រាត្រី Halloween ឆ្នាំនេះនៅ Shibuya

ថ្ងៃចន្ទ 28/10/2019 | 15:32 ល្ងាច

នៅយប់ថ្ងៃសៅរ៍ទី ២៦ ខែតុលា និងយប់ថ្ងៃទី ៣១ ខែតុលាឆ្នាំនេះគេរំពឹងថាមានមនុស្សរាប់ម៉ឺននាក់នឹងចេញទៅលេងនៅ Shibuya ដើម្បីអបអរបុណ្យ Halloween។

នៅប្រទេសជប៉ុនពិធីបុណ្យ Halloween ជាពិធីសម្រាប់យុវជនតុបតែងខ្លួនធ្វើជា Sailor Moon វីរៈបុរស ឬខ្មោចឆៅ -ល- ដើម្បីថតរូបឬផឹកស្រាជាមួយគ្នា។ ជារៀងរាល់ឆ្នាំមានជាង ៧ ម៉ឺននាក់ចូលរួមក្នុងមួយយប់ ដូច្នេះ Shibuya ត្រូវបានគេចាត់ទុកជាកន្លែងប្រារព្ធពិធី Halloween ក្រៅផ្លូវការធំបំផុតនៅទីក្រុង Tokyo។

រូបភាព DoramsJun

នៅឆ្នាំ ២០១៨ ព្រឹត្តិការណ៍ធ្វើឡើងនៅ Shibuya ទទួលមតិរិះគន់ជាច្រើនពីសំណាក់មហាជនដោយសារតែភាពច្របូកច្របល់ អំពើហឹង្សា និងអំពើអាក្រក់។

ដើម្បីជៀងវាងកុំអោយស្ថានភាពនេះកើតឡើងម្តងទៀត នៅឆ្នាំនេះប៉ូលីសបានរៀបចំផែនការសន្តិសុខ និងបង្ក្រាបហ្វូងមនុស្សដែលស្រវឹង។

ប្រសិនបើអ្នកចូលចិត្តភាពអ៊ូអរ អ្នកអាចរៀបចំស្លៀកពាក់ចូលរួមពិធីជប់លៀង ប៉ុន្តែបើអ្នកចូលចិត្តភាពស្ងប់ស្ងាត់យល់ល្អគួរតែនៅអោយឆ្ងាយពី Shibuya ក្នុងថ្ងៃទាំងពីរនេះ។