ហេតុអ្វីបាន​ជាស្រ្តី​ត្រូវហាមឃាត់មិនអោយពាក់វ៉ែនតានៅក្នុង​សហគ្រាសជប៉ុន​?

មនុស្សជាច្រើនដែលមានបញ្ហាភ្នែកជ្រើសរើសពាក់វ៉ែនតា។ ភាគ​ច្រើន​គេពាក់​វែ៉ន​តា​ប្រសើរជាងពាក់​កែវ​ឡេន​ព្រោះ​វា​មាន​ភាព​ងាយ​ស្រួ​ល​ជាង។

ការជ្រើសរើសពាក់វ៉ែនតាឬកែវឡេនគួរតែជាសេរីភាពរបស់មនុស្សគ្រប់គ្នា ប៉ុន្តែ​សហគ្រាស​ជប៉ុន​មួយ​ចំ​នួន​បែរជា​មិន​គិត​ដូច្នេះទេ។

សហគ្រាស​ជប៉ុន​មួយ​ចំ​នួនហាមស្ត្រីមិនអោយពាក់វ៉ែនតាទៅការិយាល័យ។

រូបភាព https://www.j-cast.com/kaisha/2019/11/10372067.html

មូលហេតុហាមឃាត់ដោយសារខ្លាចប៉ះពាល់ការងារ។

ឧទាហរណ៍បុគ្គលិក​នៅ​លើ​យន្តហោះ។ ក្នុងករណីបន្ទាន់តម្រូវអោយមានការជម្លៀសអ្នកដំណើរវ៉ែនតារបស់បុគ្គលិកយន្ត​ហោះអាចនឹងធ្លាក់ចុះឬនៅពេលមាន​ផ្សែងអាច​ធ្វើ​អោយ​មើល​មិន​ច្បាស់។

ហេតុផលសមរម្យ ជាការពិត​អ្នកពាក់វ៉ែនតាមិន​ងាយ​ជាប់ក្នុងការសម្ភាសជ្រើសរើសបុគ្គលិក​​យន្ត​ហោះទេ។

ប៉ុន្តែ​ចំ​ពោះ​ហាង​លក់​គ្រឿង​សំ​អាង​វិញ? ហាង​មួយ​ចំ​នួន​ហាម​បុគ្គលិក​ពាក់​វ៉ែន​តាព្រោះខ្លាចរំខានដល់ការពិគ្រោះយោបល់ជាមួយអតិថិជន។

ក្រៅពី​នេះអ្នកទទួល​ភ្ញៀវនៅតាមក្រុមហ៊ុនធំៗ សណ្ឋាគារ ផ្សារទំនើបធំៗក៏ត្រូវហាមឃាត់មិនអោយពាក់វ៉ែនតាផងដែរ។ មូល​ហេតុ​មក​ពីធ្វើអោយ​បាត់​បង់​សោភ័ណ្ឌភាពព្រោះតែ​គំនិតមិន​ពាក់​វ៉ែន​តា​មើល​ទៅ​ស្អាត​ជាង។

ភោជនីយដ្ឋានបែបជប៉ុនជាច្រើនឯកសណ្ឋាន​បុគ្គលិក​គឺ​ស្លៀក Kimono ហើយ​ហាម​មិន​អោយ​ពាក់​វ៉េន​តា។ មូលហេតុដោយសារតែវ៉ែនតាមិនសមនឹងសម្លៀកបំពាក់បែបជប៉ុន។

ជាការពិត​រូប​រាង​ខាង​ក្រៅគឺ​សំ​ខាន់​ណាស់ ប៉ុន្តែ​គួរតែវិនិច្ឆ័យបុគ្គលិក​ដោយផ្អែកលើសមត្ថភាពការងាររបស់ពួកគេ។ ហេតុអ្វីផ្តោតសំខាន់លើរូបរាងខាងក្រៅ ហើយដាក់​ច្បាប់​ហាម​ឃាត់​បែប​នេះ?​ មូលហេតុមួយទៀតដែល​ទទួល​មតិ​រិះ​គន់​ជាច្រើន​ព្រោះបុរស​ត្រូវ​បាន​អនុញ្ញាតអោយ​ពាក់​វ៉ែន​តា​។ តើដោយសារតែការរើស​អើង​ភេទ​ឬ? តាមពិតការរើសអើងភេទនៅតែមាននៅក្នុងប្រទេសជប៉ុន។

ខ្ញុំ​យល់​ថានារី​ដែល​ពាក់​វ៉ែន​តាមានភាពទាក់ទាញផ្ទាល់ខ្លួន។ យល់​ល្អ​គួរតែ​មានបរិយាកាសការ​ងារ និង​ច្បាប់​ដែល​ផ្តល់​ភាព​ងាយ​ស្រួល​សម្រាប់​បុគ្គលិក​ ដូច្នេះ​លទ្ធផល​ការ​ងារទើបទទួល​បាន​ផល​ខ្ពស់។ 

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: