លក្ខណៈពិសេសនៃរថភ្លើង Shinkansen របស់ជប៉ុន

ថ្ងៃព្រហស្បតិ៍ 24/10/2019 | 14:10 ល្ងាច

ប្រព័ន្ធរថភ្លើង Shinkansen មានភាពទាក់ទាញដោយសារតែល្បឿនលឿន ទាន់ពេលវេលា ដំណើរការប្រកបដោយប្រសិទ្ធភាព ហើយសេវាកម្មល្អ។

រូបភាព Wasa-bi

Shinkansen ជាប្រព័ន្ធរថភ្លើងល្បឿនលឿនដ៏ល្បីរបស់ជប៉ុន ដំណើរការដោយក្រុមហ៊ុនផ្លូវដែកជប៉ុនដែលបម្រើនៅលើកោះធំ និងកោះ Kyushu។

រូបភាព Hitravel

ល្បឿនអតិបរមានៃរថភ្លើងប្រហែល ៣២០ គីឡូម៉ែត្រក្នុងមួយម៉ោង។ ល្បឿនពេលធ្វើតេស្តលើផ្លូវដែកធម្មតាក្នុងឆ្នាំ ១៩៩៦ គឺ ៤៤៣ គីឡូម៉ែត្រក្នុងមួយម៉ោង និងឈានដល់កំណត់ត្រា ៥៨១ គីឡូម៉ែត្រក្នុងមួយម៉ោងក្នុងឆ្នាំ ២០០៣។

រូបភាព Business Insider

Shinkansen ត្រូវបានបង្កើតដោយវិស្វករ Hideo Shima ជាមួយនឹងការរចនាធ្វើអោយ “មានអារម្មណ៍ដូចជាជិះយន្តហោះ”។ ក្រោយពេលចាកចេញពីផ្លូវដែកគាត់បានក្លាយទៅជាអ្នកនាំមុខផ្នែកអវកាសជាតិរបស់ជប៉ុន។

រូបភាព Accessible-japan

ដំបូងរថភ្លើង Shinkansen ចេញដំណើរពី Tokyo ទៅ Osaka (ប្រហែល ៥០០ គីឡូម៉ែត្រ) ចំណាយពេល ៤ ម៉ោង ឥឡូវចំណាយពេលតែ ២ ម៉ោង ២៥ នាទីប៉ុណ្ណោះ។ មានរថភ្លើង Shinkansen ប្រហែល ៣៣៣ គ្រឿងដំណើរការជារៀងរាល់ថ្ងៃពីទីក្រុង Tokyo និង Osaka ក្នុងឆ្នាំ ២០១២ ដឹកអ្នកដំណើរបានចំនួន ៣៩១.០០០ នាក់ ក្នុងល្បឿនអតិបរមា ២៧០ គីឡូម៉ែត្រក្នុងមួយម៉ោង។