អាកប្បកិរិយាទាំង ១០ នៅលើរថភ្លើងដែលជនជាតិជប៉ុនស្អប់បំផុតក្នុងឆ្នាំ ២០១៨

នៅប្រទេសជប៉ុនមានច្បាប់ទម្លាប់រាប់មិនអស់ពេល​ជិះរថភ្លើង ទោះបីជាមនុស្សភាគច្រើនគោរពតាម ប៉ុន្តែនៅ​តែអ្នក​ដំ​ណើរ​មួយ​ចំនួន​រំ​ខាន​អ្នក​ដទៃ​ដោយ​មិន​ដឹង​ខ្លួន​។ តើសកម្មភាពទាំងនោះជាអ្វី?

រូបភាព /www.ivn.edu.vn/

សមាគមផ្លូវដែកឯកជនជប៉ុនថ្មីៗនេះបានប្រមូលព័ត៌មានចំនួន ៧២ ក្រុមហ៊ុន និងភ្ញៀវចំនួន​ ២,៦៨៦ នាក់ ដើម្បីធ្វើបញ្ជីអាកប្បកិរិយាមិនសមរម្យប្រចាំឆ្នាំរំខានដល់អ្នកជិះក្នុងកម្រិតកាន់តែកើនឡើង។

១០. ញ៉ាំនៅ​លើ​រថភ្លើងពេល​មាន​មនុស្ស​ច្រើន (១០%)

នៅ​ក្នុង​ប្រទេសដែល​ផ្តោតសំ​ខាន់ភាពស្ងប់ស្ងាត់សម្លេង​ទំពារអាហារ និងក្លិនអាហារអាចប៉ះពាល់ដល់អ្នកដែល​នៅជុំវិញខ្លួន។ មិនត្រឹមតែប៉ុណ្ណឹងកំពប់អាហារនឹងធ្វើអោយកខ្វក់រថភ្លើង។

៩. ទុកសំរាមឬកំប៉ុងទទេនៅលើរថភ្លើង (១៤,២%)

ជាទូទៅជនជាតិ​ជប៉ុនខ្ចប់សំរាមចោល​ពេល​ចុះ​ពី​រថភ្លើង​​ ប៉ុន្តែពេលខ្លះដោយសារតែធ្វេសប្រហែសអាច​​ភ្លេច​​ចោល​សំ​រាម។ ទាំងនេះធ្វើអោយ​ប៉ះ​ពាល់អ្នក​ដទៃ​នៅ​លើ​រថ​ភ្លើង​។

៨. ផាត់​មុខលើ​រថ​ភ្លើង​ (១៥,១%)

រូបភាព http://cep.com.vn/

មើល​អ្នក​ដទៃ​ផាត់​មុខ​មិន​មែន​ជា​ចំ​ណូលចិត្ត​របស់​ជនជាតិ​ជប៉ុន​ឡើយ ជាពិសេសលើរថភ្លើងកំ​ពុង​ធ្វើ​ដំ​ណើរ។ មិន​ត្រឹម​តែ​ប៉ុណ្ណឹង​អ្នក​អាចធ្វើ​អោយ​កំ​ពប់ម្សៅ​ផាត់លើសម្លៀកបំពាក់អ្នក​អង្គុយ​ជិត។

៧. ជិះរថភ្លើងពេលស្រវឹង (១៥,៤%)

ផឹក​គ្រឿងស្រវឹងគឺជាផ្នែកមួយសំខាន់នៃវប្បធម៌ជប៉ុន ប៉ុន្តែ​ឡើង​រថភ្លើង​ជាមួយ​នឹង​ក្លិន​ស្រាខ្លាំង​ពិតជាមិន​សម​រម្យ។

៦. ដើរបណ្តើរប្រើទូរស័ព្ទ​បណ្តើរ​ (២១,៥%)

