ទំព័រដើម
Japo- ថ្ងៃនេះ
មូលហេតុរថយន្តដឹកសពនៅជប៉ុនពេលទៅ និងពេលត្រឡប់មកវិញផ្លូវខុសគ្នា

មូលហេតុរថយន្តដឹកសពនៅជប៉ុនពេលទៅ និងពេលត្រឡប់មកវិញផ្លូវខុសគ្នា

ថ្ងៃព្រហស្បតិ៍ 26/09/2019 | 14:43 ល្ងាច

រថយន្ដដឹកសពក្នុងភាសាជប៉ុនគេហៅថា Reikyuu sha (霊柩車 – ឡានស្រការនាគ) ប្រើដឹកមឈូសអ្នកស្លាប់។

ប្រជាជនជប៉ុនបច្ចុប្បន្ននេះភាគច្រើនជ្រើសរើសវិធីបូជាសព។ បន្ទាប់មកផេះត្រូវបានតម្កល់កប់ជាមួយដូនតា។ រថយន្តដឹកសពប្រើដឹកមឈូសពីកន្លែងធ្វើពិធីទៅកន្លែងបូជា។ ប៉ុន្តែអ្វីដែលចម្លែកគឺផ្លូវរថយន្តដឹកសពពេលធ្វើដំណើរទៅ និងពេលត្រឡប់មកវិញខុសគ្នា។ តើអ្នកដឹងថាហេតុអ្វីទេ?

ជនជាតិជប៉ុនជឿថាប្រសិនបើរថយន្តដឹកសពពេលធ្វើដំណើរទៅ និងពេលត្រឡប់មកវិញផ្លូវតែមួយធ្វើអោយអ្នកស្លាប់នឹកចាំផ្លូវត្រឡប់មកវិញ ព្រលឹងរបស់ពួកគេវិលត្រឡប់មកគ្រួសារវិញ។ ដូច្នេះដើម្បីធ្វើអោយអ្នកស្លាប់វង្វេងផ្លូវអ្នកបើកបរត្រូវជិះផ្លូវវាង។

ប៉ុន្តែក្នុងករណីគ្មានផ្លូវផ្សេងជំនួស រថយន្តដឹកសពត្រូវប្តូរផ្លូវខ្លះ (ពី ១០០ ម៉ែត្រ -២០០ ម៉ែត្រ)។ ឬពេលប្រញាប់ (ឧទាហរណ៍ត្រូវទៅពិធីបុណ្យសពផ្សេងទៀត) អ្នកបើកបរអាចបក់មកវិញម្តង។ មុនពេលដាក់មឈូសឡើងឡាន អ្នកលើកត្រូវបង្វិលមឈូសប្រហែល ៣ ដង។ វិធីនេះធ្វើអោយព្រលឹងអ្នកស្លាប់មិនដឹងពីទិសដៅ។

លើសពីនេះនៅប្រទេសជប៉ុនមានប្រពៃណីមួយពេលឃើញឡានដឹកសពតាមផ្លូវ អ្នកត្រូវបត់ម្រាមដៃមេលាក់នៅក្នុងបាតដៃរបស់អ្នក។ ព្រោះក្នុងភាសាជប៉ុនម្រាមដៃមេគេហៅថា Oya-yubi ពាក្យ Oya សំដៅលើឪពុកម្តាយ។ ដូច្នេះអ្នកដែលមិនលាក់ម្រាមដៃមេអោយឡានទៅផុត នៅពេលឪពុកម្តាយស្លាប់មិនបាននៅជិត។

រថយន្តដឹកសពនៅជប៉ុនមានច្រើនប្រភេទ រូបរាងប្លែកភ្នែក ហើយតម្លៃមិនថោកទាល់តែសោះ។ ប្រភេទខ្លះតម្លៃប្រហែល ៥៥០ ដុល្លា។