តារាសម្តែងរឿង “1 Litre of Tears” ត្រូវចាប់ខ្លួនពីបទរក្សាទុកគ្រឿងញៀន

កាលពីថ្ងៃទី ១៦ ខែវិច្ឆិកាតារាសម្តែង Sawajiri Erika ត្រូវចាប់ខ្លួនពីបទកាន់កាប់គ្រឿងញៀនខុសច្បាប់។ នាងក៏បានទទួលស្គាល់ផងដែរថាថ្នាំទាំងអស់នោះជារបស់នាង។ ព័ត៌​មាន​ Erika ត្រូវ​ចាប់​ខ្លួន​ធ្វើអោយអ្នកគាំទ្រជាច្រើនខកចិត្ត ព្រោះនេះមិនមែនជាលើកទី ១ ដែលនាងត្រូវគេចាប់ខ្លួនពាក់ព័ន្ធនឹងការចោទប្រ​កាន់​ពីបទរក្សាទុកគ្រឿងញៀនទេ។

តារាសម្តែងស្រីរូប​នេះ​ល្បីឈ្មោះដោយ​សារ​ខ្សែ​ភាព​យន្ត​ 1 Litre of Tears បន្ទាប់ពីរឿងអាស្រូវជាច្រើន​ និងអាពាហ៍ពិពាហ៍បែកបាក់។ នាង​កំ​ពុង​តែ​វិលមកកាន់​សាធារណៈ​ជន​វិញ ហើយ​ដើម្បីត្រៀម​សម្រាប់​ការ​បង្ហាញ​ខ្លួន​របស់នាងនៅក្នុងខ្សែ​ភាព​យន្ត Taiga Drama ដែលត្រូវបានវិនិយោគយ៉ាងល្អ (ប្រភេទ​ខ្សែភាពយន្តប្រ​លោមលោក​ប្រវត្ដិសាស្ដ្ររបស់ NHK) មានឈ្មោះថា “Kirin ga kuru” គ្រោងនឹងចាក់​បង្ហាញនៅឆ្នាំ ២០២០ នាង​​បាន​ចូល​រួម​ថត​ជាមួយ​ក្រុម​ការ​ងារនៃខ្សែភាព​យន្តពីខែមិថុនាឆ្នាំនេះ។ ដូច្នេះ​ចំ​ពោះ​បញ្ហា​ថ្មី​ៗនេះ NHK ត្រូវពិចារណាការ​សហការជាមួយតារាសម្តែង និងរៀបចំផែនការដោះស្រាយជាបន្តសម្រាប់ខ្សែភាពយន្តដែលមិនទាន់បញ្ចប់។

តារា Sawajiri Erika ធ្លាប់​ឈ្នះពានរង្វាន់ជាតារាសម្តែងឆ្នើមនៃក្រុមប្រឹក្សាសិល្បៈជប៉ុនក្នុងឆ្នាំ ២០១២។ នៅ​ក្នុង​ខែ​កញ្ញាឆ្នាំ​នេះ​នាង​ជាមួយ​នឹង​តារាសម្តែង​ប្រុស​ Oguri Shun បង្ហាញ​ខ្លួន​ក្នុង​ខ្សែ​ភាព​យន្ត “Ningen shikkaku, Dazai Osamu to san nin no onna tachi”។

រឿង​នេះប្រហែលជាការបញ្ចប់អាជីពសិល្បៈរបស់តារាសម្តែងស្រីដ៏ល្បី​រូប​នេះ​ផង​ដែរ។

Chee