បទបញ្ជា​ថ្មី​សម្រាប់​អ្នក​ជិះរថភ្លើង​ Shinkansen នៅឆ្នាំ ២០២០

អ្នកធ្លាប់អានឯកសារជាច្រើនអំពី Shinkansen – គឺជា​រថ​ភ្លើង​ល្បឿនលឿនបំផុតនៅលើពិភពលោក។ មិនត្រឹមតែល្បឿនប៉ុណ្ណោះទេ គុណភាពនៃ​រថ​ភ្លើង​ក៏​ល្អ​ផង​ដែរ។ នេះ​ជាមូល​ហេតុ​ភ្ញៀវ​ទេស​ចរណ៍លើក​ដំ​បូង​ទៅ​ប្រទេសជប៉ុន​ចង់​ជិះ Shinkansen។

ទោះបីល្បឿនរថភ្លើងលឿន ប៉ុន្តែ​ពេល​ធ្វើ​ដំ​ណើររលូន​គ្មាន​អារម្មណ៍​ដូចជាកំ​ពុង​ជិះ​រថ​ភ្លើង​ឡើយ។ ពេល​រថ​ភ្លើង​ធ្វើ​ដំ​ណើរ​មិន​រង្គើ នាំ​មកនូវ​អារម្មណ៍​សុវត្ថិភាព​​សម្រាប់​អ្នក​ដំ​ណើរ​។

ជាការពិតប្រសិនបើអ្នកជ្រើសរើសយានជំនិះ​ធ្វើ​ដំ​ណើរ​ដោយផ្អែកលើល្បឿន យន្តហោះប្រាកដជាលឿនជាង។ ប៉ុន្តែអ្នកត្រូវចំណាយពេលពី ១ ម៉ោង ទៅ ២ ម៉ោង នៅព្រលានយន្តហោះដើម្បីត្រួតពិនិត្យឥវ៉ាន់ ហើយត្រូវរង់ចាំទទួលឥវ៉ាន់របស់អ្នក។ ប្រសិន​បើ​គិត​ពី​ពេល​វេលា​ធ្វើ​ដំ​ណើរ​ជិះ Shinkansen ស្រួល​ជាង។

ប៉ុន្តែ​មានកំណត់ចំណាំមួយសម្រាប់អ្នកជិះ Shinkansen គឺចាប់ពីខែឧសភាឆ្នាំ ២០២០ ច្បាប់ចំពោះឥវ៉ាន់មាន​ការ​ផ្លាស់ប្តូរ។ មុខ​ទំនិញ​ប្រភេទ​ធំត្រូវតែចុះឈ្មោះមុន។

ចំពោះឥវ៉ាន់ដែល​មាន​កម្ពស់ ប្រវែង ទទឹងលើសពី ១៦០ សង់ទីមែ៉ត្រ។ វ៉ាលី​ខ្នាត​ធំក៏​ស្ថិត​ក្នុង​ប្រភេទ​នេះដែរ។ អ្នកនៅតែអាចយកឥវ៉ាន់ដោយឥតគិតថ្លៃឡើង​រថ​ភ្លើង​ដូចពីមុន​។ ប៉ុន្តែ​ក្នុង​ករណី​មិន​ចុះ​ឈ្មោះ​មុន​អ្នក​ត្រូវ​ចំ​ណាយថ្លៃសេវាកម្ម ១០០០ យ៉េន។ 

រូបភាព https://www.itmedia.co.jp/business/articles/1909/02/news112.html

ដំ​បូង​បទបញ្ជាកក់​កន្លែង​ត្រូវ​បាន​អនុវត្ត​ចំ​ពោះ Tokaido, Sanyo Shinkansen និង Kyushu Shinkansen។ មាន​តែ​អ្នក​ដែល​បាន​ចុះ​ឈ្មោះ​ទើប​អាច​ដាក់​ឥវ៉ាន់នៅឯកៅអីខាងក្រោយសម្រាប់ទុកវ៉ាលីដោយឥតគិតថ្លៃ។

តើនឹង​មានអ្វីកើតឡើងប្រសិនបើគ្មាន​កន្លែងដាក់ឥវ៉ាន់គ្រប់គ្រាន់?

រថភ្លើង Shinkansen យកកន្លែង​លាងសម្ភារៈធ្វើ​ជា​កន្លែង​ដាក់​ឥវ៉ាន់ គោល​បំ​ណង​ដើម្បី​អោយ​អ្នក​ដំ​ណើរងាយ​ស្រួល​ដើរនៅលើ​រថ​ភ្លើង​ គ្មាន​វ៉ាលីសំពីងសំពោង។

Shinkansen មិនត្រឹមតែផ្លាស់ប្តូរនៅខាងក្នុងប៉ុណ្ណោះទេ។ ល្បឿនអតិបរិមានៃរថភ្លើង Shinkansen បច្ចុប្បន្នគឺ ៣២០ គីឡូម៉ែត្រក្នុងមួយម៉ោង។ ឆ្នាំ ២០២០ ក៏ជាឆ្នាំដែលបង្ហាញពី N700S ជាយានជំនិះ​ដែលត្រូវបានគេព្យាករណ៍ថាមានល្បឿនលឿនអាចលើសពីល្បឿន ៣២០ គីឡូម៉ែត្រក្នុងមួយម៉ោង។

ប្រសិនបើអ្នកមានឱកាសទៅប្រទេសជប៉ុននៅឆ្នាំក្រោយ សូម​ចំ​ណាំបទ​បញ្ជា​នេះដើម្បីរីករាយ​នឹងដំណើរកំ​សាន្ត​របស់​អ្នក​។

Sacchan