ទម្លាប់ជិះរថភ្លើងដូចជនជាតិជប៉ុនជាមួយនឹងផ្ទាំងគំនូរ Ukiyo-e

ថ្ងៃចន្ទ 14/10/2019 | 22:35 ល្ងាច

តើអ្នកគិតថាជិះរថភ្លើងពិបាកទេ?

ចម្លើយគឺថាពិបាកហើយក៏ងាយស្រួលផងដែរ។ ស្រួលសម្រាប់អ្នកដែលចេះសង្កេតមើល ហើយអានសេចក្តីណែនាំលើរថភ្លើង។ ប៉ុន្តែជិះរថភ្លើងមិនងាយស្រួលចំពោះអ្នកជិះលើកដំបូងទេ។ សូម្បីតែអ្នកធ្វើដំណើរយូរឆ្នាំនៅតែមានចេតនាបំពាន។

តើអ្នកធ្លាប់បំពាន ៨ ប្រការលើរថភ្លើងរបស់ជនជាតិជប៉ុនទេ? តាមរយៈផ្ទាំងគំនូរ Ukiyo-e (គំនូរបុរាណរបស់ជប៉ុន) នៃហាង Seibu បង្រៀនអំពីរបៀបជិះរថភ្លើង “ស្តង់ដារ” ដូចជនជាតិជប៉ុន។

១. អង្គុយសមរម្យ

ឥរិយាបថអង្គុយអោយសមរម្យមិនដេកនៅលើកៅអី។ ជាពិសេសនៅពេលរថភ្លើងមានមនុស្សច្រើន។

២. ជៀសវាងការនិយាយខ្លាំង ៗ

នៅចុងឆ្នាំប្រជាជនជប៉ុនកាន់តែមមាញឹកនឹងពិធីជប់លៀងចុងឆ្នាំ។ ទោះជាយ៉ាងណាកុំដោយសារស្រវឹងបង្កសម្លេងរំខាននៅលើរថភ្លើង។ ប្រសិនបើអ្នកលេងហ្គេមឬមើលវីដេអូកុំភ្លេចពាក់កាស។

៣. កុំរត់តាមរថភ្លើង

“Kakekomi Densha” នេះជាឃ្លាបង្ហាញពីសកម្មភាពរត់ដេញតាមរថភ្លើងពេលចេញដំណើរដើម្បីអោយទាន់ទ្វារបិទ។ នេះជាសកម្មភាពគ្រោះថ្នាក់អ្នកគួរតែជៀសវាងទោះបីអ្នកយឺតម៉ោងទៅធ្វើការឬទៅសាលារៀនក៏ដោយ។

៤. កុំប្រើទូរស័ព្ទពេលដើរ

អ្នកអាចធ្លាក់ចូលផ្លូវដែកឬបុកនរណាម្នាក់ប្រសិនបើអ្នកសំឡឹងមើលតែអេក្រង់ទូរស័ព្ទ។

៥. ទុកឥវ៉ាន់ផ្ទាល់ខ្លួននៅលើរថភ្លើងអោយបានត្រឹមត្រូវ

ប្រសិនបើយកឥវ៉ាន់តាមច្រើនពេក សូមរៀបចំឥវ៉ាន់នៅកន្លែងអោយបានត្រឹមត្រូវ។ បើកាន់វ៉ាលីឬកាបូបធំគួរតែដាក់នៅក្រោមជើងរបស់អ្នក កុំស្ពាយក្រោយខ្នងប្រយ័ត្នប៉ះអ្នកដទៃ។

៦. កុំភ្លេចក្រឡេកមើលជុំវិញពេលអូសវ៉ាលីនៅក្នុងស្ថានីយ៍

៧. កុំឈរនៅមាត់ទ្វារ

លុះត្រាតែរថភ្លើងចង្អៀតពេក បើមិនដូច្នេះសូមមេត្តាជៀសផ្លូវចូលព្រោះមានអ្នកដំណើរត្រូវចុះឬឡើងរថភ្លើង។

៨. កុំប្រឡែងលេងនៅលើរថភ្លើង

នេះជាការរំខានអ្នកដទៃ ជិះរថភ្លើងជាក្រុមសប្បាយមែន ប៉ុន្តែគួរតែចាប់អារម្មណ៍សកម្មភាព និងពាក្យសម្តីរបស់អ្នក។

មិនត្រឹមតែ Seibu ទេក្រុមហ៊ុនអាកាសចរណ៍ផ្កាយ ៥ របស់ជប៉ុន ANA (All Nippon Airways) ចូលរួមយ៉ាងស្ទាតជំនាញទាំងទិដ្ឋភាពបែបប្រពៃណី និងសម័យទំនើបតាមរយៈវីដេអូណែនាំជើងហោះហើរសុវត្ថិភាពជាមួយនឹងតួអង្គរឿងល្ខោន Kabuki។