លក្ខណៈពិសេសនៃភោជនីយដ្ឋានជប៉ុនធ្វើអោយភ្ញៀវបរទេសភ្ញាក់ផ្អើល

ថ្ងៃពុធ 27/11/2019 | 15:03 ល្ងាច

នៅប្រទេសជប៉ុនល្បីដោយសារតែ Ometanashi។ សេវាកម្មនៅប្រទេសជប៉ុនលឿន រហ័ស ងាយស្រួល ហើយទទួលបានការវាយតម្លៃខ្ពស់ទាំងក្នុងស្រុក និងក្រៅស្រុក។ ប៉ុន្តែលក្ខណៈពិសេសនៃភោជនីយដ្ឋានជប៉ុនប្លែកពីគេ។

សូមមើលលក្ខណៈពិសេសប្លែកដែលរកឃើញនៅក្នុងភោជនីយដ្ឋានជប៉ុន។

១. Sumimasen

ដើម្បីហៅម្ហូបជនជាតិជប៉ុននិយាយខ្លាំងៗថា “Sumimasen” ដើម្បីទាក់ទាញចំណាប់អារម្មណ៍របស់បុគ្គលិក។ ថ្មីៗនេះនៅក្នុងភោជនីយដ្ឋានជប៉ុនមួយចំនួនមានកណ្តឹង ដូច្នេះអ្នកគ្រាន់តែចុចកណ្ដឹងប៉ុណ្ណោះ។ ប៉ុន្តែបើគ្មានកណ្តឹងពួកគេនៅតែហៅបុគ្គលិកបែបនេះ។

ចំពោះជនបរទេសនេះជាទង្វើចម្លែក រីឯបណ្តាប្រទេសអ៊ឺរ៉ុបឬសហរដ្ឋអាមេរិកដើម្បីហៅម្ហូបគេតែងលើកដៃអោយសញ្ញាឬក្រឡេកមើលទៅបុគ្គលិក ព្រោះពួកគេយល់ថានឹងរំខានភ្ញៀវដទៃទៀតប្រសិនបើគេស្រែកខ្លាំង។

២. តើអ្នកចង់ផឹកទឹកទេ?

សេវាកម្មភោជនីយដ្ឋាននៅប្រទេសជប៉ុនពិតជាល្អ ប៉ុន្តែភ្ញៀវបរទេសមួយចំនួនបានអោយដឹងទំហំកែវទឹកនៅជប៉ុនតូចពេកធ្វើអោយពួកត្រូវហៅទឹកច្រើនដង។ អ្នកខ្លះថែមទាំងគិតថា “តើដោយសារតែជនជាតិជប៉ុនកម្រផឹកទឹកពេលទទួលទានអាហារមែនទេ?”។

ទោះជាយ៉ាងណានៅអឺរ៉ុបភោជនីយដ្ឋានខ្លះគិតថ្លៃភេសជ្ជៈ (រួមទាំងទឹកត្រជាក់)។ នៅអាមេរិកប្រសិនបើមិនហៅទឹកគេនឹងមិនយកមកទេ។ ដូច្នេះជនបរទេសពិតជាអរគុណពេលទៅដល់ភោជនីយដ្ឋានជប៉ុន ហើយទទួលបានទឹកត្រជាក់មួយកែវដោយឥតគិតថ្លៃ។

៣. រូបភាពមឺនុយមុខម្ហូប

ទោះបីជាអ្នកមិនចេះអាន Kanji ឬ Hiragana ក៏ដោយ អ្នកនៅតែអាចបញ្ជាទិញម្ហូបក្នុងមឺនុយដោយគ្មានអក្សរអង់គ្លេស។ នេះក៏ព្រោះតែរូបភាពក្នុងមឺនុយមុខម្ហូបច្បាស់ហើយស្រួលមើល។ ក្រៅពីរូបភាពមឺនុយមុខម្ហូប គេថែមទាំងមានគំរូមុខម្ហូបដូចជាម្ហូបពិតក្នុងភោជនីយដ្ឋាន។

ចំពោះមឺនុយមុខម្ហូបនៅប្រទេសដទៃជាទូទៅគេគ្រាន់តែដាក់ឈ្មោះមុខម្ហូប និងគ្រឿងផ្សំ ចំណែករូបភាពគ្រាន់តែសម្រាប់លម្អប៉ុណ្ណោះ។ ប៉ុន្តែនៅក្នុងមឺនុយមុខម្ហូបនៅភោជនីយដ្ឋានជប៉ុនរូបភាពបង្ហាញអំពីមុខម្ហូប។ អាចនិយាយបានថាជនជាតិជប៉ុនចង់ឃើញអ្វីដែលពួកគេហូបមុនពេលបញ្ជាទិញ។

៤. ប្រើចង្កឹះផ្សេងដើម្បីចាប់ម្ហូបរួម

នេះក៏ជាទម្លាប់ប្រើចង្កឹះរបស់ជនជាតិជប៉ុនធ្វើអោយជនបរទេសមិនយល់។ តាមពិតជនជាតិជប៉ុនមិនប្រើចង្កឹះផ្សេងដើម្បីចាប់ម្ហួមពេលទទួលទានអាហារជាមួយនឹងក្រុមគ្រួសារឬសាច់ញាតិទេ ប៉ុន្តែពេលញ៉ាំជាមួយអ្នកដទៃនេះជាទម្លាប់សំខាន់ពួកគេចាប់អារម្មណ៍។ នៅក្រៅប្រទេសជាពិសេសបណ្តាប្រទេសអឺរ៉ុប មិនសូវមានម្ហូបរួមដូចជាសាច់អាំងឬស៊ុបឡើយ ដូច្នេះអ្នកគួរតែចាប់អារម្មណ៍ការប្តូរចង្កឹះពេលទទួលទានអាហារនៅជប៉ុន។

៥. ខ្ញុំនឹងចេញប្រាក់

ជនបរទេសប្រាកដជាភ្ញាក់ផ្អើលពេលឃើញទិដ្ឋភាពដណ្តើមចេញប្រាក់នៅក្នុងភោជនីយដ្ឋានជប៉ុន។ ជាការពិតបណ្តាប្រទេសនៅអឺរ៉ុបមិនមែនតែងតែចែកប្រាក់ចេញស្មើគ្នារហូតទេ ប៉ុន្តែពួកគេនឹងនិយាយគ្នាមុនថាអ្នកណាជាអ្នកចេញប្រាក់។ ផ្ទុយទៅវិញនៅជប៉ុនចេញប្រាក់ដូចជាសង្រ្គាមអ្នកណាក៏ដណ្តើមចេញប្រាក់ដែរ។