ព័ត៌មានបន្ទាន់និមិត្តរូបនៃ Okinawa វិមាន Shuri ឆេះ

ថ្ងៃព្រហស្បតិ៍ 31/10/2019 | 21:31 ល្ងាច

អគ្គិភ័យដ៏ធំមួយបានឆាបឆេះនៅវិមាន Shuri នៅព្រឹកនេះ ជាអច្ឆរិយៈពិភពលោកត្រូវបានទទួលស្គាល់ដោយអង្គការយូណេស្កូនៅកោះ Okinawa ប្រទេសជប៉ុន។

វិមាន Shuri នៅទីក្រុង Naha ខេត្ត Okinawa គឺជាផ្នែកមួយនៃតំបន់បេតិកភណ្ឌពិភពលោកដែលទទួលស្គាល់ដោយអង្គការយូណេស្កូ។ នៅវេលាព្រឹកម៉ោង ២ៈ៤១ នាទីទទួលបានដំណឹងវិមានត្រូវឆេះ។

រថយន្តពន្លត់អគ្គិភ័យជាង ១០ គ្រឿងត្រូវបានប្រមូលផ្តុំដើម្បីពន្លត់ភ្លើង។ ទោះបីជាយ៉ាងណាអគ្គិភ័យបានឆាបឆេះសាលធំ និងបណ្តាលអោយផ្នែកខាងលើជាន់ទី ២ បាក់ស្រុត ពុំទាន់មានសេចក្តីរាយការណ៍ពីអ្នកស្លាប់ និងរបួសឡើយ។

មានសេចក្តីរាយការណ៍មកថាមានមនុស្សមួយចំនួននៅដើម្បីរៀបចំពិធីបុណ្យក្នុងវិមាន Shuri កាលពីថ្ងៃទី ២៧ ប៉ុន្តែមិនទាន់អាចបញ្ជាក់ពីបញ្ហានេះ និងអគ្គិភ័យនៅឡើយទេ។

វិមាន Shuri នៅ Naha ត្រូវបានសាងសង់ប្រហែល ៥០០ ឆ្នាំមុនក្នុងសម័យរាជា Ryukyu ឆ្នាំ ១៩៣៣ ជាសម្បត្តិជាតិនៃប្រទេសជប៉ុន។ វិមាននេះធ្លាប់ត្រូវឆេះក្នុងអំឡុងសង្គ្រាមលោកលើកទី ២។ សាលធំត្រូវបានស្តារឡើងវិញនៅឆ្នាំ ១៩៩២។

Sacchan