ពិធីបុណ្យពន្លឺស្អាតទាក់​ទាញភ្ញៀវទេសចរណ៍ជាច្រើន​មកទស្សនា

ធ្វើដំណើរទៅប្រទេសជប៉ុនក្នុងរដូវរងារអ្នកនឹងទទួល​បានបទពិសោធ និង​ពេលវេលាដែល​មិន​អាច​បំ​ភ្លេច​បាន​​ក្នុង​ពិធី​បុណ្យ​ពន្លឺប្រារព្ធធ្វើឡើងនៅទូទាំងប្រទេសជប៉ុន។ រីករាយនឹងបរិយាកាសដ៏ស្រស់​ស្អាត​ ជា​មួយនឹង​ការបង្ហាញពន្លឺនៅគ្រប់ទី​កន្លែង។

Yebisu Garden place

ជាកន្លែងសំខាន់បំផុតមាន​លក្ខណៈធំនៃពិធីបុណ្យ​ពន្លឺប្រារព្ធ​ធ្វើឡើងជារៀងរាល់ឆ្នាំចាប់ពីថ្ងៃទី ៧ ខែវិច្ឆិកាដល់ថ្ងៃទី ១១ ខែមករា។ ពិសេសសំបុត្រចូលទស្សនាឥតគិតថ្លៃណា!

រូបភាព http://www.tiewyeepoon.com/hot-topics/news/yebisu-winter_illumination/

Yomiuri Land Jewellumination

ការសម្តែងត្រូវបានធ្វើឡើងជារៀងរាល់ឆ្នាំ ធម្មតា​ប្រារព្ធ​ធ្វើ​ឡើង​នៅដើមខែធ្នូឬខែកុម្ភៈចាប់ផ្តើមនៅម៉ោង ៩ យប់។ 

សំបុត្រធម្មតា៖

• សិស្សវិទ្យាល័យតម្លៃ ៥០០ យ៉េន
• អាយុ ១៨ ឆ្នាំ​ឡើង​ទៅ​តម្លៃ ១០០០ យ៉េន
• មនុស្ស​ចាស់ ៦០០ យ៉េន
• ប្រសិនបើ​អ្នក​មាន​កាត Night pass មនុស្សពេញវ័យ ១៨០០ យ៉េន សិស្សវិទ្យាល័យ ១៣០០ យ៉េន​ ចំ​ណែក​កុមារ និង​សិស្សបឋមមិនគិតថ្លៃ។

រូបភាព https://sagaswhat.com/yomiuri/

Tokyo Midtown

ជា​ពិធីបុណ្យ​ធំនៅ​ប្រទេសជប៉ុន​មាន​អំពូល​ភ្លើង​ប្រហែល ៥២០,០០០ អំពូលត្រូវបានបំភ្លឺនៅក្នុងពិធីបុណ្យដែលចាប់ផ្តើមនៅពាក់កណ្តាលខែធ្នូរៀងរាល់ឆ្នាំ និងរាល់ឆ្នាំពេលរដូវស្លឹកឈើជ្រុះមកដល់។

អាស័យដ្ឋាន​៖ Tokyo, Minato-ku, Akasaka 9-7-1

សំបុត្រឥតគិតថ្លៃសម្រាប់អ្នកទាំងអស់​គ្នា។

ប្រារព្ធធ្វើឡើងចាប់ពីម៉ោង ៦ ល្ងាចដល់ ៩ យប់ និង​ចុងសប្តាហ៍រហូតដល់ ១១ យប់។

រូបភាព https://jw-webmagazine.com/tokyo-midtown-christmas-illumination

ឧទ្យាននៅ Nabana no Sato

ជារៀង​រាល់​ឆ្នាំ​ពិធី​បុណ្យ​ត្រូវ​បាន​រៀប​ចំ​ឡើង​វិញជាមួយនឹង​គំនិតថ្មីៗដើម្បី​ទាក់​ទាញ​ភ្ញៀវទេសចរណ៍។

ឧទ្យាន Nabana no Sato ស្ថិតនៅលើកោះ Nagashima ខេត្ត Mie ជិត Nagoya ដែល​តែង​តែ​ទាក់​ទាញភ្ញៀវទេសចរណ៍ព្រោះ​មាន​សួនផ្កាដ៏ធំលាតសន្ធឹងរហូត​ដល់​បឹង មាន​ដើមឈើ និងពន្លឺនៅគ្រប់ទីកន្លែង អំពូលរាប់លានប្តូរពណ៌យ៉ាង​ស្អាត។

