វិមានទឹកកក Frozen រៀបចំធ្វើឡើងនៅឆ្នាំ ២០២០

ថ្ងៃចន្ទ 23/09/2019 | 14:05 ល្ងាច

រមណីយដ្ឋានធំជាងគេនៅ Hokkaido, Hoshino Resorts Tomamu នឹងបើកដំណើរការសណ្ឋាគារទឹកកកក្នុងរយៈពេលកំណត់ចាប់ពីថ្ងៃទី ១៨ ខែមករាដល់ថ្ងៃទី ២៩ ខែកុម្ភៈឆ្នាំ ២០២០ ។

រូបភាព https://travel.mdpr.jp/travel/detail/

ប្រសិនបើអ្នកជាអ្នកគាំទ្ររបស់ Disney អ្នកប្រាកដជាមិនភ្លេចទេសភាពវិមានទឹកកក Frozen ដ៏អស្ចារ្យឡើយ។ តើអ្នកគិតយ៉ាងណាប្រសិនបើទេសភាពក្នុងរឿងមាននៅក្នុងជីវិតពិត? នៅខាងក្នុងសណ្ឋាគារទឹកកកតាំងពីជញ្ជាំង តុ និងកៅអីទាំងអស់សុទ្ធតែជាទឹកកក។ សណ្ឋាគារទឹកកកត្រូវបានដាក់នៅកណ្តាលទេសភាពព្រិលធ្លាក់។ ប្រសិនបើបាញ់កាំជ្រួចកាន់តែស្អាតជាងរដូវក្តៅទៅទៀត។

រូបភាព https://travel.mdpr.jp/travel/detail/1873346

តំបន់នេះមានសីតុណ្ហភាពទាបបំផុតដល់ -៣០ អង្សា ទោះបីបាញ់កាំជ្រួចក៏មិនខ្លាចថាទឹកកកនឹងរលាយដែរ។

រូបភាព https://travel.mdpr.jp/travel/detail/1873346

បន្ទប់នៅខាងក្នុងសណ្ឋាគារដំបូលទឹកកកត្រូវបានរចនាជារាងមូលអង្កត់ផ្ចិត ៨.៥ ម៉ែត្រ កម្ពស់ ៣.៥ ម៉ែត្រ។ បន្ទប់នេះធ្វើពីទឹកកក អ្នកមិនអាចមើលឃើញចំនុចភ្ជាប់រវាងជញ្ជាំង និងពិដានឡើយ។ ជញ្ជាំងគឺជាផ្ទាំងទឹកកកក្រាស់កាត់បន្ថយសំឡេង។ ដូច្នេះមិនថាមានសំឡេងរំខានអ្វីនៅខាងក្រៅ ខាងក្នុងបន្ទប់នៅតែមានភាពស្ងប់ស្ងាត់។

នៅលើគ្រែទឹកកកមានពូកគេងពិសេសជួយរក្សាភាពកក់ក្តៅ។ ទោះជាយ៉ាងណាចំហាយត្រជាក់ភាយចេញអាចនឹងធ្វើអោយមុខរបស់អ្នកត្រជាក់់ ដូច្នេះត្រូវប្រាកដថាមុខរបស់អ្នកនៅក្នុងពូករក្សាកម្តៅ។

រូបភាព https://travel.mdpr.jp/travel/detail/1873346

កន្លែងស្នាក់នៅមានកំណត់ត្រឹម ១ ថ្ងៃក្នុងមួយក្រុម។

នៅខាងក្នុងសណ្ឋាគារទឹកកកមានអាងងូតទឹកផងដែរ។ ជាការពិតអ្នកមិនចាំបាច់ត្រាំក្នុងទឹកកកទេ។ នៅខាងក្នុងអាងងូតទឹកគឺជាប្រភពទឹកក្តៅធម្មជាតិ។ អារម្មណ៍ត្រាំសម្រាកនៅក្នុងទឹកក្តៅជុំវិញបរិយាកាសព្រិលធ្លាក់។

រូបភាព https://travel.mdpr.jp/travel/detail/1873346

អ្នកក៏អាចអង្គុយលើសាឡុងទឹកកកផឹកកាហ្វេក្តៅមួយកែវ ហើយមើលផ្កាយលើមេឃនៅពេលយប់។ មានអារម្មណ៍ដូចជាស្ថិតនៅក្នុងពិភពឋានសួគ៌នៃរឿងនិទាន។

រូបភាព https://travel.mdpr.jp/travel/detail/1873346

ប្រសិនបើអ្នកចង់សប្បាយកាន់តែខ្លាំងសណ្ឋាគារទឹកកកមាន Bar អាចផឹកស្រាគ្រប់ប្រភេទ។ នៅក្នុងអាកាសធាតុត្រជាក់បែបនេះផឹកស្រាប៉ុន្មានកែវធ្វើអោយរាងកាយកក់ក្តៅ។ ប៉ុន្តែកុំអោយស្រវឹងពេកព្រោះនៅមើលទេសភាពផ្សេងទៀត។

កន្លែងស្ងប់ស្ងាត់នៅខាងក្នុងសណ្ឋាគារទឹកកកនេះពិតជាសាកសមបំផុតសម្រាប់ការធ្វើដំណើរកំសាន្តជាមួយក្រុមគ្រួសារ និងមិត្តភក្តិ ហើយជាពិសេសគឺគូស្នេហ៍។ តោះត្រៀមគម្រោងទៅលេងវិមានទឹកកកជាមួយនឹងមនុស្សជាទីស្រលាញ់។