បញ្ហាសម្លុតធ្វើបាបគ្រូនៅសាលា – សម្លការីគ្មានកំហុសទេ

ថ្ងៃចន្ទ 21/10/2019 | 15:38 ល្ងាច

ករណីសម្លុតធ្វើបាបនៅសាលាបឋមសិក្សា Higashisuma នៅ Kobe ទទួលមតិរិះគន់ជាច្រើនពីឪពុកម្តាយសិស្ស ចំពោះវិធានការដោះស្រាយរបស់សាលា។

រឿងនេះកើតឡើងដោយសារគ្រូ ៤ នាក់សម្លុតធ្វើបាបមិត្តរួមការងារប្រុសម្នាក់ដោយយកសម្លការីប៉ាតចូលភ្នែកគាត់។ កាលពីខែមុនគ្រូប្រុសលាឈប់ពីការងារ ហើយសាលាបានបង្អាកគ្រូ ៤ នាក់ដោយសន្យាថានឹងចាត់វិធានការពិន័យត្រឹមត្រូវ។

ទោះយ៉ាងណានៅថ្ងៃទី ១៦ ខែតុលា Mainichi Shimbun បានបង្ហើបបន្ថែមថាមិនត្រឹមតែមានរឿងផ្ទៃក្នុងរវាងគ្រូប៉ុណ្ណោះទេ ថែមទាំងប៉ះពាល់ដល់សិស្សផងដែរ។ លទ្ធផលសិស្ស ៤ នាក់ឈប់រៀនជាច្រើនថ្ងៃ ក្នុងនោះមាន ២ នាក់និយាយថាពួកគេមិនអាចទៅសាលាទេ។ តាមការថតសម្លេងរបស់ TV Asahi ក្នុងកិច្ចប្រជុំរយៈពេល ៣ ម៉ោងបង្ហាញថាក្រុមប្រឹក្សាអប់រំ Kobe អានសំបុត្រសុំទោសរបស់គ្រូទាំង ៤ នាក់ដែលចូលរួមសម្លុត។ ទង្វើនេះធ្វើអោយឪពុកម្តាយសិស្សខឹងយ៉ាងខ្លាំង ព្រោះមនុស្សទាំងនេះមិនបានមកសុំទោសដោយផ្ទាល់ទេ។ មនុស្សមួយចំនួនឆ្ងល់ថា តើគ្រូទាំងនេះទទួលបានប្រាក់ខែកំឡុងពេលឈប់សម្រាកដែរឬទេ? ប៉ុន្តែគ្មានចម្លើយច្បាស់លាស់ឡើយ។

សាលាហាមសម្លការី ប៉ុន្តែរក្សាគ្រូបង្រៀន

វិធានការរបស់សាលាលើកឡើងបង្កអោយមានការមិនពេញចិត្ត ហាមឃាត់សម្លការីក្នុងអាហារថ្ងៃត្រង់។ មនុស្សជាច្រើនលើបណ្តាញសង្គមងឿងឆ្ងល់ចំពោះវិធានការនេះ។

クビにすべきは、カレーじゃなくて、加害教員でしょ。
〉「給食のカレーやめます」教員いじめで保護者説明会 https://t.co/M330IbqxzS
— 吉村洋文（大阪府知事） (@hiroyoshimura) October 17, 2019

“អ្វីដែលត្រូវហាមមិនមែនសម្លការីទេ ប៉ុន្តែជាគ្រូ ៤ នាក់ដែលបានសម្លុតធ្វើបាបគ្រូប្រុសម្នាក់នោះ”។

神戸市須磨小学校の教員イジメで、『対策』が、①給食にカレーを中止する②家庭科室の改装をする　だそうだ。
あいた口がふさがらない。究極のバカとしかいいようがない。対策は「犯人の即時懲戒解雇」しか考えないのが常識じゃないか！！
— 勘ずさん (@kanzusan27) October 18, 2019

“ករណីសម្លុតធ្វើបាបក្នុងសាលា Higashisuma នៅ Kobe វិធានការណ៍របស់ពួកគេគឺ៖ ១. ហាមឃាត់សម្លការីចេញពីអាហារថ្ងៃត្រង់។ ២. កែលម្អថ្នាក់ធ្វើម្ហូប។ ទាំងនេះពិតជាមិនសម វិធានការគួរតែដាក់ពិន័យជនដែលសម្លុតអ្នកដទៃ”។

សម្លការីគ្មានកំហុសទេ

រូបភាព buhitter

បច្ចុប្បន្នមាន Hashtag លើបណ្តាញសង្គមអំពីរឿងនេះ #カレーに罪はない (សម្លការីគ្មានកំហុសទេ) ជាមួយនឹងរូបភាពការីឆ្ងាញ់ដើម្បីបង្ហាញពីភាពមិនពេញចិត្តចំពោះការសម្រេចចិត្តរបស់សាលា។

តើអ្នកយល់យ៉ាងណាចំពោះបញ្ហានេះ?

ប្រភព https://grapee.jp/en/124470

Sacchan