តើអ្នកដឹងថាកាលពីមុនជនជាតិជប៉ុនធ្លាប់ស្អប់ពិធីបុណ្យ Halloween ដែរឬទេ?

ថ្ងៃចន្ទ 28/10/2019 | 17:46 ល្ងាច

តើអ្នកដឹងទេថា Halloween មិនមែនជាពិធីបុណ្យពេញនិយមនៅប្រទេសជប៉ុនដែរទេ? ប៉ុន្តែបច្ចុប្បន្ននេះជារៀងរាល់ថ្ងៃទី ៣១ ខែតុលាប្រជាជនជប៉ុននាំគ្នារៀបចំជប់លៀងយ៉ាងសប្បាយរីករាយ។

ប្រភពដើម

នៅពេលនោះមិនសូវមានកន្លែងប្រារព្ធពិធីបុណ្យ Halloween នៅប្រទេសជប៉ុនទេ មានតែកន្លែងពីរប្រារព្ធពិធីបុណ្យ Halloween នោះគឺ Tokyo Disneyland និង Universal Studio ជប៉ុន។ Tokyo Disneyland រៀបចំព្រឹត្តិការណ៍ដំបូងនៅឆ្នាំ ២០០០ ជារៀងរាល់ឆ្នាំកម្មវិធីនៅទីនេះកាន់តែគួរអោយចាប់អារម្មណ៍ ហើយធំជាងមុន។

ចំណែកបុគ្គលិករបស់ Universal Studio នៅ Osaka គេគ្រាន់តែប្រារព្ធពិធីអបអរនៅថ្ងៃ Halloween ហើយសកម្មភាពនេះនៅតែបន្តជារៀងរាល់ឆ្នាំរហូតមកដល់សព្វថ្ងៃ។

កន្លែងទាំងពីរចង់នាំយកពិធីបុណ្យ Halloween អោយប្រជាជនជប៉ុនស្គាល់ ហើយអាចជួយអោយពួកគេមានភាពសប្បាយរីករាយបន្ទាប់ពីធ្វើការនឿយហត់។ និយាយម៉្យាងទៀតឧទ្យានទាំង ២ នេះជាអ្នកផ្តើមដំបូងនៃពិធីបុណ្យ Halloween ក្នុងប្រទេសប្រទេសជប៉ុន និងពង្រីកកន្លែងផ្សេងទៀតទូទាំងប្រទេសជប៉ុន។

រូបភាព disneyparks

ប្រវត្តិត្រូវគេស្អប់នៃពិធីបុណ្យ Halloween ពេលចូលប្រទេសជប៉ុន។

នៅយប់ Halloween មានតែជនជាតិអឺរ៉ុបស្លៀកពាក់ចម្លែកក្នុងហាងស្រាឬផឹកស្រានៅលើយានយន្តសាធារណៈ។

“រថភ្លើង Halloween” នៅទីក្រុង Tokyo និង Osaka កាន់តែល្បីដោយសារតែមនុស្សស្លៀកពាក់ចម្លែកតុបតែងខ្លួនជិះរថភ្លើង ហើយធ្វើអោយរថភ្លើងក្លាយទៅជាកន្លែងជប់លៀង។ នៅពេលនោះជនជាតិជប៉ុននៅតែស្ទាក់ស្ទើរចំពោះជនបរទេស ហើយមិនស្គាល់ Halloween ច្រើនដូចបច្ចុប្បន្នទេ ដូច្នេះគេចាត់ទុកជាអំពើរំខានសាធារណៈ។

នៅឆ្នាំ ២០០៩ ប្រជាជនជប៉ុនធ្លាប់ធ្វើបាតុកម្មបំបាត់ពិធី Halloween នៅ Shinjuku ទីក្រុង Tokyo ជាមួយនឹងពាក្យថា “ជនបរទេសចម្លែកចេញពីប្រទេសជប៉ុន” ឬ “យើងជនជាតិជប៉ុនមិនត្រូវការ Halloween ទេ”។

តាមមើលដោយសារតែ “រថភ្លើង Halloween” ធ្វើអោយពេលវេលារបស់ពួកគេត្រូវយឺតយ៉ាវ។

ទោះជាយ៉ាងណាក្រឡេកមើលបរិយាកាសរបស់ Shibuya ក្នុងប៉ុន្មានឆ្នាំថ្មីៗនេះ គ្មាននរណាគិតថាពិធីនេះធ្លាប់ត្រូវគេបដិសេធទេ។

រូបភាព kotaku

ការផ្លាស់ប្តូរនៃ Halloween

សម្លៀកបំពាក់ប្លែកៗក្នុងរឿង Anime តួអង្គគួរអោយរន្ធត់ គេប្រមូលផ្តុំគ្នាឈរនៅផ្លូវធំ ប្រើចិញ្ចើមផ្លូវធ្វើជាកន្លែងជប់លៀង បង្ហាញថាពួកគេទទួលយកពិធីបុណ្យ Halloween ដូចជាពិធីបុណ្យរបស់ខ្លួន។

Halloween នៅប្រទេសជប៉ុនដើមឡើយមកពីអាមេរិក។ ទោះជាយ៉ាងណាមិនមែននៅជប៉ុន និងអាមេរិកមានជំនឿទៅលើខ្មោចដូចគ្នាទេ។

នៅអាមេរិក Halloween មានពណ៌ទឹកក្រូច និងខ្មៅ ប៉ុន្តែយូរៗទៅពណ៌បៃតង និងពណ៌ស្វាយក៏ចាប់ផ្តើមលេចមក។ នៅជប៉ុនពណ៌ស្វាយតំណាងអោយមេធ្មប់ឬមន្តអាគម ហើយជាពណ៌របស់ដំឡូងដែលប្រមូលផលនៅរដូវស្លឹកឈើជ្រុះ និងរដូវរងា។

នំនៅក្នុងពិធីបុណ្យ Halloween ត្រូវបានធ្វើពីដំឡូង។

រូបភាព នំស្នូលដំឡូង

រូបភាព kotaku

សូម្បីតែ McDonald’s ក៏មានដំឡូងចៀន និងសូកូឡាផងដែរ។

នៅអឺរ៉ុបពិធីបុណ្យ Halloween ទាក់ទងនឹងសេចក្តីស្លាប់ឬរឿងខ្មោចបិសាច ប៉ុន្តែនៅប្រទេសជប៉ុនពិធីបុណ្យ Halloween មិនមែនដូច្នេះទេ ដោយសារនេះជាពិធីបុណ្យមកពីអាមេរិកអារម្មណ៍ភ័យខ្លាចអាចត្រូវបានលុបចោល ហើយប្តូរទៅជាបរិយាកាសរីករាយ។

ថ្វីត្បិតតែ Halloween នៅ Disneyland គួរអោយស្រលាញ់ ប៉ុន្តែ Zombie ទើបជាតួអង្គគួរអោយខ្លាចពិតប្រាកដនៅក្នុង Halloween របស់ជប៉ុន។ ក្រៅពីនេះបិសាចក្នុងលោកឬក្នុង Manga និង Anime ក៏និយមដែរ។

Halloween នៅប្រទេសជប៉ុនកំពុងទទួលបានការចាប់អារម្មណ៍ជាងឆ្នាំមុនៗ ហើយការផ្លាស់ប្តូរនេះកាន់តែសាកសមចំពោះប្រជាជនជប៉ុន។ អាចនិយាយបានថាប្រជាជនជប៉ុនរៀបចំ និងសប្បាយរីករាយជាមួយបុណ្យ Halloween តាមបែបរបស់ពួកគេ។