ប្រវត្តិមួយ​ចំ​នួន​អាច​នឹង​ធ្វើ​អោយ​អ្នក​ភ្ញាក់​ផ្អើលពី​ប្រទេសជប៉ុន

តើ​អ្នក​ចូល​ចិត្ត​ប្រវត្តិសាស្ត្រដែរឬទេ? មនុស្ស​​ជា​ច្រើន​ស្វែង​យល់​ពី​ប្រវត្តិសាស្ត្រប្រទេសជប៉ុន ហើយ​រក​ឃើញ​ពី​ចំ​នុចគួរអោយ​ចាប់​អារម្មណ៍​មួយ​ចំនួន​។ 

១. ប្រទេសជប៉ុន​ធ្លាប់​ហាមមិន​អោយ​បរិភោគ​សាច់

រដ្ឋាភិបាលជប៉ុនធ្លាប់ហាមឃាត់ការបរិភោគសាច់អស់រយៈពេលជាង ១២០០ ឆ្នាំចាប់តាំងពីពាក់កណ្តាលសតវត្សរ៍ទី ៧ ។

រូបភាព https://www.chinatimes.com/realtimenews/20190715001251-260405?chdtv

ក្រោមឥទិ្ធពលនៃគោលលទ្ធិព្រះពុទ្ធសាសនាអធិរាជ Tenmu បានហាមឃាត់ការបរិភោគសាច់គោ សាច់​ស្វា និង​សត្វ​ក្នុង​ឆ្នាំ ៦៧៥ ហើយប្រសិនបើបំ​ពាន​ត្រូវកាត់ទោសប្រហារជីវិត។ ច្បាប់​ដំ​បូង​គ្រាន់​តែ​ហាម​ឃាត់​ពីខែមេសាដល់ខែកញ្ញាប៉ុណ្ណោះ ប៉ុន្តែ​ក្រោយ​មក​តាមទំនៀមទម្លាប់វប្បធម៌ និងសាសនាសាច់ត្រូវបានហាមឃាត់ទាំងស្រុង។

នៅសតវត្សរ៍ទី ១៦ ពេល​មាន​ទំនាក់ទំនងជាមួយអ្នកផ្សព្វផ្សាយសាសនាគ្រឹស្តបាន​បំ​ផុស​គំនិត​ថ្មី មាន​សរី​ភាព​ជាងមុន​ក្នុង​ការ​បរិភោភ​សាច់​។ ប៉ុន្តែនៅឆ្នាំ ១៦៨៧ មានការហាមឃាត់ផ្សេង​ទៀតត្រូវបានចេញផ្សាយ​។ ទីបំផុតនៅឆ្នាំ ១៨៧២ រដ្ឋាភិបាលជប៉ុនបានដកការ​ហាម​ឃាត់​នេះចេញជាផ្លូវការ។

២. Kabuki ​សម្តែងដោយ​នារី​ស្លៀកក្លែងខ្លួនជាបុរស

Kabuki ជានិមិត្ត​សញ្ញានៃវប្បធម៌​ដ៏​ល្បីឈ្មោះ​របស់​ជប៉ុន ប៉ុន្តែ​ប្រភព​ដើម​របស់ Kabuki ផ្ទុយ​ស្រឡះពី​បច្ចុប្បន្ន។ ល្ខោន Kabuki សព្វថ្ងៃមានតែតួអង្គបុរស (តួ​បុរស​ក្លែង​ខ្លួន​ជា​ស្រី) ចំ​ណែកពីមុន Kabuki មានដើមកំណើតចេញពីការសម្តែងរបស់សិល្បករស្រី។

រូបភាព https://crossing.cw.com.tw/blogTopic.action?id=747&nid=7991

ស្ថាបនិកនៃ Kabuki គឺសិល្បករស្រី Izumo Akuni ល្បី​ឈ្មោះ​ដោយ​សារ​តែ​ការសម្តែង​ដើរតួ​ជាបុរស​។ ការសម្តែង​របស់នាងពេញទៅ​ដោយ​កម្លាំង និងសិចស៊ីជួយ​ជម្រុញអោយសិល្បករដទៃទៀតយក​តម្រាប់តាមនាង។ បន្ទាប់​មក​ Izumo Akuni ត្រូវបានគេអញ្ជើញអោយទៅវិមាន​សម្តែង​អោយ​ស្តេច​ក្រាញ់​មើល​។ ប៉ុន្តែ​ស្តេច​ក្រាញ់​យល់​ថា​ការ​សម្តែង​នេះ​មិន​ល្អ ហើយបានហាមឃាត់ស្ត្រីមិនអោយសម្តែងនៅឆ្នាំ ១៦២៩។ តាំង​ពី​ពេល​នោះ​មក​បុរស​ដើរ​តួជា​នារី​ដើម្បី​សម្តែងដូចជា Kabuki សព្វថ្ងៃ។

