្លង​ទៅក្រុម​ហ៊ុន​បាន​បង្កើន​បច្ចេកវិទ្យា និងបច្ចេកទេស ហើយ​អ្វី​ដែល​ពិសេស​ត្រូវនិយាយពី HONDA-F1 ដែលទទួលបានជ័យជម្នះជាប់ៗគ្នានៅទីលានប្រណាំង។

នៅទីបំផុតក្រុមហ៊ុនផលិតរថយន្តជប៉ុនបានផលិតរថយន្តស្ព័រដែល​មិន​ចាញ់​រថយន្តល្បីៗផ្សេងទៀតនៅលើពិភពលោកព្រោះ​តែ​លក្ខណៈពិសេស និង​ភាព​ប្រណីត។ ពួកគេ​​បង្ហាញពីយុគសម័យរថយន្តជប៉ុនបានមក​ដល់​ដោយ​ដាក់​តាំងម៉ូឌែលក្នុង​ពិព័រណ៍ Motoshow។

អ្នក​បង្ហាញម៉ូតឈរផ្អែក​រថយន្តស្ព័រប្រណីត

ទោះបីជាព្រឹត្តិការណ៍តាំងពិព័រណ៍រថយន្តប្រារព្ធធ្វើឡើងធំយ៉ាងណាក៏​យុវជនចូលរួមក្នុងកម្មវិធីនេះកំពុងធ្លាក់​ចុះ។ ប៉ុន្តែ​ពឹង​ទៅលើកម្មវិធីថ្មីលើក​នេះ ចំនួនយុវជនដែលចាប់អារម្មណ៍នឹងរថយន្តកំពុងតែកើនឡើងបន្តិចម្តងៗ។

ជប៉ុន​មិន​អាច​លក់​ចេញ​រថយន្ត​តស្ព័រដែល​ប្រណីត និងមានមុខ​ងារ​ខ្ពស់។ ដូច្នេះការ​ផលិតរថយន្តស្វ័យ​ប្រវត្តិត្រូវ​បាន​បង្កើត​ឡើងសម្រាប់ឧស្សាហកម្មរថយន្តជប៉ុន។

ពេលក្រឡេកមើលរថយន្តដែលកំពុងដាក់​តាំងអ្នកនឹងយល់ថាប្រតិបត្តិការបញ្ជាគឺមិនចាំបាច់ទេ។ ដោយ​សារ​រថយន្ត​ធ្វើ​ដំ​ណើរដោយស្វ័យ​ប្រវត្តិដូច្នេះ​ការ​កំ​ណត់​ល្បឿនមិន​ចាំបាច់​ទេ។ ផ្ទុយទៅវិញមុខ​ងារនៅ​ក្នុង​រថយន្តទើប​សំ​ខាន់។

ឧទាហរណ៍តើអ្នកគិតយ៉ាងណាប្រសិនបើរៀបចំការប្រជុំនៅក្នុងឡាន?

ប្រជុំ​ផង​ធ្វើ​ដំ​ណើរ​ផង​ជាដំណោះស្រាយដ៏​ល្អ និងសន្សំពេលវេលា។ ក្រៅពីនេះមានអេក្រង់ធំត្រូវបានតំឡើងជំនួស​អោយបង្អួចភ្ជាប់អុីនធឺណេតដើម្បី​អោយ​ភាគីអាច​ប្រជុំ​ពី​ចម្ងាយ។

យុគសម័យនៃរថយន្តធម្មតាត្រូវបានបញ្ចប់ ផ្ទុយ​ទៅវិញ​រថយន្តគ្មាន​មនុស្ស​បើក​បរជាមួយ​នឹង​មុខ​ងារជាច្រើន​​ត្រូវ​បាន​បង្កើត​ឡើង។

តម្លៃនៃរថយន្តទាំងនេះថ្លៃណាស់រហូត​ដល់​ខ្ញុំ​គ្មាន​លុយ​ទិញ ទោះបីខ្ញុំទិញក៏​មិន​អាច​ប្រើ​អស់​មុខ​ងារនៃរថយន្ត​ស្ពរទំនើបនេះ​ដែរ។ ប៉ុន្តែ​ខ្ញុំ​នៅ​តែ​ចូល​ចិត្ត​ ដូច្នេះចំនួនមនុស្សដែលមកចូលរួមពិព័រណ៍ថ្មីបានកើនឡើង។

សង្ឃឹមថាក្នុងរយៈពេល ១០ ឆ្នាំទៀតនឹងមានបដិវត្តផ្លាស់ប្តូរឧស្សាហកម្មផលិតរថយន្ត។