មនុស្ស​មួយ​ចំនួន​ដើរបណ្តើរចុចទូរស័ព្ទដៃបណ្តើរ។ ជាការពិត​គ្មាន​នរណា​ចាប់​អារម្មណ៍អ្នក​មើល​អ្វីក្នុង​ទូរស័ព្ទ​របស់អ្នក​ទេ ​ដោយសារ​ខ្វះការប្រុងប្រយ័ត្ន​ធ្វើ​អោយ​ប៉ះ​អ្នក​ដទៃមិន​គួរទេ។ អាកប្បកិរិយានេះក៏​មាន​គ្រោះ​ថ្នាក់​​ចំពោះខ្លួន​​អ្នក​ផង​ដែរ។

៥. បើក​សម្លេង​ខ្លាំងៗអាចស្តាប់ឮទោះបីស្តាប់កាស (២៣,២%)

សម្លេង​ទាំង​អស់ដែលរំខាន​​ភាព​ស្ងប់​​ស្ងាត់នៅ​លើ​រថ​ភ្លើងមិនអាចទទួលយកទេ។ ទោះបីជាអ្នកគិតថាវាគ្មានអ្វីក៏ដោយ តែមនុស្សដែលអង្គុយក្បែរអ្នកកំ​ពុង​អាន​សៀវភៅមិនគិតដូច្នេះ​ទេ។

៤. អាកប្បកិរិយាឡើង និង​ចុះ​ពីរថភ្លើង​មិន​សមរម្យ (៣៤,៣%)

នៅពេល​ទ្វារបើកសូមរង់ចាំអោយអ្នកដទៃចុះរួចចាំ​ឡើង​រថ​ភ្លើង។ ប្រជៀត​គ្នាកាន់​តែ​ធ្វើ​អោយ​ស្ទះ​ថែម ហើយ​គ្មាន​ផលប្រយោជន៍ដល់ភាគីទាំងពីរឡើយ។​

៣. អាកប្បកិរិយាអង្គុយមិនសមរម្យ (៣៤,៥%)

រូបភាព https://lostbird.vn/

អង្គុយ​កន្ធេក​​ជើងធំធ្វើ​អោយ​ខ្វះកន្លែង​អង្គុយរបស់អ្នក​ដទៃប្រាកដជាបង្ក​ការ​រំខាន។

២. និយាយសម្លេង​ខ្លាំងៗ (៣៦,៩%)

មិនថានិយាយទូរស័ព្ទជជែកជាមួយមិត្តភក្តិឬមនុស្ស​ស្គាល់គ្នា​លើ​រថ​ភ្លើងគឺមិន​គួរទេ។

១. របៀប​ស្ពាយកាបូប (៣៧,៣%)

រូបភាព https://nuocnhatplus.com

អាកប្បកិរិយាបង្កការ​រំខានខ្លាំងចំពោះជនជាតិជប៉ុន​ពេល​ជិះ​រថភ្លើង​គឺ​របៀប​ស្ពាយ​កាបូបរបស់​មនុស្ស​មួយ​ចំនួន​។ ជាក់ស្តែង ៦៦,២% អ្នកឆ្លើយសំណួរបង្ហាញថាកាបូបស្ពាយពី​ក្រោយ​ឬ​ចំ​ហៀងធ្វើអោយ​ពិបាក​ចំពោះ​ពួកគេ​ ចំណែក​ ៩% មិនចូលចិត្តអ្នកដំណើរដាក់ឥវ៉ាន់នៅលើកៅអី។ ចំនួន​មនុស្ស ៨,៣% មួ​រម៉ៅពេល​ឃើញ​ឥវ៉ាន់​ដាក់​លើ​​ដី។

ច្បាប់​ទម្លាប់នៅ​ប្រទេសជប៉ុន​គឺ​រក្សាភាពស្ងប់ស្ងាត់ មិន​ដណ្តើម​កន្លែងអង្គុយច្រើន​ពេក និងគោរពមនុស្សជុំវិញខ្លួន។

ប្រភព Japan Today

Neko