លក្ខណៈពិសេសនៃទ្វារក្រដាសប្រពៃណីរបស់ជប៉ុន

ថ្ងៃសុក្រ 18/10/2019 | 11:16 ព្រឹក

ផ្ទះសំណាក់បែបប្រពៃណីជប៉ុនកំពុងតែថយចុះដោយសារឥទ្ធិពល និងការអភិវឌ្ឍនៃសណ្ឋាគារបែបបស្ចឹមប្រទេស។ លក្ខណៈពិសេសនៃផ្ទះសំណាក់ដែលមើលឃើញមានទ្វារធ្វើពីក្រដាស និងកន្ទេល Tatami។ ថ្ងៃនេះខ្ញុំនឹងណែនាំអ្នកពីមុខងារដ៏អស្ចារ្យនៃទ្វារក្រដាសនេះ។

ទ្វារក្រដាសមាន ២ ប្រភេទ ទីមួយគេហៅថា Fusuma។

រូបភាព https://shopping.geocities.jp/wasitu-reform/product/shoji/shoji.html

ទ្វារប្រភេទនេះភាគច្រើនប្រើដើម្បីខណ្ឌបរិយាកាសបន្ទប់នីមួយៗ ហើយអាចធ្វើជាទ្វារឃ្លាំងផងដែរ។

ទ្វារធ្ងន់មានការរចនារឹងមាំប្រើសម្រាប់បិទបាំង ខណ្ឌបន្ទប់មួយកុំអោយមើលឃើញបន្ទប់មួយទៀត។ បន្ទប់កាន់តែធំនៅលើក្រដាសមានក្បាច់រចនា ក្រៅពីខណ្ឌកុំអោយមើលឃើញ អាចប្រើដើម្បីតុបតែងបន្ទប់ផងដែរ។

មុខងាររបស់ Fusuma គួរឱ្យចាប់អារម្មណ៍ណាស់ ចំណែកទ្វារមួយទៀតកាន់តែពិសេសគេហៅថា Shoji។

រូបភាព https://shopping.geocities.jp/wasitu-reform/product/shoji/shoji.html

ទ្វារ Shoji គឺជាទ្វារមានស៊ុមឈើតូចបិទក្រដាសពណ៌សស្តើង។ ដោយសារពន្លឺអាចឆ្លុះចូលតាមទ្វារ ទើបភាគច្រើនគេធ្វើនៅខាងក្រៅ។ ទោះបីនៅខាងក្នុងអាចមើលឃើញពន្លឺពីខាងក្រៅ ប៉ុន្តែនៅខាងក្រៅមិនអាចមើលឃើញពីខាងក្នុងទេ ជាគុណសម្បត្តិនៃទ្វារប្រភេទនេះ។ លក្ខណៈពិសេសគួរឱ្យចាប់អារម្មណ៍មួយទៀតអំពីទ្វារ Shoji ទ្វារអាចស្រូបសំណើម។ នៅក្នុងបន្ទប់សើមជាមូលហេតុបង្កអោយមានផ្សិត។ នៅប្រទេសជប៉ុនក្នុងខែមិថុនាជារដូវវស្សាធ្វើអោយសំណើមកើនឡើង។ ទ្វារ Shoji នេះអាចស្រូបសំណើម និងរក្សារសំណើមក្នុងបន្ទប់ក្នុងកម្រិតសមរម្យ។

រដូវរងានៅប្រទេសជប៉ុនពិតជាត្រជាក់ណាស់ ដោយសារកាលពីមុនគ្មានម៉ាសុីនកម្តៅគេត្រូវប្រើធ្យូង ប៉ុន្តែប្រើធ្យូងគ្រោះថ្នាក់ណាស់។ បន្ថយអុកស៊ីសែន ហើយបង្កើនការផលិត carbon monoxide បណ្តាលអោយថប់ដង្ហើម។ មនុស្សជាច្រើនស្លាប់ដោយសារបាតុភូតនេះ។ ដោយសារតែមុខងារពិសេសនៃ Shoji ទោះបីអាកាសធាតុខាងក្រៅត្រជាក់បន្ទប់នៅក្នុងនៅតែកក់ក្តៅ។

មិនត្រឹមតែជាទ្វារប៉ុណ្ណោះទេ Shoji អាចធ្វើជាជញ្ជាំងផងដែរ។ មានបន្ទប់ជាច្រើនប្រើ Shoji ទាំងស្រុង។ ដោយសារតែឈើ និងក្រដាសស្តើងធ្វើអោយទ្វារស្រាលស្រួលរុញទៅមក។ អ្នកអាចប្រើ Shoji ធ្វើជាជញ្ជាំងខណ្ឌបន្ទប់ឬអាចដកចេញដើម្បីអោយទីធ្លាធំទូលាយ។

នេះជាទ្វារ Shoji បែបប្រពៃណីបច្ចុប្បន្ន និងម៉ូតជាច្រើនផ្សេងទៀត។

រូបភាព https://www.google.com/url?sa=i&rct=j&q=

ទ្វារនេះអាចដាក់បញ្ឈរដែលគេហៅថា Yukimi Shoji ទុកសម្រាប់មើលព្រិលនៅសួនច្បារ។ ទ្វារ Yukimi Shoji តាមបែបទំនើបមានស្រទាប់កញ្ចក់ ដូច្នេះខ្យល់ត្រជាក់មិនអាចចូលបន្ទប់ពេលបើកទ្វារទេ។ ពិតជាពិសេសណាស់ដែលបានរីករាយជាមួយស្រាមួយកែវមើលព្រិលធ្លាក់។

ទោះបីមានគុណសម្បត្តិជាច្រើន ទ្វារ Shoji នៅតែមានគុណវិបត្តិធំគឺងាយនឹងរហែកដោយសារកុមារឬវត្ថុអ្វីម្យ៉ាង (ជាពិសេសសត្វឆ្មា)។

ដោយសារទ្វារធ្វើពីក្រដាសងាយនឹងរហែក។