បញ្ហាសម្លុតធ្វើ​បាបនៅ​សាលា – គ្រូប្រុសត្រូវមិត្តរួមការងារ ៤ នាក់ធ្វើបាប

ការសម្លុតធ្វើបាបនៅសាលារៀនមិន​មែន​ជា​បញ្ហា​ថ្មីក្នុង​ប្រទេសជប៉ុន​ទេ។ 

ប៉ុន្តែហេតុអ្វីបានជារឿងនេះមានអ្នក​ចាប់អារម្មណ៍ច្រើន? នៅពីក្រោយជាបញ្ហា​គ្មាន​អ្នក​យល់។ ការសម្លុតធ្វើបាបនៅ​សាលាមិនត្រឹមតែជាបញ្ហារបស់សិស្សប៉ុណ្ណោះទេ ហើយវាក៏​ជាប់​ទាក់​ទងទៅ​នឹងគ្រូផង​ដែរ។

នៅសាលាបឋមសិក្សាមួយនៅទី​ក្រុង Kobe គ្រូប្រុសអាយុប្រហែល ២០ ឆ្នាំត្រូវមិត្តរួមការងារ ៤ នាក់ធ្វើបាប។ ពួកគេប្រព្រឹត្ដអំពើហឹង្សាវាយធ្វើបាបមិត្តរួមការងារ ហើយ​ប្រើកម្លាំងបង្ខំអោយគ្រូប្រុសនេះផ្ញើសារមិនសមរម្យទៅមិត្តរួមការងារជាស្រ្តី។ ដោយសារផ្លូវចិត្តមិន​នឹង​នរគ្រូប្រុសបានលាឈប់ពីការងារនៅខែកញ្ញា។ ដោយ​ដឹង​ថាតាំងពីខែមិថុនាពេលនិយាយជាមួយគ្រូម្នាក់ទៀត សាលាបានដឹងអំពីរឿងនេះ។ នៅ​ខែកក្កដាសាលាបានរាយការណ៍ទៅក្រុមប្រឹក្សាគ្រូបង្រៀនទីក្រុង ប៉ុន្តែ​រហូត​ដល់​ខែ​កញ្ញាគណៈកម្មាធិការទើបធ្វើការស៊ើបអង្កេត និងទាក់ទងជាមួយ​គ្រួ​សាររបស់គ្រូ​ប្រុស។

ការសម្លុតធ្វើបាបនៅសាលាមិនត្រឹមតែកើតឡើងចំពោះសិស្ស អ្នក​ដែល​មិន​ទាន់​ពេញ​វ័យប៉ុណ្ណោះទេ។ សូម្បី​គ្រូដែលគួរតែទទួលខុសត្រូវចំពោះការតម្រង់ទិស និង​ណែនាំប្អូនៗក៏​មិន​អាច​គ្រប់​គ្រងឥរិយាបថរបស់ខ្លួនបាន​ដែរ។

រូបភាព https://www.youtube.com/watch?v=e03ZcAjQ564

លើសពីនេះមានករណីខ្លះសិស្សសម្លុតធ្វើបាបទាំងគ្រូផង​ដែរ។ គំនិត​នៃ​ការ​អប់រំ​ផ្លាស់​ប្តូរ សិស្សមិនខ្លាចគ្រូរបស់ពួកគេទេ។ មិនត្រឹម​តែ​ប៉ុណ្ណឹង​ទំនាក់​ទំនង​រវាងគ្រូ និងសិស្សនៅ​សាលា​មួយ​ចំនួន​កាន់តែ​ប្រែ​ប្រួល គ្រូមួយ​ចំ​នួន​ត្រូវ​សិស្ស​របស់ខ្លួន​មើល​ងាយ​ធ្វើ​បាប។

គេតែងតែនិយាយថាគ្រូ​បង្រៀនជាអាជីពតម្រង់ទិសនៃអនាគតប្រទេសជាតិ ចំណែក​សាលា​ដូចជា​សង្គមតូច​មួយ​សម្រាប់​ប្អូនៗ​បង្កើតទំនាក់ទំនងដំ​បូង។ ប៉ុន្តែនៅក្នុងសង្គមសព្វថ្ងៃអាជីពដែលថ្លៃថ្នូរប្រែជាគ្មាន​តម្លៃ ហើយសង្គមនេះ​កាន់​តែ​គួរ​អោយ​ខ្លាច។

រូបភាព https://h-navi.jp/column/article/718

នៅ​ពេលដែល​មើល​ឃើញគ្រូរបស់ប្អូន​ៗត្រូវគេធ្វើបាបដូច្នេះ បុគ្គលិកលក្ខណៈរបស់សិស្សបឋមនឹងរងផលប៉ះពាល់។

សាលារៀនមួយចំនួនបន្ទាប់ពីដឹង​អំពី​បញ្ហាសម្លុតធ្វើបាប ព្រោះ​តែ​មិន​ចង់​អោយ​ប៉ះពាល់កេរ្តិ៍ឈ្មោះ​សាលាមាន​ចេតនា​លាក់​បាំង។

គោលដៅនៃការអប់រំគឺបណ្តុះបណ្តាលប្អូនៗអោយ​ក្លាយទៅជា​អ្នក​មានទេពកោសល្យ និងមាន​អត្តចរិកល្អ។

តើ​អនាគតយុវជននឹង​ទៅជា​យ៉ាង​ណា?

Sacchan