ជនជាតិ​ជប៉ុន​ហ្មត់ចត់រហូត​ដល់ធ្លាប់​ផ្លាស់​ប្តូរ​ទង់​ជាតិ​ព្រោះ​តែរង្វង់មូល​ផ្អៀងត្រឹម​តែ ១%

ការរចនា​ទង់​ជាតិ​របស់​ជប៉ុន​សាមញ្ញ ហើយ​ស្រួល​ចាំ មាន​រង្វង់​មូល​នៅ​ចំ​កណ្តាល។ ប៉ុន្តែមាន​ប្រវត្តិសាស្ត្រស្មុគ​ស្មាញ Hinomaru (ឈ្មោះទង់ជាតិជប៉ុន) ជានិមិត្តរូបនៃការយកចិត្តទុកដាក់ និងហ្មត់ចត់របស់ជនជាតិជប៉ុនផងដែរ។

ហេតុ​អ្វី​បែប​នេះ?

តើ​អ្នក​មើល​ឃើញ​ពី​ភាព​ខុស​គ្នា​នៃ​ការ​រចនា​រវាង​ទង់​ជាតិ​មុន​ និង​ក្រោយ​ឆ្នាំ ១៩៩៩ ទេ?

In 1999, Japan redesigned its flag. pic.twitter.com/qqfezXbns0

— M. (@Owaahh) February 3, 2018

តើខុស​គ្នា​ត្រង់​ណា? ខុស​ពណ៌ឬ?

មិន​ដូច​​អ្វី​ដែល​អ្នក​គិតទេ​​ មិន​ត្រឹម​តែ​ផ្លាស់​ប្តូរ​ពណ៌​ក្រហម​ប៉ុណ្ណោះ​ទេ​ ទី​តាំង​នៃ​រង្វង់​ក៏​ត្រូវ​បាន​ផ្លាស់​ប្តូរ​ផង​ដែរ ខិត​ឡើងលើផ្អៀងពី​ចំ​នុច​កណ្តាល ១%។

ទង់​ជាតិ​នៃប្រទេសជប៉ុន​ត្រូវ​បាន​ផ្សារភ្ជាប់​ជាមួយ​នឹង​រូប​ភាពនាវាអ្នកជំនួញនៅឆ្នាំ ១៨៧០ ប៉ុន្តែជាក់ស្តែងមាន​តាំង​ពីយូរ​មក​ហើយ។

មូល​ហេតុ​រង្វង់​មូល​មាន​នៅ​លើ​ទង់​ជាតិ​ជប៉ុន​សព្វ​ថ្ងៃ​មិន​ទាន់​ច្បាស់​នៅ​ឡើយ​ទេ។ ទោះជាយ៉ាង​ណា​ការសន្មតជាច្រើនបានលើកឡើងថាចាប់ផ្តើមនៅសតវត្សរ៍ទី ១២ ដែលផ្តើមចេញពីរង្វង់នៅលើផ្លិត​របស់ Samurai ហៅថា Gunsen។

ចាប់ពីឆ្នាំ ១៨៧០ ដល់ឆ្នាំ ១៩៩៩ ទង់ជាតិត្រូវបានរចនាតាមសមាមាត្រ ៧ៈ០០។ តាម​ត្រូវ​រង្វង់​គួរតែ​នៅ​ចំ​កណ្តាល​ ប៉ុន្តែ​ផ្អៀតពី​ចំនុច​កណ្តាល​ ១%។

ក្នុងឆ្នាំ ១៩៩៩ រដ្ឋាភិបាលបានអនុម័តច្បាប់ជាតិទទួល​ស្គាល់​ទង់​ជាតិទាំង​ពីរ និងកំណត់ភ្លេងជាតិនៅថ្ងៃទី ៩ ខែសីហាក្នុង​ឆ្នាំដដែល។ ពិតជាចម្លែក​មុន​នោះ​ប្រទេសជប៉ុនគ្មានទង់ជាតិ និង​​ចម្រៀងជាតិជាផ្លូវការទោះបី​ត្រូវ​បាន​ទទួល​ស្គាល់ជាប្រទេសឯករាជ្យ។

