ហេតុ​អ្វី​បានប្រជាជនជប៉ុន​ចូលចិត្តទូរស័ព្ទ​ iPhone ស៊េរីថ្មី?

បច្ចុប្បន្ន​ទូរស័ព្ទមិនត្រឹមតែប្រើដើម្បី​ហៅ​ទូរស័ព្ទឬផ្ញើសារ​ប៉ុណ្ណោះ​ទេ មានទាំងមុខងារដូចជាកុំព្យូទ័រខ្នាតតូចផងដែរ (ដូចជា​រៀបចំអត្តបទ ចូលមើលគេហទំព័រ និងការរចនាសាមញ្ញ) ឬកាមេរ៉ា (ថតរូប ថតវីដេអូ)។ យោងតាមការស្ទង់មតិរបស់ Device Atlas បង្ហាញ​លទ្ធផល​ស្មាតហ្វូនដែលពេញនិយមបំផុតនៅឆ្នាំ ២០១៩ ទូរស័ព្ទស្មាតហ្វូនមានប្រជាប្រិយភាពបំផុតនៅជប៉ុនគឺ iPhone7 ។

iPhone និង Samsung

បន្ទាប់ពីស្មាតហ្វូនចាប់​ផ្តើម​ពេញ​និយម​នៅ​ប្រទេសជប៉ុន ប្រជាជនជប៉ុនជាច្រើនបានប្រើទូរស័ព្ទ iPhone រួចទៅហើយ។ ទោះបីជាម៉ាកទូរស័ព្ទស្មាតហ្វូនដូចជា Samsung, Sony, Huawei និង LG ត្រូវបានគេចាត់ទុក​ថា​ជាក្រុមហ៊ុនលំដាប់កំពូលនៅលើពិភពលោកក៏ដោយ ប៉ុន្តែស្មាតហ្វូនដែលប្រជាជនជប៉ុនភាគច្រើនប្រើ​គឺ iPhone ។

មូលហេតុក្រុមហ៊ុន Samsung មិន​ពេញ​និយម​នៅប្រទេសជប៉ុនមួយ​ផ្នែកដោយសារតែក្រុមហ៊ុន Samsung គឺជាសាជីវកម្មរបស់កូរ៉េ។ អាជីវកម្មកូរ៉េច្រើនតែប្រកួតប្រជែងជាមួយជនជាតិជប៉ុនជាពិសេសក្នុងវិស័យបច្ចេកវិទ្យា។ បើនិយាយពីការប្រកួតប្រជែងផ្នែកសេដ្ឋកិច្ចវិញជនជាតិជប៉ុនហាក់ដូចជាចង់យក​ឈ្នះ​កូរ៉េជាង​​សហរដ្ឋអាមេរិក។

ប្រជាជនជប៉ុន​មួយ​ចំ​នួន​មិន​ខ្វល់ការ​ប្រកួត​ប្រជែង​នេះទេ ដោយសារពួកគេគ្រាន់តែ​ចង់​ទិញស្មាតហ្វូនស៊េរី​ថ្មី​ប៉ុណ្ណោះ។ ប្រទេសកូ​រ៉េកាន់កាប់សាជីវកម្មបច្ចេកវិទ្យាច្រើន ប៉ុន្តែអតិថិជនជប៉ុនភាគច្រើនមិនស្គាល់ម៉ាកទាំងនេះទេ ពីព្រោះទូរស័ព្ទ iPhone ស្ទើរតែដណ្តើម​ទី​ផ្សារនៅប្រទេសជប៉ុន។ Apple បើកការផ្សព្វផ្សាយផលិត​ផល​ជាច្រើននៅក្នុងតំបន់ទីក្រុង។ ​ពេល​ដើរ​ចូល​ហាងអ្នកអាចឃើញទូរស័ព្ទ iPhone និងផលិតផលរបស់ Apple ផ្សេងទៀតនៅគ្រប់ទីកន្លែង ស្ទើរ​តែ​គ្មាន​ផលិតផល​របស់ Samsung។

នេះជាមូលហេតុនៅថ្ងៃទី ២០ នៃខែនេះពេលដែលម៉ូដែល iPhone ថ្មីរបស់ Apple ដាក់​បង្ហាញនៅជប៉ុន មនុស្ស​​ជាច្រើន​ឈរតម្រង់ជួរនៅមុខ Apple Store ទីក្រុងTokyo។

បុរសដែលត្រូវបានសម្ភាសនៅក្នុងវីដេអូនិយាយថាគាត់បានតម្រង់ជួរនៅម៉ោង ៦:៣០ ដោយសារតែគាត់ចង់ឃើញទូរស័ព្ទ iPhone11។ នៅក្នុងហាងមានមនុស្សជាច្រើនកាន់ទូរស័ព្ទថ្មី​ និងថតរូបអនុស្សាវរីយ៍។

រូបភាព Soranews

ជាការពិតណាស់មនុស្សជាច្រើនកំពុងរង់ចាំតម្រង់ជួរដើម្បីទិញទូរស័ព្ទថ្មីព្រោះពួកគេចង់បានទូរស័ព្ទដែលកំពុងតែវាយលុកលើទីផ្សារ។ នៅ​​មាន​មូល​ហេតុ​មួយ​ទៀតគឺការដំឡើងពន្ធលើការប្រើប្រាស់ក្នុងខែតុលាឆ្នាំនេះ។ នេះជាមូល​ហេតុមួយ​ដែលមនុស្សជាច្រើនប្រញាប់ប្រញាល់ទិញទូរស័ព្ទ iPhone ដែលទើបនឹងចេញថ្មីនេះ។

ស្មាតហ្វូននៅជប៉ុន

ភាគ​ច្រើន​គ្រប់ស្មាតហ្វូនខុស​គ្នា​ ប្រសិនបើទិញនៅប្រទេសជប៉ុនសម្លេង​ថត​ឮខ្លាំង​ជាង​ទិញ​លើទីផ្សារផ្សេងទៀត។ នៅប្រទេសជប៉ុន​មាន​ច្បាប់មិន​អោយ​ថត​រូបនរណា​ម្នាក់​ដោយគ្មានការអនុញ្ញាតឡើយ។ ក្រៅពីនេះ​លួច​​ថត​នរណា​ម្នាក់ក៏​ត្រូវ​គេ​ចាត់​ទុក​ជាបទ​ល្មើស​ផង​ដែរ។

ចុះ​បើ​ថត​ការ​បង្រៀន​នៅ​ក្នុង​ថ្នាក់វិញ? នឹង​ទៅជាយ៉ាង​ណា​ប្រសិនបើសម្លេង​ថត​រូបលាន់់់ឮក្នុង​​ថ្នាក់​រៀន។ ដូច្នេះនិស្សិតជប៉ុនជាច្រើនប្រើកម្មវិធីបិទសម្លេង​ថត​។ កម្មវិធីបែបនេះច្រើនតែមាន​ឈ្មោះ​ថា 消音カメラ។

ប្រភព https://guidable.co

M.E.O