ហេតុ​អ្វី​កាលពី​បុរាណជំនាញ​បិតស្រាមាន​តែ​បុរសជាអ្នក​ធ្វើ?

Sake គឺជាស្រាជប៉ុនធ្វើពីអង្ករ។ មិនច្បាស់ទេថាតើពេលណាប្រជាជនចាប់ផ្តើមផលិតស្រា Sake គ្រាន់តែដឹងថាយូរណាស់មកហើយ។

រូបភាព https://www.jalan.net/news/article/139890/3/’

ប្រហែល ២៦០០ ឆ្នាំមុនប្រទេសជប៉ុនជាប្រទេសដាំស្រូវ។ ប្រសិន​បើគ្មានអង្ករមិនអាចផលិតស្រាបាន​ទេ តំបន់​​នី​មួយ​ៗនៅប្រទេសជប៉ុនបិត​ស្រា​មាន​រសជាតិ​ផ្សេង​ៗ​គ្នា។ ​ស្រា​ Sake ល្បីមិនត្រឹមតែក្នុងស្រុកប៉ុណ្ណោះទេ ថែមទាំងល្បីនៅអន្តរជាតិផងដែរ។

អ្នកដែលបិតស្រា​នៅ​ក្នុង​កន្លែង​ស្តុប​ស្រាគេ​ហៅ​ថា 杜氏 (Touji)។ តាំងពីបុរាណមកជំ​នាញ​នេះ​ធ្វើដោយ​បុរសតែប៉ុណ្ណោះ។ 

រូបភាព https://tohoku365.com/sake-jp/8455

តើដោយសារតែការរើសអើងភេទឬ? មិន​មែន​ដូច្នេះ​ទេ មាន​ហេតុ​ផល​គួរ​ឲ្យ​​ចាប់​អារម្មណ៍នៅពីក្រោយ។

ដើម្បី​ផលិតស្រា Sake ត្រូវការអង្ករ ទឹក និងដំបែ។ គ្រឿងផ្សំសំខាន់បំផុតគឺអ្វី​ដែល​នៅ​ក្នុង​ដំ​បែដែលធ្វើឲ្យ​​ប្តូរជាតិ​ទឹក និងអង្ករ។ ក្រៅពីស្រា Sake ប្រជាជនជប៉ុនក៏ប្រើដំបែនេះដើម្បីចម្អិន​មុខ​ម្ហូប​ដូចជា Natto (សណ្តែកឡើងជូរ) ឬ O tsukemono (ជ្រក់)។ នេះក៏ជាគ្រឿងផ្សំសម្រាប់ធ្វើឈីស និងទឹកដោះគោជូរផងដែរ។

ក្នុងការផលិតស្រា ដំបែ​ឡើង​ជូរ​មាន​តួ​នាទី​សំ​ខាន់​។ កន្លែង​ស្តុប​ស្រាមាន​ដំ​បែឡើង​ជូរ​ខុស​គ្នាធ្វើ​ឲ្យ​​រស​ជាតិក៏​​ខុស​គ្នា​​ដែរ។ ជាការពិតទឹក និងអង្ករក៏រួមចំណែកធ្វើឲ្យ​​រសជាតិ​ស្រា​នៃ​តំបន់​នីមួយ​ៗមាន​លក្ខណៈពិសេសដោយ​ឡែក។

ក្រៅពីនេះ​ បាក់តេរីដែល​នៅ​ក្នុង​ដំ​បែឡើង​ជូរ​នេះ​ខ្សោយ​មិនគួរមានបាក់តេរីផ្សេងទៀតនៅក្នុងឡើយ។

កាលពីមុនប្រជាជនជប៉ុន​នាំ​គ្នា​ធ្វើ​ជ្រក់។ របៀប​ធ្វើ​ជ្រក់​នេះ​គឺ​បន្ថែមបន្លែចូល mekadoko (បរិយាកាសលូតលាស់នៃបាក់តេរីធ្វើ​ឲ្យ​​ឡើង​ជូរ) Mekadoko ត្រូវ​ថែរក្សាជារៀងរាល់ថ្ងៃបើ​មិន​ដូច្នេះ​បាក់​តេរីនឹង​ស្លាប់ ដូច្នេះ​ការថែរក្សា mekadoko កាល​ពី​មុន​ជាភារកិច្ច​របស់​ស្រី្ត។ ជារៀងរាល់ថ្ងៃ ពួកគេត្រូវកូរ mekadoko ដើម្បីផ្តល់អុកស៊ីសែនគ្រប់គ្រាន់សម្រាប់បាក់តេរី។

ដូច្នេះ​គេ​យល់​ថានៅ​លើ​ខ្លួន​ស្រ្តីមាន​បាក់តេរី​ធ្វើជ្រក់​ ហើយ​មិន​អាច​នាំ​យក​បាក់​តេរី​នោះចូល​ក្នុង​កន្លែង​ស្តុប​ស្រា​បាន​ទេ។

នៅពេលនោះជនជាតិជប៉ុនមិនទាន់​ច្បាស់អំពីបាក់តេរីទេ ដូច្នេះគ្រាន់​តែបន្ត​ទម្លាប់យល់ថាស្ត្រីចូលបន្ទប់ក្រោមដីធ្វើឲ្យ​​ស្រាខូច។ ក្រៅពីនេះ Touji អាចបរិភោគ Natto ដោយ​សារ​មូល​ហេតុ​ដូចគ្នាដែរ។

សព្វថ្ងៃនេះ ស្ត្រីអាចចូលរួមនៅកន្លែ​ង​ធ្វើ​ស្រាដោយសារតែបច្ចេកវិទ្យាបច្ចុប្បន្ន។ ក្រៅពីនេះ ​ទំនៀមទម្លាប់​ធ្វើជ្រក់តាម​​ផ្ទះ​ក៏​មិន​​សូវ​មានទៀតដែរ។

ទោះជាយ៉ាង​ណា ​ស្រ្តី​អាច​ចូល​រួម​ការ​ងារដែល​កាលពី​មុន​ត្រូវ​ហាម​ឃាត់ដោយសារការ​រស់​នៅ​ផ្លាស់​ប្តូរ មិនមែនដោយ​សារ​ការ​រើស​អើង​ភេទឡើយ។

Kengo Abe