បន្ទាប់ពីព្យុះបន្សល់នូវ​កាកសំណល់នៅជាន់លើ និង​ក្រោមធ្វើអោយអគារត្រូវលិចទឹកមាន​ក្លិន​ស្អុយ

Ga Musashi-Kosugi ល្បី​ដោយសារតែមានអគារខ្ពស់ៗ ជាកន្លែងដ៏ល្អសម្រាប់ការរស់នៅ ងាយ​ស្រួលទៅដល់​ទី​ក្រុង Tokyo។ 

រូបភាព https://media.manpla.com/archives/16002

នៅកន្លែងនេះពេញទៅដោយ​កាកសំ​ណល់ Unko (Unko ជាលាមកក្នុង​ភាសាជប៉ុន) ពិតជាកខ្វក់​ណាស់។ ដោយ​សារ​តែព្យុះទី ១៩ បោកបក់ចូល​ប្រទេស​ជប៉ុន​កាលពីចុងសប្តាហ៍មុនបង្កអោយមានទឹកជំនន់។ ទន្លេ Tama នៅ​ក្បែរនោះបាក់ទំនប់ធ្វើអោយ​ទឹក​ហូរ​ពេញទី​ក្រុង។ អាស្រ័យ​ទៅលើទី​តាំងទឹក​លិចដល់ជាន់ទី ២ បង្ខំអោយប្រជាជនត្រូវ​ជម្លៀសចេញ។

រូបភាព https://blogos.com/article/410387/

កន្លែង​បង្ហូរ​ទឹក​ស្អុយ​ជាច្រើននៃអាផាតមិនត្រូវបានតំឡើងនៅក្រោមដី។ បន្ទាប់ពីបទបញ្ជាជម្លៀសត្រូវបានដកចេញប្រជាជនអាចវិលត្រឡប់ទៅផ្ទះរបស់ពួកគេវិញ។ ដោយសារស្ថានភាពប្រព័ន្ធបង្ហូរទឹក​ស្អុយមិន​ទាន់ស្តារឡើងវិញ ដូច្នេះ​ត្រូវ​ធ្វើបង្គន់បណ្តោះអាសន្នដើម្បី​អោយ​ប្រជាពលរដ្ឋប្រើ​ប្រាស់។ ទោះយ៉ាងណាមនុស្ស​មួយ​ចំនួន​មិន​ចូល​ចិត្ត​ប្រើ​បង្គន់​សាធារណៈ​ លួចប្រើបង្គន់​នៅ​ក្នុង​ផ្ទះ។ ដោយ​សារប្រព័ន្ធ​បង្ហូរ​ទឹក​ស្អុយ​មិន​ទាន់​ដំ​ណើរ​ការ ដូច្នេះ​កាក​សំ​ណល់​ទាំង​អស់ហូរ​ចូល​ទឹក​ជំនន់មិន​អាច​បូប​ចេញទាំងស្រុង។

រូបភាព http://blog.livedoor.jp/dqnplus/archives/1994632.html

ធ្វើ​អោយ​មាន​ក្លិន​ស្អុយជុំវិញផ្ទះទាំងមូល។ ដោយ​សារអ្នក​ដែល​មិន​គោរព​តាម​ការណែនាំធ្វើ​តាម​អំពើចិត្តបណ្តាលអោយ​ប៉ះ​ពាល់ប្រជាជននៅក្បែរនោះ។ ប្រជាជនដែលរស់នៅជាន់ខាងក្រោមទទួលរងក្លិនខ្លាំង ទោះបីពេលខ្លះពួកគេ​មិន​មែន​ជាអ្នកធ្វើរឿង​នេះ។

កាលពីមុនទំនាក់ទំនងរវាងអ្នកដែលរស់នៅជាន់ខាងលើ និងជាន់ក្រោមអាផាតមិនល្អប៉ុន្មានទេ។ ជាទូទៅបន្ទប់ជាន់ខាងលើច្រើនតែថ្លៃជាងដោយសារទេសភាព​ស្អាត ដូច្នេះអ្នកដែលរស់នៅជាន់ខាងលើច្រើនតែប្រើ​លេសនេះមើលងាយអ្នកដែលរស់នៅជាន់ក្រោម។ ដោយ​សារតែ​រឿង​នេះអ្នកនៅជាន់ក្រោមយល់ថាអ្នកនៅជាន់ខាងលើជាអ្នកធ្វើ ព្រោះពួកគេ​ត្រូវ​រង​ផល​ប៉ះ​ពាល់ច្រើនជាង។ មិន​ត្រឹម​តែប៉ុណ្ណឹង​មាន​មនុស្ស​មួយ​ចំនួន​ខឹងព្រោះអ្នកខ្លះមិនអនុវត្តតាមច្បាប់ធ្វើ​អោយ​ផលវិបាកកាន់តែធ្ងន់ធ្ងរ។

ក្នុងរយៈពេលប៉ុន្មានថ្ងៃកន្លងមកនេះព័ត៌មានអំពីការខូចខាតទៅលើមនុស្ស និងទ្រព្យសម្បត្តិដែលទាក់ទងនឹងព្យុះទីហ្វុងលេខ ១៩ បាន និងកំពុងរាលដាលបណ្តាលអោយប្រជាជនរងទុក្ខ។ គ្រោះធម្មជាតិ​បណ្តាល​អោយ​​ខូច​ខាតច្រើន មនុស្ស​បែរជាបន្ថែម​ផល​វិបាកព្រោះ​តែ​មិន​គោរពតាម​ការណែនាំ។ ខ្ញុំពិតជាសោកស្តាយ​ណាស់ដែលអានព័ត៌មានបែបនេះ។

Kengo Abe