៣.  រដ្ឋប្រហារកើតឡើងនៅពេលអធិរាជ Hirohito បានប្រកាសការបរាជ័យនៅក្នុងសង្គ្រាមលោក

នៅថ្ងៃទី ១៥ ខែសីហាឆ្នាំ ១៩៤៥ អធិរាជប្រកាសការចុះចាញ់ដោយឥតល័ក្ខខ័ណ្ឌរបស់ជប៉ុនលើវិទ្យុជាតិដែលហៅថា 玉音放送 Gyokuon-hōsō។

ព័ត៌មានវិទ្យុនេះត្រូវបានកត់ត្រានៅ Miyanaka (ក្នុង​វិមាន​) មុន​នោះមនុស្សមួយក្រុមដែលបដិសេធមិនចុះចាញ់បានធ្វើរដ្ឋប្រហារ។ ក្រុម​នេះ​ដឹក​នាំ​ដោយ​ Kenji Hatanaka បានឡោមព័ទ្ធព្រះបរមរាជវាំងអស់រយៈពេលជាច្រើនម៉ោង និងទាមទារអោយដកព័ត៌មានវិទ្យុ។ ប៉ុន្តែ​ពេល​ទៅ​ដល់​គ្មាន​នរណា​ម្នាក់​នៅ​ក្នុង​វិមាន​ពីព្រោះព័ត៌មាននេះត្រូវបានថតទុកមុន។ នៅទីបំផុតកងកម្លាំងរបស់ Hatanaka បរាជ័យ ហើយគាត់បានធ្វើអត្តឃាតដោយបាញ់កាំភ្លើងនៅមុខអាគារ។

៤. មរណភាពរបស់ Ōnishi Takijirō – ក្រុម​អ្នក​ស្មាគ​ស្លាប់ Kamikaze

រូបភាព https://en.wikipedia.org/wiki/Takijir%C5%8D_%C5%8Cnishi

Shinjiro Onishi ក្រុម​អ្នក​ស្មាគ​ស្លាប់ Kamikaze និយាយថាវិធីតែមួយគត់ដើម្បី​អោយប្រទេសជប៉ុនឈ្នះសង្គ្រាម​លោកលើកទី ២ គឺការវាយប្រហារដោយក្រុម​ស្មាគ​ស្លាប់។ Onishi សង្ឃឹមថាការវាយប្រហារនេះអាចគំរាម​ដល់សហរដ្ឋអាមេរិក។ ផែនការនេះលះបង់ជីវិតប្រជាជនជប៉ុនប្រមាណ ២០ ម៉ឺននាក់។ នៅចុងបញ្ចប់នៃសង្គ្រាមខែសីហាឆ្នាំ ១៩៤៥ Onishi សោក​ស្តាយ​ដោយសារ​ផែន​ការ​របស់​គាត់ ហើយ​បញ្ចប់​ជីវិត​របស់គាត់នៅថ្ងៃទី ១៦ ខែសីហាដូចជាការលុបលាង​កំ​ហុស​។ លោកបានសុំអភ័យទោសដល់​ក្រុម​អ្នក​ស្មាគ​ស្លាប់ និង​ព្រលឹង​អ្នក​ដែល​បាន​លះបង់ ហើយសង្ឃឹមថាយុវជនជប៉ុននឹងឆ្ពោះទៅរកសន្តិភាព។

៥. សោកនាដកម្មនៃ Himeyuri

នៅខែមេសាឆ្នាំ ១៩៤៥ កងកម្លាំងសម្ព័ន្ធមិត្តបានចាប់ផ្តើមការវាយប្រហារ Okinawa។ មនុស្ស ២០ ម៉ឺននាក់ស្លាប់ក្រោយ​រយៈពេល ៣ ខែវាយ​ប្រហារ ក្នុង​នោះ​មាន​ ៩៤.០០០ នាក់ប្រជាជន​ធម្មតា​នៅ Okinawa។ ការស្លាប់​ដែលគួរអោយសោកសៅបំផុតគឺ​សិស្ស​ស្រី Himeyuri។

រូបភាព http://www.okinawa-information.com/content/himeyuri-peacemuseum-itoman

ក្រុម​សិស្សស្រី Himeyuri គឺជាក្រុមក្មេងស្រីមាន ២០០ នាក់ធ្វើជាគិលានុបដ្ឋាយិកាមានអាយុចន្លោះពី ១៥ ទៅ ១៩ ឆ្នាំ។ នៅពេលមានការវាយឆ្មក់កើតឡើងពួកគេរត់ចូលរូងភ្នំមើលថែទាហានដែលរងរបួស ជំនួយវះកាត់ និងជួយបញ្ចុះសពអ្នកស្លាប់។ ក្រុម​សិស្សស្រី Himeyuri ធ្វើ​អត្ត​ឃាតដោយ​គ្រាប់​បែកបដិសេធមិនចុះចាញ់។ នៅក្នុងព្រឹត្តិការណ៍មួយ​មានឈ្មោះថា “The Cave of the Virgins” ក្មេងស្រីចំនួន ៥១ នាក់ស្លាប់​ពេល​រូង​ភ្នំ​ផ្ទុះ។

បន្ទាប់ពីសង្គ្រាមបានបញ្ចប់វិមាន និងសារមន្ទីរសម្រាប់គិលានុប្បដ្ឋាយិកា Himeyuri ត្រូវបានសាងសង់​ឡើង។

៦. ប្រទេសជប៉ុនមានបច្ចេកវិទ្យាគ្រាប់បែកនុយក្លេអ៊ែរក្នុងអំឡុងពេលសង្គ្រាមលោកលើកទី ២

ការ​ទម្លាក់​គ្រាប់​បែក​នៅ Hiroshima និង Nagasaki ធ្វើ​អោយ​ជប៉ុន​ ​និងពិភពលោកទាំងមូលមានការភ្ញាក់ផ្អើល ប៉ុន្តែនៅពេលនោះអ្នកវិទ្យាសាស្ត្រជប៉ុនមានបច្ចេកវិទ្យាគ្រាប់បែកនុយក្លេអ៊ែររួច​ទៅ​ហើយ។

រូបភាព https://sites.google.com/site/naziabomb/home/japan-s-a-bomb-project

Yoshio Nishina ជាអ្នករូបវិទ្យាម្នាក់​ និងជាប្រធានកម្មវិធីអាវុធនុយក្លេអ៊ែរដំបូងគេនៅប្រទេសជប៉ុនមានការព្រួយបារម្ភអំពីការវាយប្រហារនុយក្លេអ៊ែរក្នុងឆ្នាំ ១៩៣៩។ នៅឆ្នាំ ១៩៤៣ ក្រុម​ស្រាវ​ជ្រាវ​របស់ Nishina អាចធ្វើទៅបានប៉ុន្តែពិបាកក្នុងការអភិវឌ្ឍ។ ទន្ទឹមនឹងនេះប្រទេសជប៉ុនបានបន្តស្រាវជ្រាវ និងអភិវឌ្ឍកម្មវិធីមួយផ្សេងទៀតមានឈ្មោះថា F-Go ក្រោមផែនការរបស់ Aragatsu Bunsen។ កម្មវិធីទាំងពីរមិនទទួលបានជោគជ័យ ប៉ុន្តែ​គ្មាន​នរណា​នឹក​ស្មាន​ថាប្រទេសជប៉ុនជាប្រទេសទីមួយទទួល​រង​គ្រាប់​បែក​នុយក្លេអ៊ែរទេ។

អ្នកនិពន្ធ Robert K. Wilcox ជប៉ុនមានចំណេះដឹងគ្រប់គ្រាន់ក្នុងការបង្កើតគ្រាប់បែកនុយក្លេអ៊ែរតែខ្វះធនធាន។ នាវាមុជទឹកណាហ្ស៊ីផ្ទុកធនធានត្រូវបានកងទ័ពជើងទឹកសហរដ្ឋអាមេរិកចាប់បាននៅខែឧសភាឆ្នាំ ១៩៤៥។

តើ​ចំណុច​ខាង​លើ​មួយ​ណា​ដែល​ធ្វើ​អោយ​អ្នក​ភ្ញាក់​ផ្អើល​បំ​ផុត​?

Sacchan