ទេសភាពកោះដែលស្អាតៗនៅប្រទេសជប៉ុន

ថ្ងៃសុក្រ 15/11/2019 | 9:09 ព្រឹក

កោះ Shikoku ជាកោះតូចបំផុតក្នុងចំណោមប្រជុំកោះធំៗទាំង ៤ របស់ជប៉ុនរួមមានខេត្តចំនួន ៤ គឺ Kagawa, Kochi, Tokushima និង Ehime ខេត្តនីមួយៗមានលក្ខណៈពិសេសខុសគ្នា។ ក្នុងនាមជាកោះត្រូវព័ទ្ធជុំវិញដោយមហាសមុទ្រប៉ាស៊ីហ្វិក និងសមុទ្រ Seto ជាតំបន់ដែលមានអាកាសធាតុកក់ក្តៅពេញមួយឆ្នាំ។

ដូច្នេះទេសភាពនៅទីនេះពិតជាស្រស់ស្អាត និងសម្បូរបែបណាស់។

កោះ Shikoku ត្រូវបានគេស្គាល់ថាជាទឹកដីធម្មយាត្រា ជាកន្លែងជម្រុញទឹកចិត្តរបស់ពុទ្ធបរិស័ទជាច្រើន។ តាំងពី ១២០០ ឆ្នាំមុនព្រះសង្ឃមួយអង្គនិកាយ Shingon-shu បានមកដល់ទីនេះហើយចាប់ផ្តើមធ្វើវត្តចំនួន ៨៨ មានទីតាំងស្ថិតនៅតាមបណ្តោយខេត្តចំនួន ៤ របស់ Shikoku បង្ហាញពីសម្រស់នៃ Shikoku ដល់ភ្ញៀវទេសចរណ៍មកពីទូទាំងពិភពលោក។

ប្រជាជននៅទីនេះគិតថានៅពេលណាដែលអ្នកឃើញក្រុមអ្នកធ្វើដំណើរទៅកាន់ទីឆ្ងាយរួមគ្នាអ្នកនឹងយល់ពីអារម្មណ៍ស្រស់ស្អាតពិតនៃធម្មជាតិនៅទីនេះ។

ខេត្ត Kagawa

ខេត្ត Kagawa ជាកន្លែងដែលល្បីជាមួយនឹងមី Udon។ ខេត្តនេះត្រូវបានប្រជាជនជប៉ុនហៅថា “ខេត្ត Udon”។ ខុសពីមី Udon នៅកន្លែងផ្សេងសរសៃមីស្រួយតែទន់នាំមកនូវអារម្មណ៍ប្លែកពេលទទួលទាន។ ក្រៅពីនេះខេត្ត Kagawa នៅមានកោះ Sodoshima ឬហៅថាកោះអូលីវជាកន្លែងដាំអូលីវដំបូងគេនៅប្រទេសជប៉ុន។ ជាពិសេសនៅទីនេះមានដើមអូលីវដែលចាស់ជាងគេនៅប្រទេសជប៉ុន។ អារម្មណ៍ដំបូងនៅពេលមកដល់កោះនេះគឺក្លិនប្រេងគ្រាប់អូលីវភាយពាសពេញកោះ។ ប្រេងអូលីវដែលចម្រាញ់ចេញពីផ្លែអូលីវនាំមកនូវសារធាតុចិញ្ចឹមមានគុណភាពខ្ពស់ដែលប្រជាជនជប៉ុនពេញចិត្ត។

ខេត្ត Ehime

ខេត្ត Ehime មានឈ្មោះល្បីដោយសារតែអាងទឹក Dogo Onsen។ គ្រាន់តែដើរតាមផ្លូវ Dogo Onsen នេះអ្នកនឹងទទួលបានអារម្មណ៍នៃវប្បធម៌របស់ប្រជាជនជប៉ុន។ មិនត្រឹមតែប៉ុណ្ណឹងខេត្ត Ehime ត្រូវបានគេស្គាល់ថាជាកន្លែងមាននារីស្បែកសខ្ចី។ មូលហេតុព្រោះខេត្ត Ehime មានក្រូចខ្វិចទាំង ៤ រដូវ ដូច្នេះការបរិភោគក្រូចរាល់ថ្ងៃបន្ថែមវីតាមីនជួយអោយស្បែកស្រ្តីសទន់រលោង។

ខេត្ត Tokushima

ភ្នំ និងសមុទ្រព័ទ្ធជុំវិញជាចំណុចពិសេសនៃខេត្ត Tokushima។ ពេលវេលាល្អបំផុតសម្រាប់ទៅលេង Tokushima គឺរដូវស្លឹកឈើជ្រុះ ជាមួយនឹងទេសភាពដ៏អស្ចារ្យនៃស្ពាន “Kazurabashi”។ លើសពីនេះខេត្ត Tokushima មានរបាំវប្បធម៌ “Awaodori’’ ផងដែរ។ ជារៀងរាល់ឆ្នាំនៅខែសីហាមានប្រារព្ធពិធីបុណ្យ Awaodor ហើយប្រជាជននាំគ្នារាំ។

ខេត្ត Kochi

ខេត្ត Kochi នៅទីនេះមានម្ហូប Sashimi Katsuo ល្បីឈ្មោះ។ នៅ Furenai center អ្នកអាចចម្អិន និងអាំងត្រី។

លើសពីនេះនៅមានកន្លែងពិសេសមួយក្នុងខេត្ត Kochi គឺផ្សារ Hirome។ កន្លែងនេះមានលក្ខណៈពិសេសបែបជប៉ុន ជាកន្លែងមនុស្សប្រមូលផ្តុំគ្នាជ្រើសរើសមុខម្ហូបដែលគេចូលចិត្តជាងគេហើយអង្គុយញ៉ាំនៅផ្សារ។