តើប្រាក់ចំនួន ១៥ ម៉ឺនយ៉េនក្នុង​មួយ​ខែ​​គ្រប់​ចាយ​នៅ​ទី​ក្រុ​ង​តូក្យូ​ដែរ​ទេ?

តូក្យូជាទីក្រុងដែលគួរអោយចាប់អារម្មណ៍ពោរពេញទៅដោយភាពសម្បូរ​បែប ធ្វើ​អោយមនុស្សគ្រប់​គ្នា​ចង់ទៅរស់​នៅ។ ប៉ុន្តែ​ទី​ក្រុង​តូក្យូក៏មិន​មែន​ជា​កន្លែង​ស្រួល​​រស់​នៅនោះដែរ បញ្ហា​ដ៏​ធំបំ​ផុត​គឺការ​ចំ​ណាយ​ថ្លៃ។

តាមគំនិតរបស់អ្នកតើប្រាក់ ១៥០០០០ យ៉េនគ្រប់សម្រាប់​រស់នៅទីក្រុងតូក្យូដែរទេ? យោង​ទៅ​តាម​ការ​ចែក​រំ​លេក​នៅលើបណ្តាញសង្គម Instagram របស់​នារី​អាយុ ២៣ ឆ្នាំម្នាក់រស់នៅទីក្រុងតូក្យូ យើងអាចធ្វើការគណនាដូចតទៅ។

https://www.instagram.com/p/B4j3CoqA-ih/?utm_source=ig_web_copy_link

ដូច្នេះយើង​អាច​ធ្វើ​ការ​គណនាថ្លៃ​ចំ​ណាយ​សម្រាប់​ការ​រស់​នៅដូចខាងក្រោម៖

• ថ្លៃ​ជួល​ផ្ទះ ៨០.៥២៤ យ៉េន
• ថ្លៃអគ្គិសនី ២.៥០០ យ៉េន
• ថ្លៃ Gas ២.០០០ យ៉េន
• ថ្លៃទឹក ៣.០០០ យ៉េន
• ថ្លៃអ៊ិនធឺរណែត ២.៣១០ យ៉េន
• ថ្លៃទូរស័ព្ទ ២.០០០ យ៉េន
• ថ្លៃអាហារ ២០.០០០ យ៉េន
• ថ្លៃទំនិញ ៤.០០០ យ៉េន 
• ថ្លៃចំណាយលើសម្លៀកបំពាក់ / សម្រស់ ២.០០០ យ៉េន
• ថ្លៃចំណាយក្នុងការណាត់ជួប និងសង្គម ១៥០០ យ៉េន
• ថ្លៃសុខភាព ៥០០ យ៉េន
• ថ្លៃចំ​ណូល​ចិត្ត ២.០០០ យ៉េន
• ថ្លៃមធ្យោបាយធ្វើ​ដំណើរ ១០០០ យ៉េន

សរុប៖ ១២៣.៣៣៤ យ៉េន

ប៉ុន្តែតើតួលេខទាំងនេះអាចបង្ហាញពីស្តង់ដារនៃការរស់នៅក្នុងទីក្រុងតូក្យូទេ? សូមពិនិត្យទាំង​អស់​គ្នា។

ទោះបីមានមនុស្សជាច្រើនដឹង​ថា​ថ្លៃ​ជួល​ផ្ទះ​នៅ​ទីក្រុង​តូក្យូខ្ពស់ ប៉ុន្តែ​ក៏​មិន​ពិបាក​ក្នុង​ការ​រក​ផ្ទះ​ជួល​ក្រោម ៨០.០០០​ យ៉េនដែរ។ គ្រាន់​តែផ្ទះ​នោះ​មិន​អាច​ធានាស្តង់ដារផ្ទះរបស់អ្នក។

ឧទាហរណ៍ផ្ទះរបស់​នាង​មាន​ទំហំត្រឹមតែ ១០.៩ ម៉ែត្រការ៉េ ពិតជាចង្អៀត​ចំ​ពោះ​មនុស្ស​មួយ​ចំនួន ​ប៉ុន្តែអាចបំពេញ​តម្រូវការរបស់នាង។ នាងអាចនឹងពេញចិត្តកន្លែងតូចព្រោះវាកាត់បន្ថយថ្លៃអគ្គិសនីសម្រាប់ការប្រើប្រាស់ម៉ាស៊ីនត្រជាក់ អំពូលភ្លើង -ល-។

ប្រាក់ ២០ ០០០ យ៉េនក្នុងមួយខែសម្រាប់​​ថ្លៃម្ហូប​អាហារ​ ត្រូវ​ចំ​ណាយ​ពេល​ចម្អិន​ម្ហូប​នៅ​ផ្ទះ​អោយ​បាន​ញឹក​ញាប់​។ ការិយាល័យរបស់នាង​ធ្វើ​ការ​មាន​អាហារដ្ឋាន​ថោក ហើយ​នាង​ក៏​អាច​ឆុង​តែយកតាម​ដើម្បី​បន្ថយ​ការ​ចំ​ណាយ​។ បើនិយាយពីទំនិញថែសម្ផស្សវិញឃើញថានារី​ម្នាក់​នេះ​មិន​សូវទិញខោអាវទេ គ្រាន់​តែ​ទិញ​គ្រឿង​សំ​អា​ងពេល​ប្រើ​អស់ ហើយកាត់សក់ពីរដងក្នុងមួយឆ្នាំ។

ទោះបី​ការ​ចំ​ណាយ​ត្រូវ​បាន​រឹត​ត្បិត​ប៉ុន្តែ​មិន​មែន​មិន​អាច​ទ្រាំ​បាន​ទេ។ ប៉ុន្តែ ១៥០០ យ៉េនសម្រាប់ការចំណាយលើការណាត់ជួប និងសង្គមទាំងមូលគឺតិចណាស់។ នៅទីក្រុងតូក្យូគ្រាន់តែបាយសាច់គោធម្មតាមួយចានក៏ត្រូវចំណាយជិត ៥០០ យ៉េនទៅហើយ។ និយាយអោយខ្លីប្រសិនបើអ្នកចង់ប្រើប្រាក់ ១៥០០ យ៉េនសម្រាប់ថ្លៃចំណាយនេះអ្នក និងសង្សាគ្រាន់តែអាចកាន់ដៃគ្នាដើរតាមឧទ្យានឬទៅផ្ទះមើលរឿង​ប៉ុណ្ណោះ។

ប្រាក់​ ១០០០ យ៉េនសម្រាប់​ថ្លៃ​ចំ​ណាយ​ធ្វើ​ដំ​ណើរ ជាក់​ស្តែង​អ្នក​អាច​នឹង​ទទួល​បាន​ប្រាក់​ឧបត្ថម្ភពីកន្លែង​ធ្វើ​ការ។

សរុបមកប្រាក់ ១៥០០០០ យ៉េនប្រហែលជាគ្រប់រស់នៅសម្រាប់មនុស្ស​សន្សំ​សំ​ចៃនៅទី​ក្រុងតូក្យូ តើ​អ្នក​ចង់​រស់​ក្នុង​ជីវភាព​បែប​នេះ​ទេ?

Sacchan