ទេសភាព​​ទីសក្ការៈបូជា​នៅប្រទេសជប៉ុន

មនុស្សជាច្រើនយល់​ថា ជប៉ុន​ជាប្រទេសកាន់ព្រះពុទ្ធសាសនា ប៉ុន្តែ​តាម​ពិតមិនមែននោះទេ​។ ស្ថាបត្យកម្ម​នៃ​ព្រះ​ពុទ្ធសាសនាគឺវត្តរីឯ Shinto គឺជាទីសក្ការៈបូជា។ ស្ថាបត្យកម្មពីរប្រភេទនេះមានច្រើននៅប្រទេសជប៉ុន។ មិនត្រឹម​តែ​ស្ថាបត្យកម្មប៉ុណ្ណោះទេ ទស្សនៈសាសនារបស់ជនជាតិជប៉ុនក៏ចម្រុះគ្នាផង​ដែរ។

ក្នុងលក្ខណៈស្ថាបត្យកម្មរបស់ជប៉ុនស្អាតពិសេសទាក់​ទាញភ្ញៀវទេសចរណ៍បរទេសមកទស្សនា​។ តើ​អ្នក​ធ្លាប់​​មាន​ឳកាស​ទៅ​ទស្សនាដែរទេ?

តោះរួមដំណើរកម្សាន្តជាមួយ​ JAPO ទស្សនា​ទីសក្ការៈបូជានានានៅប្រទេសជប៉ុន។

​ទីសក្ការៈបូជា Takayama Inari

រូបភាព https://chanto.jp.net/going-out/travel/131630/

ទីសក្ការៈបូជានេះមានទីតាំងស្ថិតនៅខេត្ត Aomori តំបន់ Tohoku ប្រទេសជប៉ុន។ កន្លែងនេះពិតជាពិសិដ្ឋណាស់អាចមកបន់ស្រន់សុំគ្រប់​រឿងដូចជាកសិកម្ម ពាណិជ្ជកម្ម ឧស្សាហកម្ម ជលផល សន្តិភាព សុខភាព និង​សុវត្ថិភាពពេល​ធ្វើដំ​ណើរ -ល-។

លក្ខណៈពិសេសនៃទីសក្ការៈបូជានេះស្ថិត​លើច្រកទ្វារ Tori មួយពាន់នៅច្រកចូល។ នៅទីនេះអ្នកអាចប្រៀប​ធៀប​ជាមួយនឹងទីសក្ការៈបូជា Fushimi Inari នៅ Kyoto ប៉ុន្តែទីនេះ​មាន​ភាពលេចធ្លោ ព្រោះ​ទេសភាពធម្ម​ជាតិស្អាត។

អាសយដ្ឋាន

ទីសក្ការៈបូជា Takayama Inari / 147-1 Kannosawa, Ushigatacho ទី​ក្រុង Tsugaru, Aomori។

ទីសក្ការៈបូជា Gozanoishi

រូបភាព https://www.jalan.net/news/article/193595/

ទីសក្ការៈបូជាស្ថិត​នៅ​ខេត្ត​ Akita ជិតបឹង Tazawa-ko។ មនុស្ស​ជាច្រើន​មក​ទីនេះ​ដោយ​សារ​ច្រកទ្វារ Tori ជាមួយ​នឹង​ផ្ទៃ​ទឹកខៀវស្រងាត់។

អាសយដ្ឋាន

ទីសក្ការៈបូជា Gozanoishi/ Shimonakiuchi, Nishiki-cho ទី​ក្រុង Semboku, Akita

ទីសក្ការៈបូជា Haruna

ផ្លូវទៅកាន់ទីសក្ការៈបូជា Haruna ស្ថិត​នៅ Gunma មានកន្លែងគួរអោយចាប់អារម្មណ៍ជាច្រើនទៀត។ អ្នកអាចមើលឃើញព្រះទាំងប្រាំពីរនៅតាមផ្លូវទៅកាន់ទីសក្ការៈបូជា។

អាសយដ្ឋាន

ទីសក្ការៈបូជា Haruna / 849 Harunayamacho ទី​ក្រុង Takasaki, Gunma

ទីសក្ការៈបូជា Oarai Isomae 

រូបភាព https://www.jalan.net/news/article/193595/

នៅ Oarai, Ibaraki មានទីសក្ការៈបូជា​បែរមុខទៅសមុទ្រដែល​គេជឿ​ថាមាន​ទេវតា​ជួយ​ថែរក្សាអ្នក​ធ្វើ​ដំ​ណើរ​លើ​សមុទ្រ​។ អ្នកថតរូបតែងតែមកទីនេះពេលថ្ងៃលិចដើម្បីថត​ខ្លោងទ្វារ Tori។

អាសយដ្ឋាន

ទីសក្ការៈបូជា Oarai Isomae/ 6890 Shirahama-cho, Oarai-machi, Higashi-Ibaraki-gun, Ibaraki។

ឧទ្យាន Niikurayama Asama

រូបភាព https://www.jalan.net/news/article/193595/

នៅឧទ្យាននេះអ្នកអាចមើលឃើញនិមិត្តរូបនៃប្រទេស​ជប៉ុនចំនួន ៣ គឺភ្នំហ្វូជី ផ្កា Sakura និង ​Gojunoto ៥ ជាន់។ អាច​និយាយ​ថា​កម្រឃើញ​កន្លែង​មាន​ទេសភាព​ស្អាត​បែប​នេះ។

អាសយដ្ឋាន

ឧទ្យាន Niikurayama Asama (ទីសក្ការៈបូជា Niikurayama Asama)/ 3353-1 Shinkura ទី​ក្រុង Fujiyoshida, Yamanashi។

ទីសក្ការៈបូជា Togakushi

រូបភាព https://www.jalan.net/news/article/193595/

ទីសក្ការៈបូជានេះ​លាក់​ខ្លួន​ជ្រៅនៅក្នុងព្រៃដែលព័ទ្ធជុំវិញដោយដើមឈើធំមានអាយុច្រើនឆ្នាំ។

អាសយដ្ឋាន

ទីសក្ការៈបូជា Togakushi Okushakan/ 3690 Togakushi, Nagano, Nagano។

ទីសក្ការៈបូជា Shirahama

រូបភាព https://www.jalan.net/news/article/193595/2

ទីសក្ការៈបូជានេះមានទីតាំងស្ថិតនៅតាមបណ្តោយឆ្នេរខេត្ត Shizuoka។ ទេសភាពសមុទ្រ និងឆ្នេរខ្សាច់ពណ៌​ស​ស្រស់ស្អាតគ្រប់រដូវកាល ប៉ុន្តែស្អាតបំផុតគឺនៅខែកុម្ភៈ។

ជាពេលដែលផ្កា Kawazu Zakura រីកនៅក្បែរនោះ ជាមួយនឹងផ្ការីកនៅនិទាឃរដូវមានពណ៌លឿងបង្កើត​ជាទេស​ភាព​​ចម្រុះ​​ពណ៌។

អាសយដ្ឋាន

ទីសក្ការៈបូជា Shirahama / 2740 Shirahama, Shimoda, Shizuoka។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: