អាថ៌កំបាំងកោះហាមស្ត្រីមិនអោយទៅលេង

ថ្ងៃពុធ 25/09/2019 | 12:55 ល្ងាច

តាំងពីបុរាណកាលកោះ Okinoshima ឬត្រូវបានគេហៅថាកោះទេវតា ជាកន្លែងមិនអនុញ្ញាតអោយស្រ្តីទៅឡើយ។

នៅឆ្នាំ ២០០៩ កោះនេះត្រូវបានគេត្រៀមតាំងជាតំបន់បេតិកភណ្ឌរបស់ UNESCO ដែលគេហៅថាកោះ Okinoshima សក្តិសិទ្ធិ។ បន្ទាប់មកបានក្លាយជាសម្បត្តិបេតិកភណ្ឌពិភពលោកជាផ្លូវការនៅថ្ងៃទី ៩ ខែកក្កដាឆ្នាំ ២០១៧ ក្នុងអំឡុងកិច្ចប្រជុំ UNESCO លើកទី ៤១ នៅប្រទេសប៉ូឡូញ។

កោះតូចជាផ្នែកមួយនៃរដ្ឋបាលទីក្រុង Munakata ខេត្ត Fukuoka ស្ថិតនៅលើសមុទ្រជប៉ុន ជារៀងរាល់ឆ្នាំនៅកោះ Okinoshima ទទួលភ្ញៀវក្នុងកំឡុងពេលប្រារព្ធពិធីបុណ្យប្រពៃណីត្រឹមតែ ២ ម៉ោងប៉ុណ្ណោះ ប៉ុន្តែនៅឆ្នាំនេះចំនួនភ្ញៀវដែលមានសំណាងអាចមកលេង “កោះបុរស” មាន ២០០ នាក់ប៉ុណ្ណោះ។

រូបភាព https://www.welcomekyushu.jp/article/?mode=detail&id=128

ភ្ញៀវទេសចរណ៍ប្រុសៗដែលទៅលេងកោះ Okinoshima ត្រូវគោរពតាមច្បាប់ទម្លាប់នៅទីនេះ ដោះសម្លៀកបំពាក់លើខ្លួន និងធ្វើពិធីសម្អាតរាងកាយមុនពេលទៅកោះ ពួកគេមិនត្រូវយករបស់អ្វីទាំងអស់លើកោះត្រឡប់ទៅផ្ទះទោះធំឬតូច។

ពេលដែលបានកត់ត្រាក្នុងបញ្ជី UNESCO កន្លែងទាំងនេះនឹងក្លាយជាកន្លែងទាក់ទាញភ្ញៀវទេសចរណ៍ ប៉ុន្តែលោក Munakata Taisha – ព្រះសង្ឃម្នាក់លើកោះបាននិយាយថា៖

“យើងមិនបើកចំហទទួលភ្ញៀវទេសចរណ៍ទេ អ្នកទាំងអស់គ្នាមិនគួរមកទីនេះដោយសារចង់ដឹងចង់ឃើញនោះទេ។ សកម្មភាពទេសចរណ៍នាពេលខាងមុខអាចនឹងបំផ្លាញសម្រស់ដ៏ស្រស់ត្រកាលនៃកោះប្លែកនេះ”។

ច្បាប់នេះនៅតែរក្សារាប់សតវត្សរ៍កន្លងទៅ កោះនេះក៏ជាកន្លែងកប់សម្បត្តិដ៏មានតម្លៃជាច្រើនដែរ គេជឿថាមានប្រភពមកពី Persian ដូចជាចិញ្ចៀនមាសរបស់កូរ៉េ និងរតនសម្បត្តិជាច្រើនទៀត។

រូបភាព https://mainichi.jp/graphs/20170525/hpj/00m/040/002000g/2

ម៉្យាងវិញទៀតមូលហេតុដែលកោះ Okinoshima ហាមឃាត់ស្ត្រីមិនដែលប្រកាសជាសាធារណៈទេ។

អាចនិយាយបានថាប្រទេសជប៉ុនជាប្រទេសមួយក្នុងចំណោមប្រទេសដែលមានទំនៀមទម្លាប់ និងប្រពៃណីប្លែកៗជាច្រើន។ ប្រសិនបើអ្នកមានឱកាសទៅប្រទេសជប៉ុនសាកល្បងទៅលេងម្តងអោយយល់ពីអារម្មណ៍ចម្លែកនៃប្រទេសនេះ។

ប្រភពច្រើន