តើអ្នកធ្លាប់ថ្ពក់​​ដៃ​សន្សា​ជា​មួយ​​នរណា​​ម្នាក់​​ដែរ​​ទេ? មក​ស្គាល់​ពី​ប្រភព​សកម្មភាព​​នេះ​​របស់​ជន​ជាតិ​ជប៉ុន

ដើម្បី​បង្ហាញ​ថាសន្យា​ យើង​ច្រើន​តែធ្វើ​សកម្ម​ភាព​ថ្ពក់​ដៃ ក្នុង​ភាសាជប៉ុន​គេ​ហៅ​ថា Yubikiri (ゆびきり)។

នៅពេលដែលបង្ហាញ​សកម្មភាពនេះ ប្រជាជនជប៉ុន​មាន​បទចម្រៀង​មួយ​។

ゆびきりげんまん、嘘ついたら針１０００本飲ます！

(Yubikiri genman, uso tsuitara hari sen pon nomimasu)

ថ្ពក់​ដៃ​សន្យា​​បើមិន​គោរពសន្យាត្រូវ​ផឹកម្ជុលចំនួន ១០០០​ ដើម។

បន្ទាប់​ពី​ដក​ម្រាម​ដៃ​ចេញពាក្យ​សន្យា​ចាប់​ផ្តើមមានប្រសិទ្ធិភាព ត្រូវ​គោរពពាក្យសន្យា។ បើមិនដូច្នោះទេ អ្នក​នឹងត្រូវពិន័យអោយផឹកម្ជុលចំនួន ១០០០ ដើម ពិតជាគួរអោយខ្លាចណាស់។

យើងនឹង​ស្វែងយល់អំពីប្រភពដើមនៃសកម្ម​ភាព​ថ្ពក់​ដៃសន្យានេះ។

នៅសម័យ Tokyo ដែល​គេ​ហៅ​ថា Edo នៅទីប្រជុំជនមួយមានឈ្មោះ​ថា Yoshiwara។ នៅទីនោះ មាន​នារីជន​បទ​ទៅ​កាន់​ទីប្រជុំជនដើម្បីលក់ខ្លួន។ អ្នក​ខ្លះ​ធ្វើ​ការ​ដើម្បី​រក​ប្រាក់ អ្នក​ខ្លះ​ទៀត​ក៏​ស្រលាញ់បុរស​ដៃគូ។

ដើម្បីបង្ហាញពីក្ដីស្រឡាញ់នេះ ពួកគេប្រើសកម្មភាព Yubikiri។

រូបភាព https://news.livedoor.com/article/detail/17121040/

Yubi គឺជាម្រាមដៃ ចំណែក Kiri គឺកាត់។ តាម​អត្តន័យ​នារី​លក់​ខ្លួន​ទាំង​នេះកាត់កូន​ដៃ​របស់​ពួកគេ​​ប្រគល់អោយ​មនុស្ស​ដែល​ខ្លួន​ស្រលាញ់​ដើម្បីស្បថ។

ក្រៅពី Yubikiri ពាក្យ Yubikiri genman ក៏ជា​ការ​បង្ហាញសកម្មភាព​ថ្ពក់​ដៃផង​ដែរ។ Genman គឺ ១ ម៉ឺនដង មាន​ន័យ​ថា​បើមិន​គោរពសន្យា​ ទោះបីអ្នកត្រូវគេវាយ ១ ម៉ឺនដង ក៏​មិន​ទទួលបានការលើកលែងទោសដែរ។ ថ្វីត្បិតតែការ​វាយ​ធ្វើ​បាប​ពិតជាឈឺចាប់ខ្លាំង ប៉ុន្តែ​មិន​អាច​បិទ​បាំង​កំ​ហុសនោះទេ​ ដូច្នេះ​ទើប​ត្រូវ​ផឹក​​ម្ជុល ១០០០ ដើមថែមទៀត។

ដូច្នេះ​បើ​វិភាគ​ពាក្យ​នីមួយៗ​ពិតជាគួរអោយ​ខ្លាចណាស់!

ប្រសិន​បើកំ​ពុង​រុំ​ម្រាម​ដៃដែល​ទើប​តែ​កាត់ ហើយ​និយាយ​ពាក្យសម្បថនេះបង្ហាញពីអំណាចនៃការសន្យា មិន​អាច​ក្បត់បាន​ទេ។

អត្ថន័យនៃពាក្យសម្បថនេះលើសពីការងារ មិន​ត្រឹម​តែ​ប្រគល់រាង​កាយ​អោយបុរសដែល​ខ្លួន​ស្រលាញ់ប៉ុណ្ណោះ​ទេ ថែម​ទាំងប្រគល់​បេះដូងអោយ​ម្នាក់​នោះផង​ដែរ។ នេះជាសក្ខីភាពនៃក្តីស្រឡាញ់ដ៏ជ្រាលជ្រៅ។

ប៉ុន្តែតាម​ពិតគឺថាស្រ្តី​តិច​ណាស់ដែល​កាត់​ដៃរបស់​ខ្លួន ភាគ​ច្រើន​ពួកគេ​ប្រើ​ម្រាមដៃក្លែងក្លាយដើម្បី​ចង​ចិត្ត​​បុរស។

រឿងរ៉ាវ​ដែល​រ៉ូមែនទិកប្រែជាជូរចត់ តើគួរតែអាណិតចំពោះ​បុរស ឬនារីទាំង​នោះទេ? យល់​ល្អគួរ​តែ​យក​ចិត្ត​ស្មោះរបស់អ្នកស្រលាញ់​មនុស្ស​ម្នាក់ មិន​គួរសន្យាហើយ​មិន​គោរពឡើយ។

Kengo Abe