ចំណុចល្អ​នៃ​ជីវភាពការ​រស់​នៅ​តំបន់​ជនបទ​នៅ​ប្រទេសជប៉ុន

Samsung និង​ LG គឺជាម៉ាកផលិតផល​ឈានមុខគេ។ ក្នុងវិស័យផលិតកម្មឧស្សាហកម្មមនុស្ស​ជាច្រើន​យល់​ថាអំណាច​នៃ​ប្រទេស​ចិន​កំ​ពុង​រីក​ចម្រើន​។ ចំណែកប្រទេសជប៉ុនមានសេដ្ឋកិច្ចទាបជាង។ សូម្បីតែប្រជាជននៅ​សៀង​ហៃក៏​ច្រើន​​ជាងប្រជាជននៅទីក្រុងតូក្យូផងដែរ។ ប៉ុន្តែប្រសិនបើអ្នកចង់ស្វែងរកចំណុចល្អរបស់ជប៉ុន អ្នក​គួរ​​តែ​សង្កេតទៅមើល​តំបន់​ជនបទ។

១. គុណភាពនៃហេដ្ឋារចនាសម្ព័ន្ធដឹកជញ្ជូន

រូបភាព https://twitter.com/hashtag

នេះគឺជាដ្យាក្រាមផ្លូវហាយវេស្តង់ដារជាផ្លូវដែលរថយន្តអាចបើកក្នុងល្បឿនលឿនក្រោមការធានាសុវត្ថិភាព។ ប្រវែងសរុបនៃផ្លូវនេះគឺ ១១.៥០០ គីឡូម៉ែត្រ។ ទោះបីជាអ្នកបើកចេញពីផ្លូវហាយវេក៏មានផ្លូវក្រាលកៅស៊ូដែលមានគុណភាពខ្ពស់ងាយស្រួលសម្រាប់រថយន្តធ្វើដំ​ណើរផង​ដែរ។

២. ​ប្រាក់​ចំ​ណូល​ខ្ពស់

រូបភាព https://www.j-cast.com/kaisha/2017/08/30306921.html

ប្រាក់ចំណូលប្រចាំឆ្នាំជាមធ្យមរបស់កសិករគឺ ៤,៥ លានយ៉េន។ បើប្រៀបធៀបនឹងប្រាក់ចំណូលជាមធ្យមរបស់បុគ្គលិកការិយាល័យគឺ ៣,៦ លានយ៉េន។ មិន​ត្រឹម​តែ​ប៉ុណ្ណឹង កម្រិតជីវភាពរស់នៅតាមតំបន់ជនបទទាបជាងដូច​ជា​ម្ហូប​រហូតដល់ថ្លៃជួលផ្ទះ -ល-។

៣. ការតភ្ជាប់អុីនធឺណេតលឿន

រូបភាព https://wakuwork.jp/archives/15637

នៅប្រទេសជប៉ុនមិនថាអ្នកទៅដល់ទីណានោះទេ អ៊ីនធឺណេតលឿន និងបណ្តាញភ្ជាប់ទូរស័ព្ទចល័តមានភាពងាយស្រួលជាងនៅប្រទេសផ្សេងទៀត។

៤. សេវាកម្មដឹកជញ្ជូននៅ​តំបន់​ជនបទដាច់ស្រយាល

ពេល​និយាយ​ពី​តំបន់​ជនបទ​ដាច់​ស្រយាលមនុស្សជាច្រើនប្រហែលជាខ្លាច ព្រោះវាពិបាកក្នុងការទទួលបានសេវាកម្មជាពិសេស ការដើរទិញឥវ៉ាន់។ ប៉ុន្តែ​ទោះបី​ជានៅ​តំបន់ជនបទ ប្រជាជនជប៉ុននៅតែអាចធ្វើការបញ្ជាទិញតាម​អ៊ីនធឺណេត ហើយត្រូវបានដឹកជញ្ជូនភ្លាមៗ។ សេវាកម្មដឹកជញ្ជូនរួមទាំងទូទឹកកក ឬសូម្បីតែអាហារក្លាសេ។ ដូច្នេះវាមិនជាបញ្ហាទេប្រសិនបើអ្នករស់នៅតំបន់ដែលមិនមានហាងច្រើន។

៥. ទេសភាពធម្មជាតិស្រស់ស្អាត

រូបភាព https://www.msn.com/ja-jp/travel

មិនថាភ្នំ ឬដីបង្កបង្កើនផលដែលមិនទាន់​អភិវឌ្ឍ រដ្ឋាភិបាលនៅតែ​ផ្តល់​ជំនួយដើម្បី​ការ​ពារ​ធនធានទាំងនោះ។ ការ​ការ​ពារធនធានធម្មជាតិក្នុងប្រទេសជប៉ុនត្រូវបានគ្រប់គ្រងយ៉ាងល្អ។ មិនមានសំរាមនៅតាមផ្លូវ ហើយក៏គ្មាន​​ដី​ដុះស្មៅដែរ។ ទេសភាពធម្មជាតិគឺជាគុណសម្បត្តិដែលមិនអាចខ្វះបាននៅជនបទជប៉ុន។

បន្ទាប់ពីសន្ទុះនៃការធ្វើនគរូបនីយកម្ម ប្រជាជនជប៉ុន​ចេញពី​តំបន់​ជនបទ​ទៅរស់នៅទី​ក្រុង។ ប៉ុន្តែ​បើ​វាយ​តម្លៃ​លើ​​ផ្នែក​​ផ្សេងៗ​​តំបន់​ជន​បទ​នៅ​ប្រទេស​​ជប៉ុន​គឺ​ជា​តំបន់​ដែល​មាន​ជាង​គេ។

ជាការពិតណាស់ នៅតំបន់ជនបទលទ្ធភាពទទួលបានការអប់រំ ឬការទទួលបានហេដ្ឋារចនាសម្ព័ន្ធដូចជាមន្ទីរពេទ្យ​ក្នុង​គ្រាអាសន្ននៅ​មាន​កម្រិត។ ប៉ុន្តែគុណភាពជីវភាពរស់នៅតំបន់ជនបទប្រសើរជាងនៅទី​ក្រុង។

តើអ្នក​យល់យ៉ាងណាដែរចំពោះការរស់នៅតាមជនបទនៅប្រទេសជប៉ុន?

Kengo Abe