តើនារីជប៉ុនចាត់ទុកបុរសជាអ្វីក្នុងបេះដូងរបស់នាង?

ថ្ងៃអាទិត្យ 20/10/2019 | 22:23 ល្ងាច

តើអ្នកជា hafure, kisufure, sofure, kamofure ឬ sanfure?

ស្ត្រីជប៉ុនមានពាក្យជាច្រើនសម្រាប់ហៅបុរស។ ឧទាហរណ៍នៅទសវត្សទី ៩០ ពេលស្ត្រីត្រូវការអ្នកដើរលេងហៅថា “asshii-kun” ចំណែកត្រូវការអ្នកទៅញ៉ាំអីជាមួយហៅថា “messhi-kun”។

ភាសាវិវត្តទៅតាមទំនាក់ទំនងស្នេហា ហើយពាក្យថ្មីៗជាច្រើនសំដៅទៅលើប្រភេទបុរសក្នុងជីវិតស្នេហារបស់ស្រ្តីជប៉ុន។ ខាងក្រោមនេះគឺជាពាក្យត្រូវបានប្រកាសដោយកម្មវិធីរបស់ជប៉ុន។

オフレ欲しい人ー pic.twitter.com/sox8jzPX2F
— よし (@enjoylife465) September 28, 2019

Tweet ខាងលើបង្ហាញអំពីពាក្យទាំង ៥ សំដៅទៅលើបុរស “លើសពីកម្រិតមិត្តភក្តិប៉ុន្តែមិនទាន់ស្រលាញ់” របស់ស្រ្តីជប៉ុន។

Hafure (មិត្តទុកសម្រាប់ឱប)

រូបភាព https://prtimes.jp/main/html/rd/p/000000061.000014982.html

វប្បធម៌ជប៉ុនមិនលើកទឹកចិត្តអោយប៉ះពាល់រវាងបុរស និងស្ត្រីទេ ដូច្នេះប្រសិនបើអ្នកស្ថិតក្នុងស្ថានភាពនេះ មានន័យថាទំនាក់ទំនងរវាងអ្នកទាំងពីរគឺល្អ។

Kisufure (មិត្តទុកសម្រាប់ថើប)

ទោះបីវាគ្រាន់តែជាការថើបថ្ពាល់ គ្មាននារីជប៉ុនណាថើបថ្ពាល់របស់មិត្តភក្តិប្រុសនោះទេ។

រូបភាព https://ranking-best.net/items/4947?image_id=307643

Sofure (មិត្តរួមគ្រែ)

នេះជាមិត្តម្នាក់អាចគេងក្បែរអ្នកដូចជាអារម្មណ៍គូស្នេហ៍ពិត ប៉ុន្តែគ្មានទំនាក់ទំនងផ្លូវភេទទេ។

រូបភាព https://woman.excite.co.jp/article/love/rid_Cafegoogirl_116658/

Kamofure (មិត្តណាត់ជួបនិម្មិត)

នេះជាពាក្យពណ៌នាអំពីអ្នកដែលស្រ្តីអាចណាត់ជួបដូចជាមិត្តភក្តិ។ មានន័យថាអ្នកទាំងពីរណាត់ជួបគ្នា កាន់ដៃ ឱប ថើបដោយមិនចាំបាច់ប្រកាសជាផ្លូវការ។ ទោះជាយ៉ាងណាអាចបណ្តាលអោយមានការភ័ន្តច្រឡំចំពោះបុរស។

រូបភាព https://youpouch.com/2016/03/13/342157/

Sanfure (មិត្តទុកសម្រាប់បញ្ចេញកំហឹង)

តើអ្នកធ្លាប់គិតថានរណាម្នាក់ដូចជាបាវខ្សាច់? ពេលមានអ្វីកើតឡើងប្រើកម្លាំងវាយអោយបាត់កំហឹងទេ? Sanfure ជាពាក្យសំដៅទៅលើបុរសត្រូវបាត់ទុកដូចបាវខ្សាច់ មិនមែនខាងរាងកាយទេប៉ុន្តែខាងផ្លូវចិត្ត។ នេះជាមនុស្សដែលស្រ្តីចង់ប្រាប់អំពីបញ្ហារបស់ពួកគេក្នុងជីវិត។ ជាការពិតណាស់គ្មានបុរសណាចង់ប្រែក្លាយទៅជាបាវខ្សាច់ទេ។

រូបភាព https://ameblo.jp/arlenehealing/entry-12192490552.html

ក្រៅពីនេះនៅមានពាក្យជាច្រើនទៀតគ្មានក្នុងកញ្ចក់ទូរទស្សន៍ដូចជា Birifure – មិត្តស្តារសមត្ថិភាព (អ្នកដែលជួយអ្នកពេលបែកបាក់ស្នេហា) ឬ Sefure – មិត្តផ្លូវភេទ (គ្រាន់តែដើម្បីដោះស្រាយបញ្ហាផ្លូវភេទ)។

បុរសជាច្រើនចង់យកឈ្នះបេះដូងនារីដោយធ្វើជាមិត្តភក្តិ។ ដំបូងរាប់អានជាមិត្ត បន្ទាប់មកស្រលាញ់ស្តាប់ទៅសមហេតុផល ប៉ុន្តែហត់នឿយណាស់។ អ្នកនឹងមិនដឹងមុនពេលអ្នកអាចក្លាយជាមិត្តប្រុសរបស់នាង អ្នកជានរណាក្នុងបេះដូងនាងឡើយ។ ផ្លូវចូលទៅកាន់បេះដូងនារីមិនមែនជារឿងងាយ ចំណែកល្បែងស្នេហាគឺអយុត្តិធម៌។

នៅតែមានវិធីលឿនសម្រាប់បុរសគឺរៀបការភ្លាម។ បច្ចុប្បន្នយុវជនជប៉ុនជាច្រើនខ្ជិលមានស្នេហា ណាត់ជួបគ្នា រហូតដល់សុខចិត្តភ្ជាប់ជីវិតជាមួយមិត្តភក្តិឬអ្នកស្គាល់គ្នា ដោយមិនចាំបាច់ផ្តល់ឋានៈជាមិត្តប្រុសឬមិត្តស្រីជាផ្លូវការឡើយ។ ឃើញថានេះជា “ដំណើរផ្លាស់ប្តូរ” នៃផ្លូវអារម្មណ៍។

ប្រសិនបើចង់យកឈ្នះបេះដូងនារីដែលអ្នកស្រលាញ់គួរតែប្រើចិត្តស្មោះ និងភាពអំណត់។

ប្រភព Jin115

Sacchan