ចំនួន​គូស្វាមីភរិយារស់នៅជាមួយ​គ្នា​គ្មានការរួម​ភេទនៅជប៉ុនកំ​ពុងតែ​​​កើនឡើង

ការស្ទង់មតិមួយបានបង្ហាញថាជិតពាក់កណ្តាលនៃចំនួន​គូស្វាមីភរិយានៅក្នុងប្រទេសជប៉ុនគ្មានការរួម​ភេទ​រយៈពេលមួយខែ ហើយក៏​គ្មានបំណងផ្លាស់ប្តូរទម្លាប់នេះដែរ។

លទ្ធផលត្រូវបានធ្វើឡើងនៅក្នុងការស្ទង់មតិលើមនុស្សជាង ៣.០០០ នាក់មានអាយុពី ១៦-៤៩ ឆ្នាំនៅចុង​ឆ្នាំ ២០១៦ នៃសមាគមផែនការគ្រួសារជប៉ុន។ សមាគមទទួលការឆ្លើយតបពីមនុស្សជាង ១២០០ នាក់ ក្នុង​នោះ​មានបុរស និងស្ត្រីចំនួន ៦៥៥ នាក់រៀបការរួច។ 

រូបភាព Imasia

ជិតពាក់កណ្តាលបុរស និងស្ត្រីដែលរៀបការហើយនៅក្នុងប្រទេសជប៉ុនកំពុងរស់នៅក្នុងអាពាហ៍ពិពាហ៍គ្មានការរួមភេទ។

មានរហូតដល់ ៤៧,២% បុរស និងស្ត្រីដែលរៀបការហើយនិយាយថាពួកគេកំពុងរស់នៅក្នុងអាពាហ៍ពិពាហ៍គ្មានការរួមភេទ កើនឡើង ២,៦% បើប្រៀបធៀបទៅនឹងការស្ទង់មតិកាលពីឆ្នាំ ២០១៤។

ទំនោរអាពាហ៍ពិពាហ៍គ្មានការរួមភេទកំ​ពុង​កើនឡើង លោក Guardian នាំពាក្យប្រធានលោក Kunio Kitamura បានអោយ​ដឹង។

គួរកត់សម្គាល់ថាអត្រាគ្មានការរួមភេទខ្ពស់បំផុតស្ថិតនៅ​កម្រិតអាយុពី​ពាក់​កណ្តាលដល់ ៤០ ឆ្នាំ ជាពេលវេលា​សំ​ខាន់សម្រាប់​ការងារ និង​គ្រួ​សារ។

ច្រើនជាង ២២% ស្ត្រីដែលត្រូវបានគេស្ទង់មតិនិយាយថាការរួមភេទគឺជាបញ្ហា កើន​ឡើង​បើប្រៀបនឹង​តួ​លេខ ២១,៣% ក្នុងឆ្នាំ ២០១៤ ។

ក្នុងចំណោមបុរសដែលរៀបការរួចមាន ៣៥,២% និយាយថាការងារធ្វើអោយពួកគេហត់នឿយគ្មានអារម្មណ៍ផ្លូវភេទ ចំណែក​បុរស​មួយ​ចំនួន​ទៀត​និយាយ​ថាពួកគេ​គ្រាន់តែ​ចាត់​ទុក​ភរិយាដូចជាសមាជិកគ្រួ​សារជា​ជាង​ដៃគូជីវិត ឬការរួម​រស់​ជាមួយ​ប្រពន្ធបាត់​តាំង​ពីមាន​កូន។

ក្នុងប៉ុន្មានឆ្នាំថ្មីៗនេះការកែលំអទម្លាប់ធ្វើការនៅជប៉ុនដើម្បីមានពេលវេលាសម្រាប់​គ្រួសារកំ​ពុងកើនឡើង ប៉ុន្តែ​មិន​ទាន់​មាន​សកម្ម​ភាព​កាត់​បន្ថយការងារ​នៅ​ឡើយ​ទេ។

រដ្ឋាភិបាលជប៉ុនគ្រោងនឹងកំណត់ពេលវេលាធ្វើការថែមម៉ោងប្រហែល ៦០ ម៉ោងក្នុងមួយខែ។ នៅចុងឆ្នាំ ២០១៥ បុគ្គលិកផ្សាយពាណិជ្ជកម្មអាយុ ២៤ ឆ្នាំម្នាក់ធ្វើអត្តឃាតដោយសារធ្វើការថែមម៉ោងរហូតដល់ទៅ ១០០ ម៉ោងក្នុងមួយខែ។

អ្នក​ជំនាញ​មួយ​ចំនួន​និយាយថាស្ថាន​ភាព​ខាង​លើមិនត្រឹមតែកើតឡើង​នៅ​ប្រទេសជប៉ុនប៉ុណ្ណោះទេ ប៉ុន្តែនៅបណ្តា​ប្រទេសឧស្សាហកម្មជាច្រើនទៀត។

ការស្ទង់មតិកាលពីឆ្នាំ ២០១៦ បានបង្ហាញថាចំនួនអ្នកមិន​ធ្លាប់​រួមភេទនៅជប៉ុនកំពុងតែកើនឡើង។ ទោះជាយ៉ាងណាអ្នកជំនាញបានបង្ហាញថាអត្រាអ្នក​មិន​ធ្លាប់​រួមភេទនៅ​ប្រទេសជប៉ុនគ្មាន​ការ​ផ្លាស់​ប្តូរ​តាំង​ពី​ដើម​ឆ្នាំ ១៩៩០ និងបណ្តា​ប្រទេសឧស្សាហកម្មផ្សេងទៀតដូចជាអង់គ្លេស សហរដ្ឋអាមេរិក និង​កូរ៉េ។

គ្មានអារម្មណ៍ចំពោះ​ការរួ​មភេទនៅប្រទេសជប៉ុនគឺជា​មូល​ហេតុ​នៃអត្រាកំណើតទាប ធ្វើអោយប្រទេសនេះប្រឈមមុខនឹងចំនួន​ប្រជាជនធ្លាក់​ចុះ ហើយបាត់បង់សេដ្ឋកិច្ចដោយសារតែកង្វះកម្លាំងពលកម្ម។

អត្រាកំណើតនៅប្រទេសជប៉ុនបច្ចុប្បន្នកំ​ពុង​ថយ​ចុះ ត្រូវ​មាន​​វិធាន​ការធានាស្ថេរភាពប្រជាជន។ ប្រិសន​បើ​អត្រា​នេះ​នៅ​តែ​បន្តធ្លាក់​ចុះ ចំនួន​ប្រជាជនគេ​ព្យាករណ៍​ថានៅ​ត្រឹម​តែ ៨៦ លាននាក់នៅឆ្នាំ ២០៦០ ។

ប្រភព Vnexpress