សេចក្តីជូនដំណឹងសម្រាប់អ្នកគាំទ្រ AKB48 – ហាងកាហ្វេ AKB48 នឹងបិទនៅខែធ្នូ

AKB48 គឺជាក្រុម Idol  ជប៉ុនដ៏ល្បីល្បាញដាក់​ឈ្មោះតាម​សមាជិកទាំង ៤៨ នាក់​មកពី Akihabara នៅ Tokyo។ ក្នុងឆ្នាំ ២០១១ ហាងកាហ្វេ AKB48 បានបើកដំណើរការនៅខាងក្រៅស្ថានីយ៍ Akihabara មានបម្រើអាហារ និងនំផ្អែមតាមមុខម្ហូបដែលរៀបចំឡើងដោយ AKB48។ ក្រៅពី​នេះ​មាន​ហាង​លក់​ឧបករណ៍ទាក់​ទងនឹង​ក្រុម Idol ​ហើយក៏មានព្រឹត្តិការណ៍ជួបជុំ ​AKB48 ជាច្រើនផងដែរ។

មិនដូចភោជនីយដ្ឋានធំៗនៅទូទាំងប្រទេសជប៉ុនទេ ហាងកាហ្វេ AKB48 ដំ​ណើរ​ការ​រយៈពេល​យូរ​។ ទោះយ៉ាងណានៅថ្ងៃទី ១៨ ខែវិច្ឆិកាអ្នកគ្រប់គ្រងបានប្រកាសដំ​ណឹង​ថាហាងកាហ្វេ និងហាងដែលពាក់ព័ន្ធត្រូវបិទនៅចុងឆ្នាំនេះ។

សេចក្តីជូនដំណឹង

“សូម​អរគុណអ្នក​ទាំងអស់​គ្នាសម្រាប់ការមកកាន់​ហាងកាហ្វេ AKB48 នៅ Akihabara។ យើងមានការសោកស្តាយយ៉ាងខ្លាំងចំពោះការប្រកាសភ្លាមៗនេះ ប៉ុន្តែដោយសារផែនការកែលម្អតំបន់ពាណិជ្ជកម្មជុំវិញស្ថានីយ Akihabara យើងនឹងត្រូវបិទទ្វារ​នៅថ្ងៃទី ៣១ ខែធ្នូ។

យើងសូមថ្លែងអំណរគុណដល់ភ្ញៀវទាំងអស់ដែលបានមកគាំទ្រ​អស់រយៈពេល ៨ ឆ្នាំចាប់តាំងពីបើកដំណើរការថ្ងៃទី ២៩/១១/២០១១”។ 

សេចក្តីជូនដំណឹងក៏បាននិយាយផងដែរថាទំនងនឹងរកទីតាំងផ្សេងទៀតដើម្បីបើកហាងនេះឡើងវិញ ប៉ុន្តែនោះគ្រាន់តែជាគម្រោងប៉ុណ្ណោះ។

ទោះជាយ៉ាងណាអ្នក​កុំ​បារម្ភ​ពេក​ព្រោះ​សាល​ចម្រៀងរបស់ AKB48 នៅតែដំណើរការធម្មតា។

ប៉ុន្តែប្រសិនបើអ្នកចង់ទៅហាងកាហ្វេរបស់ក្រុម Idol ដ៏ល្បី​នេះម្តងអ្នកមាន​ពេលតែពីរបីសប្តាហ៍ទៀតប៉ុណ្ណោះ។

Sacchan