ការបង្កើតរថយន្ត​ឡើងឋាន​ព្រះ​ច័ន្ទដំបូង​គេរបស់ជប៉ុន

ជាច្រើន​ឆ្នាំ​កន្លង​ទៅចាប់តាំងពីគម្រោង APOLLO របស់អាមេរិកបញ្ចូន​មនុស្ស​ឡើងឋាន​ព្រះ​ច័ន្ទជោគ​ជ័យ។ ឡូវនេះចំណាប់អារម្មណ៍របស់មនុស្សចំពោះផ្កាយរណបផែនដីកំពុងតែកើនឡើង។ មានគម្រោងរដ្ឋាភិបាលខ្នាតធំឬដំណើរការឯកជនជាច្រើនទាក់ទងនឹងបញ្ហានេះ។

ក្នុងចំណោមអាជីវកម្មជប៉ុន Toyota ជាមួយនឹង​ JAXA (ភ្នាក់ងាររុករកអវកាសជប៉ុន) កំពុងចាប់ផ្តើមផលិត​រថយន្ត​មានមនុស្សជិះ​ឡើង​ឋាន​ព្រះ​ច័ន្ទជាមួយ​នឹង​ការចំ​ណាយថវិកា​ច្រើន។

ប៉ុន្តែ​ជនជាតិ​ជប៉ុន​ម្នាក់​ឈ្មោះ Shinichiro Nakajima មាន​ក្តី​ស្រមៃ​ដ៏​ធំ។ នេះជាអ្វីដែលម្នាក់នេះបានអភិវឌ្ឍ។

រូបភាព https://news.mynavi.jp/article/20191018-911189/

រូបភាពនេះជាយានយន្ត​អាចធ្វើដំណើរដោយសេរីនៅលើឋានព្រះច័ន្ទ។ ប៉ុន្តែឡាននេះមនុស្សមិន​អាចជិះ​បាន​ទេ វាមានទម្ងន់ត្រឹមតែ ០.៦ គីឡូក្រាមតែប៉ុណ្ណោះ។

ឈ្មោះរថយន្តនេះគឺ YAOKI។ ឈ្មោះ​នេះ​មាន​ប្រភព​មក​ពីពាក្យជប៉ុន “Nanakorobi yaoki” មានន័យថាដួល​ច្រើន​ដងនៅ​តែបន្តក្រោកឈរ។

ថ្មរបស់ YAOKI នេះអាចដំណើរការបានប្រហែល ៦ ម៉ោង ធ្វើ​ដំ​ណើរ​ស្មើ​នឹង ១ គីឡូម៉ែត្រ។ ផ្នែកខាងមុខរថយន្តត្រូវបានបំពាក់ដោយអំពូល LED និងកាមេរ៉ា។

រូបភាព https://news.mynavi.jp/article/20191018-911189/

ជាទូទៅ​ដើម្បី​ផលិត​យានយន្តបែបនេះ ទោះបីជាទំហំ​តូច​ក៏​​ត្រូវការក្រុមអ្នក​ជំនាញដែរ។ ប៉ុន្តែ YAOKI ត្រូវបានបង្កើតឡើងដោយបុរសម្នាក់។

រូបភាព https://news.mynavi.jp/article/20191018-911189/

YAOKI ត្រូវគេរំពឹងថានឹងប្រើរ៉ុកកែតបង្ហោះឡើងឋាន​ព្រះ​ច័ន្ទនៅឆ្នាំ ២០២១។ នេះជាលើកដំបូងឧបករណ៍ត្រូវ​បាន​បង្កើត​ដោយ​មនុស្ស​ម្នាក់អាចឡើងឋានព្រះច័ន្ទ។

បច្ចុប្បន្ន​មិន​ទាន់មានរថយន្ត​បង្កើតឡើងដោយ​ជប៉ុនអាចធ្វើដំណើរទៅឋានព្រះច័ន្ទទេ។ “គម្រោងទំនើប” របស់ Toyota និង JAXA គ្រោងនឹង​ដាក់​អោយ​អនុវត្តក្នុង​ឆ្នាំ ២០២១។ តោះរង់ចាំមើលគម្រោង​ដ៏​ធំនេះ​ឬ​គម្រោង​ផ្ទាល់ខ្លួនរបស់ Shinichiro Nakajima នឹងទទួលបានជោគជ័យយ៉ាងណា។

Shinichiro Nakajima ក៏កំពុងអភិវឌ្ឍរថយន្តទី ២ និងទី ៣ ផងដែរ ក្នុង​គោល​បំ​ណងភ្ជាប់ដោយស្វ័យប្រវត្តិជាមួយនឹង AI។ អាចនិយាយបានថា Shinichiro Nakajima ជាមនុស្សដំបូងបើកយុគសម័យឆ្ពោះទៅ​រក​សកល​លោកឯករាជ្យ។ វាពិតជាអស្ចារ្យណាស់មែនទេ?

Kengo Abe