ពិធីបុណ្យនេះមានរយៈពេលយូរចាប់ពីដើមខែធ្នូដល់ខែមីនារាល់ឆ្នាំ។ អ្នក​អាច​មក​ទស្សនា​នៅខែមីនាឆ្នាំបន្ទាប់។

តម្លៃសំបុត្រ៖ មនុស្សពេញវ័យ ២១០០ យ៉េន + ប័ណ្ណទិញទំនិញ​មាន​តម្លៃ ១០០០ យ៉េនក្នុង​បរិវេណកន្លែង​កំ​សាន្ត។

កុមារឥតគិតថ្លៃ។

បើកពីម៉ោង ៦ ព្រឹកដល់ ៩ យប់ ថ្ងៃបុណ្យ និងចុងសប្តាហ៍បិទទ្វារយឺតបន្តិចម៉ោង ១០ យប់។

រូបភាព https://en.japantravel.com/mie/nabana-no-sato-winter-illumination/121

ពិធីបុណ្យនៅ Osaka

ជាពិធីបុណ្យ​ពន្លឺដែលមិនអាចបំភ្លេចនៅក្នុងប្រវត្តិសាស្រ្តតនៃការអភិវឌ្ឍនៅទីក្រុង Osaka កម្មវិធីពន្លឺ 3D នៅលើជញ្ជាំងនៃអគារត្រូវបានធ្វើឡើងនៅសាលាក្រុង និងឧទ្យាន Nakanoshima កម្មវិធីចំនួន ៤ រៀងរាល់យប់ចាប់ពីម៉ោង ១៧ ដល់ម៉ោង ២២ នៅចុងសប្តាហ៍មាន ៦ កម្មវិធីចាប់ពីថ្ងៃទី ១៤-២៥ ខែធ្នូ។

រូបភាព https://wow-j.com/en/Allguides/osaka/sightseeing/01983_en/

អ្នករៀបចំពិធីបុណ្យ​ពន្លឺ Osaka បាន​អោយ​ដឹង​ពួកគេ​សង្ឃឹមថានេះជាស្ពានសម្រាប់សាមគ្គីភាពសហគមន៍ និងសាមគ្គីភាពរវាងរដ្ឋ និង​ឯកជនដើម្បីលើកកម្ពស់កេរ្តិ៍ឈ្មោះនៃទីក្រុងអភិវឌ្ឍ – Osaka។

Festival of on light- Osaka Hikari Renaissence

រូបភាព https://osaka-info.jp/en/page/events-hikari-kyoen

ពិធីបុណ្យនេះធ្វើឡើងក្នុងរយៈពេលខ្លីចាប់ពីថ្ងៃទី ១២-២៥ ខែធ្នូរៀងរាល់ឆ្នាំ។

សំបុត្រឥតគិតថ្លៃណា!

ទីតាំងនៅ Nakanoshima Koen, Osaka-shi, Kita-ku, Nakanoshima 1។

Kaiyukan Winter lllmintaion

រូបភាព https://jw-webmagazine.com/best-winter-illumination-spots-in-osaka-d19f1d509a4e/

ជាទូទៅ​ចាប់​ផ្តើមពិធីបុណ្យពីថ្ងៃទី ២៥ ខែវិច្ឆិកា – ថ្ងៃទី ៦ ខែមីនាជារៀងរាល់ឆ្នាំ។

សំបុត្រចូលទស្សនាដោយឥតគិតថ្លៃ (លើកលែង​តែកន្លែងមើល​ត្រី)។ អាស័យដ្ឋាន៖ Osaka, Minato-ku, Kaigai dori 1-1-10។

ខេត្ត Tochigi

សួន Ashikaga ល្បី​ដោយសារ​តែ​ផ្កា wisteria រីកនៅ​ខែឧសភា។ ប៉ុន្តែអ្វីដែលលេចធ្លោជាងគេគឺពិធីបុណ្យពន្លឺដ៏អស្ចារ្យនៅរដូវរងារ សួន​​ផ្កា​មាន​ទេសភាព​ស្រស់​ស្អាត​ប្រៀបដូចជាក្នុង​សុបិន្ត។ 

Flower Fantasy (សួន​ផ្កាពន្លឺ)។

ពេលវេលាបើក៖ ពីម៉ោង ១៥:៣០ – ២១:០០។

ចុងសប្តាហ៍ និងថ្ងៃបុណ្យសម្តែង​រហូត​ដល់​ម៉ោង ២១:៣០។

តម្លៃសំ​បុត្រ៖ ៨០០ យ៉េន/សម្រាប់មនុស្សពេញវ័យ កុមារតម្លៃ​ប្រហែល ៤០០ យ៉េន។