បញ្ហាមនុស្សចាស់បើកបរបង្កគ្រោះថ្នាក់ចរាចរណ៍កាន់តែកើនឡើង

ថ្ងៃចន្ទ 30/09/2019 | 14:57 ល្ងាច

ថ្មីៗនេះមានគ្រោះថ្នាក់នៅខេត្ត Niigata បុរសម្នាក់អាយុប្រហែល ៣០ ឆ្នាំ ពេលកំពុងដើរត្រូវឡានបើកបុកលើចិញ្ចើមផ្លូវ។ បុរសម្នាក់នេះបាក់ជើងខាងឆ្វេង សំណាងល្អមិនមានគ្រោះថ្នាក់ដល់អាយុជីវិត។

គ្រោះថ្នាក់ចរាចរណ៍បែបនេះអាចកើតឡើងនៅគ្រប់ទីកន្លែង។ ប៉ុន្តែក្នុងករណីនេះបំផុសនូវបញ្ហាមួយក្នុងសង្គមជប៉ុន។ អ្នកបើកបរដែលបង្កគ្រោះថ្នាក់នៅក្នុងឧប្បត្តិហេតុនេះមានអាយុ ១០០ ឆ្នាំ។

យោងតាមនីតិវិធីសួរចម្លើយរបស់ប៉ូលីស អ្នកបើកបរបានអោយដឹងថា៖ “ខ្ញុំមិនប្រយ័ត្នដូច្នេះជ្រុលបើកឡើងចិញ្ចើមផ្លូវដោយចៃដន្យ”។

រូបភាព https://www.bengo4.com/c_2/n_7525/

ប្រទេសជប៉ុនជាប្រទេសមានប្រជាជនវ័យចំណាស់ច្រើន។ មនុស្សជាច្រើនចាស់នៅតែទៅធ្វើការ។ ចំនួនគ្រោះថ្នាក់ដែលបណ្តាលមកពីអ្នកបើកបរចាស់កំពុងកើនឡើង។ មូលហេតុដោយសារយល់ច្រឡំឈ្នាន់ហ្វ្រាំង និងឈ្នាន់បង្កើនល្បឿន ពេលខ្លះជិះបញ្ច្រាសទិសលើផ្លូវហាយវេ ឬមិនប្រយ័ត្នដូចជាករណីនេះជិះឡើងចិញ្ចើមផ្លូវ។

ជាការពិតអាយុកាន់តែច្រើនបណ្តាលអោយការផ្តោតអារម្មណ៍ថយចុះ សុខភាពមិនអាចធានាក្នុងការបំពេញការងារបានល្អ។ ចំពោះការងារធ្វើជាអ្នកបើកបរពេលគ្រោះថ្នាក់មិនអាចយកលេសថា៖ “មកពីខ្ញុំអាយុច្រើន” បានទេ។

រដ្ឋាភិបាលបានលើកទឹកចិត្តមនុស្សចាស់អោយប្រគល់ប័ណ្ណបើកបរ ប៉ុន្តែមិនមានការបង្ខំអោយអនុវត្តទេ។ មូលហេតុគឺថាមនុស្សមួយចំនួនរស់នៅតាមជនបទបើគ្មានឡានពិតជាពិបាកណាស់។ ដូច្នេះវិធីតែមួយគត់គឺរឹតបន្តឹងការផ្លាស់ប្តូរប័ណ្ណបើកបរចំពោះអ្នកដែលអាយុចាប់ពី ៧០ ឆ្នាំឡើងទៅ។ ក្រៅពីនេះសាកល្បងសមត្ថភាពបើកបរ ដោះស្រាយស្ថានភាព ធ្វើតេស្តលើការចងចាំ និងសមត្ថភាពវិនិច្ឆ័យធ្វើឡើងយ៉ាងតឹងរឹងផងដែរ។ ប៉ុន្តែចំនួនគ្រោះថ្នាក់ដែលបណ្តាលមកពីអ្នកបើកបរវ័យចំណាស់នៅតែកើនឡើងមិនថយចុះឡើយ។

នៅប្រទេសជប៉ុនមនុស្សចាស់មិនរស់នៅជាមួយកូនទេ តែរស់នៅម្នាក់ឯង ប្រសិនបើគ្មានឡាននឹងជួបការលំបាកជាច្រើន។ ហើយអ្នកទាំងនេះក៏គ្មានចេតនាបង្កគ្រោះថ្នាក់ឬផឹកស្រាដែរ។ ដូច្នេះពិបាកក្នុងការចាត់វិធានការចំពោះអ្នកបើកបរវ័យចំណាស់ណាស់។

បច្ចុប្បន្នមធ្យោបាយដែលអាចធ្វើទៅបានគឺការអភិវឌ្ឍរថយន្តស្វយ័ប្រវត្តិ។

Kengo Abe