នៅក្នុងច្បាប់ទង់ជាតិ​ត្រូវ​បាន​រចនា​ឡើង​វិញ​តាមសមាមាត្រ ២ៈ៣ ហើយ​រង្វង់​មូល​ផ្លាស់​ទៅចំនុច​កណ្តាល​ ១% វិញ។ ទោះជាយ៉ាងណាពណ៌ក្រហមលើ​រង្វង់​​ទង់​ជាតិ​នៅតែមិនមានបទប្បញ្ញត្តិជាក់លាក់។

នេះជាទង់ជាតិចំនួន ២ ដាក់នៅជិតគ្នា។ បន្ទាប់ពីអានការបកស្រាយ តើអ្នក​ឃើញ​ពី​ចំ​នុច​ខុស​គ្នា​ទេ?

រូបភាព dopl3r.com

មាន​គំនិត​ជាច្រើននិយាយ​​អំពី​រង្វង់មូលក្នុង​​ទង់​ជាតិ​ផ្អៀង​ ១% ដែល​យើង (ប្រមូលលើ Reddit)។ 

រូបភាព Reddit

• ទង់ជាតិជប៉ុនត្រូវដកហូតសិទ្ធិទទួល​ស្គាល់​បន្ទាប់ពីឆ្នាំ ១៩៤៥ ហើយត្រូវបានបញ្ជាក់ជាថ្មីក្នុង​ការផ្លាស់ប្តូរច្បាប់ឆ្នាំ ១៩៩៩ ។ ការអនុម័តច្បាប់ថ្មីនេះគឺជាបញ្ហានយោបាយដ៏សំខាន់។ ចំ​នុច​សំ​ខាន់​មិន​មែន​ផ្លាស់​ប្តូរ​ទង់ជាតិ​ទេ ប៉ុន្តែ​សង្កត់​ធ្ងន់​ទៅលើ​ច្បាប់។ ដូច្នេះ​គេ​លើក​ឡើង​អំពី​ការ​ផ្លាស់​ប្តូរ​ក្នុង​ការ​រចនា​ទង់ជាតិដើម្បី​អោយ​ច្បាប់​ថ្មី​កាន់​តែ​ស្រប​ច្បាប់។
• ​ខ្ញុំ​គិត​ថា​ការ​ដាក់​រង្វង់​មូល​នៅ​ចំ​កណ្តាល​មាន​ភាព​ងាយ​ស្រួល​សម្រាប់​ផលិតផល​កម្ម​។ ជនជាតិជប៉ុនតែងតែចង់អោយ​ការ​រស់នៅមានភាពងាយស្រួល។
• ខ្ញុំ​គិត​ថា​គ្មាន​អ្វី​ពិបាក​យល់ទេបើ​ប្តូរ​រង្វង់​ទៅចំនុច​កណ្តាល​វិញ ប៉ុន្តែសំណួររបស់ខ្ញុំគឺ ហេតុអ្វីបាន​ជាកាលពី​មុន​វា​ផ្អៀង​?
• ប្រហែល​ដោយ​សារ​ពេល​ទង់ជាតិ​ហើរ រង្វង់​មូល​បក់លឿន​ជាង ដូច្នេះ​ពេល​ទង់​ជាតិ​ហោះ​ក្នុង​ខ្សល់​រង្វង់​មូល​មើល​ទៅ​ចំ​កណ្តាល​ជាង។

មានព័ត៌មាន និងការសន្មត់ជាច្រើនជុំវិញរឿង​រង្វង់​មូល​ផ្អៀង ១% ពី​ចំនុច​កណ្តាល។ ខ្ញុំផ្ទាល់គិតថាអ្នក​ដែល​រកឃើញភាព​ផ្អៀង​នៃ​ទង់​ជាតិក៏ជាអព្ភូតហេតុរួច​ទៅ​ហើយ។

M.E.O